Dwagi Yai Gesi Po Lukgo Asęani 3:14 - Godigo dwagi yai po buku

¹⁴ Enesigi bidi dabe me badu Jon pageba asama, hanalu wali, “Da da, magi yaliwe? Dago da magi egowe?” Jongo augwalibolo te po wali, “Dagego gasa bidigo mone bomo elama, sigimio, me tibo po tų elama, sigimio. Duga mabo mone deli naga sabo homu elasa siąo,” wali.

Dwagi Yai Gesi Po Lukgo Asęani 3:14 Referans Kwoze

Ma Dobola Sali 20:16

“Nago tibo po olama, tama gasa we bidi olo po tų ela magio.”

Filipai 4:11

Tama tede ena nai sǫą pabo hobedagia bidibao, eno te po megi wabeo. Te meni. Eno elalubo nai, te naide ena dwagi yai homu eyu bugagia bidibo kolesaga te eno konea silai dao.

Pris Sę Ebo Bomai Po 19:11

“Dagego gasa bidigo nai dabe wi me sigio, te dagego gasa bidiba tibo po wagio, te agai nai anoma elama sainogo tigio. Te dagego gasa bidiba tibo po ola magio.

Ma Dobola Sali 23:1

Tama Mosesgo Genuai Bidigo po pusuyu, te tiwai po wai, “Tama dagego te magi nai po me deli pedelali te po odoyu, tama te mu po meni homu eyu da, teda dagego te sę yali po subigila ola biligio. Tama bidigo te dwai kolesaga ebaso da, teda dagego aga tau siyu, te po tų ebode tibo po wagio.

Dwagi Yai Gesi Po Lukgo Asęani 19:8

Tama Sakius doligulama, agai te Genuai Bidi Jisasbolo te po wai, “Genuai Bidi, suao. Eno masigi dabe, doado bage tigidali si bugwaibao. Si bugulama, nai meni yai we bidi dobawaibao. Tama bidi mebolo eno ili po olama, agai nai wi sali da, tama megi te nai eno me si me si elama, wei ponaibao,” wali.

Kraisgo Geme Dualali Sę Pedelabo Po Jonbolo Ola Mani 12:10

Tama dagalude i me deli bomon bomonama ma wabo eno odali, “Megi da, dago God agai we bidi ma dobola sabo kolesaga mu hania pedalai dao. Megi me agai tigidali we bidi tonalubo bomo hania pedalai, tama aga tuni bidi bidibo dao. Tama megi me agai sa muyu asaibao wali bidi Krais agai bomo dali, genuai nogi dali si hania waselai dao. Magi baso meni. Dwai bidi me deli agai dago ama dede augwali dali kisiliyu po tų ilai, agai augwali te dago God aga gedude te po tų siade me hulide yali. Tiali goli megi te dwagi yai ensel mobo bidi augwaligo aga te dagaludu a tǫba sąwai dao.

Taitus 2:3

Te mosi dabe yai we augwalibolo me te po wao, augwaligo te dwai sę isiąbo wego ebo kolesaga dolo wali pao. Tama tiyu augwaligo te we bidi nogi posobo po wagio, augwali bomai ąį tubo sę te dologode bidigio, te po wao. Tama augwaligo te gesi we dabe sibibolo dwagi yai kolesaga ola mao.

Filipai 2:15

Tama dagego te sę tama eyu da, teda dage te gasa we bidigo gedude te magi sę isąwai we bidi bidiyu, tama dage te dwai sę dali dwagi yai sę dali gealusiąbo we bidi bidaibao. Tama bidiyu, dage te homu gagea pai haniani dwai dwai sę ebo we bidi tomode bidibadi goli, dage Godigo mu doloba pai wai puluba bidaibao. Tama dage augwali tomode bidibadi dagego te ho dabe hulide ula nanobo tiwai eyu bidiąo. Tama tibadi, dagego augwalibolo te wiegi yai bidibo ula elalubo po pusao. Dagego tama tiyu da, teda te Krais aga e tǫba ma asobo side eno dwagi yai homu dage dali yaibao. Magi baso meni, eno koneaibao, eno dage tomode yali tigi dene sę me te eno bomo me te olo dali ebeo.

Godigo Sęba Tagala Palai Bidigo Po 10:7

Te po olama, aga pali. Tama Korniliusgo aga bede sę ebo bidi si me i wali. Agai te ami bidi me deli me i wali, te bidigo Godibolo lotu po wabo bidi. Te bidigo Kornilius tigidali sogo mu tau sali.

Matyu 8:5

Jisas te Kaperneam hanu tomoba pobadi, tama te ami bidi hauwa 100 tonalubo genuai bidi aselama, agabolo bomo elama hanaluyu te po wali, “Nogi elalubo bidi, eno sę ebo bidi gasi yai bede pila mubao. Agai nogo sągą dili tigidali bomo isai, tama aga dwai mu bidibao,” te po wai.

Dwagi Yai Gesi Po Lukgo Asęani 3:10

Te bagego agabolo hanalu wali, “Dago megi magi sę egowe?”

Dwagi Yai Gesi Po Lukgo Asęani 3:13

“Te takis mone sa wali gilama dolo tama naga weli pelama siyu, te dagego homugo edelama obanu sigi pigimio,” Jongo te po wali.