Dwagi Yai Gesi Po Lukgo Asęani 24:32 - Godigo dwagi yai po buku

³² Tama te bidi si augwa hasi po weyu, te po wai, “Dadi si tųdu asai, tama Jisas agai dadi si dali po ola asai, tama Jisas agai bukude po page dadi si dali hania ola mawai, te sogo dadi sigo homu mu hogodaluai,” te bidi sigo te po wai.

Dwagi Yai Gesi Po Lukgo Asęani 24:32 Referans Kwoze

Dwagi Yai Gesi Po Lukgo Asęani 24:45

Tama Jisasgo augwalibolo homu ula ilai, tama augwaligo Godigo asęani po page hania konemainogo yai.

Hibru 4:12

Magi baso meni. Te Godigo wali po te bidabo ula elalubao, tama aga te sę bomo idubao. Te mu poa pai, tama te si dali si badu poa pai hwą gego poai yali te aiyaba elaluai. Tama bidigo poa pai kago hwą gego hasa mi togoyu, tama te poa pai hwą ge polo te hasa dili tomoba tugi pelama, tama te dili hania pedalobo dao. Tama te tiwai me Godigo wali po dago homu tomoba peyu, tama dago homu ogwa wai dali dago mobo dali si pedebo dao. Tama agai wali pogo dago ebo homu dali dago homu kolesaga page dali si, te tigidali te agai osola subo dao.

Jeremaia 23:29

Ena Genuai Bidi, eno po dolo obao, eno po te isi tiwai elalu, tama te genuai hamago te masigi dabe haluama, te kakali pedalubo tiwai ebo dao.”

Jeremaia 20:9

Te ena digi eno te nageba homu kone me egobe weyu, tama eno nago nogide po me pusugobe obaso da, teda eno koneani, te nago po te genuai isi tiwai eno haligade elalu, te eno dili dogwai tomode te isi bogoli edubo tiwai ebao. Eno nago po paliabo sę ebadi goli, tiali te eno usu meni ebo dao.

Godigo Nogi Ugwaba Sabo Tęąbi Po Wabo Buku Dabe 39:3

Tama eno moni homu mu yai. Eno homu kone palubo sę idubadi, tama eno haliga te mu dwai yali. Tialima, megi da, eno pedauwali pania sobaso, usu egobeo. Menio.

Jeremaia 15:16

Nago po enabolo mobaso, te eno sali, te bidigo nai sabo tiwai yali. Tama nago te pogo ena pemene eyu, wiegi yai haliga mu yai, magi baso meni, ena nagaba elalubao, God Genuai Bidi Tigidali Bomo Elalubo Dao.

Bugagia Bidibo Kolesagade Po Asęai Buku 27:17

Augwaligo te ain dulabo nai te aingo nigali. Te tiwai naga, te bidi me deligo te gasa bidigo homu te wiegi yai pedalumainu tau sabo dao.

Dwagi Yai Gesi Po Jongo Asęani 6:63

“Te mu bidabo bomo mabo bidi da, te God agai Mobo Bidi naga dao. Bidigo bomogo dwasianu me tau sogobeo, usu egobeo. Te po eno dagebolo polo wai dao, te pogo dagebolo God agai Mobo Bidi mabo dao, agai dagebolo te mu bidabo bomo momainogo.

Godigo Sęba Tagala Palai Bidigo Po 28:23

Tama augwaligo Polgo wabo po ma odomainu, dua yabo bodolu me muani. Tama we bidi hauwa mu Polgo bodolu mani digi asali. Pol agai te Godigo homugo we bidi tonalubo sę po augwalibolo pusali. Tama Pol agai Mosesgo polobadu asęani po dabe me, polobadu Godigo po sela bilali bagego asęani po dabe me, pusa mani, te po dali daganama pusali, te augwaligo Jisasde po mu daba homu emainu. Tama te po pusubo kigamu mu gagalama, pio muba sabolali.

Aisaia 50:4

God Genuai Bidigo enabolo te wiegi yai po wabo kolesaga ola mawai, tama eno te wiegi yai po te bomo meni yai we bidi dabego haliga dąų walu, waibao. Tigidali sogo kigamude agai enabolo te wiegi yai gesi sę po ola mawainu ebo po odabo homu godolo mu ebo dao.

Godigo Nogi Ugwaba Sabo Tęąbi Po Wabo Buku Dabe 104:34

Agai ena dwagi yai homu ilai, tama eno homugo agai eno tęąbi ebo godolo emainogo ebao.

Bugagia Bidibo Kolesagade Po Asęai Buku 27:9

Sanda me te tobage wel dabe te wiegi yai denami elalubo, augwaligo dabolo te wiegi yai pemene ilibao. Tama te abagi dabego dabolo te wiegi yai pemene ilaibao, magi baso meni, augwaligo te da tau sabo homu mu elama, tama augwaligo wiegi yai mobo mabo po dabolo mabo dao.

Dwagi Yai Gesi Po Makgo Asęani 4:34

Agai te po te we bidi augwalibolo hanilama me pusubeo. Menio. Agai te po begelama naga pusali. Tama aga te wali pabo bidi dabe naga aga dali bidibadi, agai te po page tigidali hanilama augwali dali pusuyu yai dao.