Dwagi Yai Gesi Po Lukgo Asęani 24:29 - Godigo dwagi yai po buku

²⁹ Tialima, te bidi sigo Jisas “Pigio,” te po wai, “nage dadi si dali bidao,” wai. “Giliga iba dega sainogo ebo, tama pąde digi tama be hulia saibao,” wali. Tama tibaso, Jisas augwali sigo be tomoba pelama, augwali si dali bidai.

Dwagi Yai Gesi Po Lukgo Asęani 24:29 Referans Kwoze

Te Israel me Juda Hani Sigo Tuni Bidigo Po Elalubo Buku Si 4:8

Me sogo deli Elisa te Sunem hanu taunba pai. Te hanude we me deli bidibo, tama agai te mone me, te haniani doado bage me, umabo mu munalubo we da. Tama te wego te Elisa hanalu wali, “Nage asama, eno beba nai tuagasao,” olama, hanalu wai. Tama tibaso, tigidali sogo Elisa te Sunem hanuba te we bidibo madigi peduali, tama agai te we pageba pelama, te agai bede nai tugi peduai.

Tigidali Nai Gagalama Nigali Side 19:3

Tiali goli, Lotgo augwali si dali anoma mu idubadi genama, tama nosali augwali si aga dali beba pali. Tama Lotgo te bo disiąwai te yis meni yai bret ulubadi, te augwali si wiegi yai nai sisi ilama, mani. Tama augwali sigo te nai tuali.

Dwagi Yai Gesi Po Lukgo Asęani 14:23

Te po odama, te genuai bidigo te po wali, ‘Moni taun taga pelama, te moni pabo tųde bidibo we bidi me, te dwasianu pabo tųde bidibo we bidi me gegegi pelama, eno beba asiąo po bomo elama wao, eno be pągąmainu, eno sisi yali nai augwaligo tumainu yao.

Godigo Sęba Tagala Palai Bidigo Po 16:14

We me deli bidali, dago po wabo agai odali. Te we nogi Lidia, te Taiataira be nanidu polobadu asali. Te we agai ebo sę da te nene gagawai nami ugwa agai gasa bidibolo menama, monego abelebo sę ebo da. Tama te we agai Godibolo lotu po wabo da, tigidali sogo. Tama agai Polgo po wabo odalio, tama Genuai Bidigo te wego homu dwagi yai ilali, te wego Polgo wabo po bugagia odomainu yali. Te sogo te wego homu tigidali Kraisba muani.

Dwagi Yai Gesi Po Lukgo Asęani 24:28

Te augwali pelama, te bidi si pabo bulu teba sabolai. Tama Jisas agai mu pabo ąǫ naga yai.

Dwagi Yai Gesi Po Lukgo Asęani 24:30

Nosali augwali nai tuainogo, tama Jisas augwali si dali dulaluai. Tama Jisasgo te giguai nai bret selama, Godibolo hanaluyu usu da wai, tama te nai togolama, augwali sibolo mawai, Jisasgo.