Dwagi Yai Gesi Po Lukgo Asęani 3:36 - Godigo dwagi yai po buku

³⁶ Sela aga aya Kainan, Kainan aga aya Arpaksat, Arpaksat aga aya Siem, Siem aga aya Noa, Noa aga aya Lamek.

Dwagi Yai Gesi Po Lukgo Asęani 3:36 Referans Kwoze

2 Pita 2:5

Te polobadu mu bidai we bidi augwali me, te augwaligo God gegeda peyu tudiba muai, tama agai augwali sula tagalobeo. Menio. Agai te wę genuai augwaliba asomainogo elama, tama augwali te węgo ela silama tama hagawai. Tiali goli te bidi Noa aga te doloba pai kolesaga ebo po pusubo bidi bidai. Tama Godigo aga dali, te we bidi a naga olama me badu nogo si agai tonaluyu ma dobola sai.

1 Pita 3:20

Tama polobadu mu te bage augwali e tǫde bidibadi augwaligo Godigo po odobo hagela yai dao. Tama te sogo polobadu mu te bidi nogi Noa aga e tǫde bidiyu, tama Noa agai te moni geba nigibadi te sogo Godigo te dwai sę yali we bidi dali sębę polo isiąbadi tonaluali. Tama te moni geba nigibo sę silama, tama te we bidi isilabo moni ąį asali sogo, te we bidi hauwa te geba tomoba pelama bugagia bidibeo. Woo, te we bidi a naga olama me nogo sela naga augwali te sipde bidibadi te ąįdu sela bilama tama bugagia bidaligo sana pali. Tama tebogo Godigo augwali te ąįgo tau siyu ma dobola sali.

Hibru 11:7

Te Godigo te bidi Noabolo po weyu, “Te nago gedugo susiąwai nosali pedalabo sęde dua yao,” te po wai. Tama te bidi Noa agai Godide tiąluama tama konealubo po dąų obaso, agai te Godigo agabolo te aga gedugo susiąwani naide pusali po bugagia odali. Tama te po wali peyu, tama agai te moni geba me deli nigai. Tama tiyu, aga dali, aga we wai puluba augwali te geba tomoba pelama, tama bugagia bidali, tama augwali me dolobeo. Te geba sę tama ebogo Noago te tǫde we bidi tigidali augwaligo dwai sęde po tų ela mabo tiwai yalio. Tama te bidi Noa aga Godigo wali pode tiąlubo kolesaga elalualigode Godigo Noa te doloba pai bidi da wali, te Godigo tigidali konealubo po agaba dąų wabo we bidi dabe dali ebo kolesaga yalio.

Dwagi Yai Gesi Po Lukgo Asęani 17:27

We bidi dabe augwaligo te sogo God homu isąyu, nai tuyu, wę ma tuyu, bidali. Augwa we kęyu, we ma mayu, bidali. Tama augwali te tiwai bidibadi yaide, te bidi Noa te moni geba tomoba peyu, tama te moni ąį polo asiyu, te węgo te we bidi tigidali eleyu yali.

Esekiel 14:14

Te Noa, me Danel, me Jop, te wiegi yai bidi sela te tǫ kantride bidigi sogo da, te tagalao, eno te sela bidide homu kone elama te dwai sę ebo we bidi augwaliba eno olo tau mabo wiegi yai kolesaga me igi menio. Menio. Te doloba pai bidi sela naga bugagia bidimainu eno sula tagalaibao, tama te we bidi augwali da isimainao homu igi dao. Ena God Genuai Bidigo eno te tama po wai dao.”

Tuni Bidi Dabego Po Elalubo Buku Deli 1:17

Siemgo ogwa dabe nogi e tiwai, Elam, me Asur, me Arpaksat, me Lut, me Aram, me Us, me Hul, me Geter, me Mesek dao.

Tigidali Nai Gagalama Nigali Side 9:18

Te e da Noago ogwa sela te sip tagalama dulali ogwa sela nogi dao, Siem, me Ham, me Jafet dao. Tama Ham te Kenango aya dao.

Tigidali Nai Gagalama Nigali Side 9:1

Te Godigo dwagi yai po mobo Noabolo me, aga ogomani dabe dalibolo mayu, e tama po wali, “Te wai dabe hauwa mu ame nenama, te dagego hanigo te tigidali tǫ pedai pągąna sao.

Tigidali Nai Gagalama Nigali Side 8:1

Te Godigo Noa dali, te bulu uni hasa dabe dali me, te be pąde bidalubo hasa dabe me aga dali te sip tomode bidalubo, te Godigo homugo koneani. Tama tiyu, Godigo te wali te tǫ daide ugwadu bilimainu ilama, tama wę aiyaba kekasa dulubo gagalali.

Tigidali Nai Gagalama Nigali Side 7:23

Yawego te tǫde tigidali nai dolali, te we bidi dabe me, te be pąde bidibo hasa dabe me, te dwasianu hasa dabe me, te ba sibi dabe me, te tigidali dolai. Tama te hani me deli naga augwali te węgo me dolobe, te Noa aga hani dabe me, tama augwali dali te sip tomode bidali nai dabe dali, augwali dolobeo.

Tigidali Nai Gagalama Nigali Side 7:13

Tama te genuai ąį asobo gagalali side naga, te Noa me aga we me, te aga ogwa sela Siem, me Ham, me Jafet dali badi, te augwa we dabe sibi dali, augwali te sip tomoba bula sali.

Tigidali Nai Gagalama Nigali Side 6:22

Tialima, Noago Godigo agabolo te wali po gilama te tigidali sę ela silai.

Tigidali Nai Gagalama Nigali Side 5:3

Tama Adam te kibu be 130 bidama, tama aga te ogwa me deligo aya te aga tiwai mu pedelai. Tama Adamgo aga nogi Set nogi poai.

Tuni Bidi Dabego Po Elalubo Buku Deli 1:1

Adam te Setgo aya, te Set Enosgo aya dao.

Dwagi Yai Gesi Po Lukgo Asęani 3:35

Nahor aga aya Seruk, Seruk aga aya Reu, Reu aga aya Pelek, Pelek aga aya Eber, Eber aga aya Sela.

Dwagi Yai Gesi Po Lukgo Asęani 3:37

Lamek aga aya Metusela, Metusela aga aya Enok, Enok aga aya Jaret, Jaret aga aya Mahalalel, Mahalalel aga aya Kainan.