Dwagi Yai Gesi Po Lukgo Asęani 24:41 - Godigo dwagi yai po buku

⁴¹ Augwaligo Jisasbolo homu munama, te Jisas dao augwaligo me konebe. Augwali dwagi yai homu mu yai digi, augwali noma sai. Tama Jisas agai augwalibolo te po wai, “Tama dagego tubo nai ede me munalubowe?” Jisasgo augwalibolo hanalu wali.

Dwagi Yai Gesi Po Lukgo Asęani 24:41 Referans Kwoze

Dwagi Yai Gesi Po Jongo Asęani 21:5

Tama Jisasgo augwalibolo hanalubo po olama i weyu, te po wai, “Abagi dede, dagego sųgų meba saliwe?” te po wai. Tama augwaligo aga dali po wei ponoyu, te po wai, “Menio,” te po wai.

Dwagi Yai Gesi Po Jongo Asęani 16:22

Tama dage dali me te tiwai dao. Tama tiyu, megi dage homu sęgę ebao. Tiali goli, eno dage ma sueibao, tama dage dwagi yai homu ma yaibao. Tama niwai bidi mego dagego te dwagi yai homu ebo me sela sągobeo,” Jisasgo te po aga bidi dabe dali wai.

Jopgo Po Asęani Elalubo Buku 9:16

Ma, tama eno aga i olama, tama te po tų odagasa obaso da, tama aga asigi sogo da, teda eno homugo agai eno po odogi menio.

Dwagi Yai Gesi Po Makgo Asęani 16:11

Maria agai te po augwalibolo wai, “Jisas aga te bidibo ula elalu bidibo tama eno sualio.” Tama augwaligo te po odama, tama augwaligo homu te poba dąų me wabeo.

Dwagi Yai Gesi Po Makgo Asęani 16:13

Tama augwali sigo aga sula koneama, tama augwaligo te po te gasa wali pali bidi dabeba pusugi pai. Tiali goli augwaligo te augwali sigo wali poba homu dąų me wabeo.

Dwagi Yai Gesi Po Makgo Asęani 16:14

Nosali badu te wali pali bidi dabe nogo si olama sągągo deli te augwali dugulama nai tubadi, tama Jisas te augwaliba pedalai. Te augwaligo agai wali poba augwa homu dąų me wasiąbaso, tama agai augwaliba wado ilali. Magi baso meni, augwaligo olo te palialu, tama te we bidi augwaligo suali, aga te ma hodaloai yali po wabo te augwaligo homu teba dąų me wabeo.

Dwagi Yai Gesi Po Lukgo Asęani 24:11

Tiali goli, Jisasgo bidi dabe augwaligo homu te we dabego wali po olo tama me te obao, homu yai. Tama augwaligo te we dabego po homuba dąų olama mube, augwaligo homugo tibo po wabao homu yai.

Dwagi Yai Gesi Po Lukgo Asęani 24:40

Jisasgo te po olama, tama aga nogo dali sągą dali augwali bidibolo waselai.

Dwagi Yai Gesi Po Lukgo Asęani 24:42

Tama augwaligo siade ulai sųgų dage te Jisas manio.

Godigo Sęba Tagala Palai Bidigo Po 12:14

Tama te wego Pitago dogoni koneai, tama agai dwagi yai homu mu ebaso, be tomoba polo ma pali, te tų dabe kegeda pali. Agai te we bidibolo te po wai, “Te Pita aga asai, bulu badu dolalubo,” wali.

Dwagi Yai Gesi Po Makgo Asęani 8:7

Tama augwaligo te dwasianu sųgų si sela me elaluali. Tama agai te me selama, te Godiba puba hwi olama, tama aga wali pabo bidi dabebolo te me dobayao po wai, tama augwaligo te me dobaba pali.