Dwagi Yai Gesi Po Lukgo Asęani 23:6 - Godigo dwagi yai po buku

⁶ Te kiap tuni bidi Pailatgo augwaligo wali po odama, augwalibolo hanalu wai, “Te bidi Jisas te Galili bulu bidi dawe?”

Dwagi Yai Gesi Po Lukgo Asęani 23:6 Referans Kwoze

Godigo Sęba Tagala Palai Bidigo Po 5:37

Tama nosali te Galili tǫ bidi Judas, agai nogi sabi bidi dią holali, te gavmanigo we bidi nogi sabo side. Agai te homu yai tigidali bidi selama, gavmanide moni haųwa hwįebao. Tiali goli, gavman bidigo enesigi bidigo aga elebaso, aga wali pali bidi wi pela silali. Tama te bidi si augwaligo yali sę tuloluali.

Dwagi Yai Gesi Po Lukgo Asęani 13:1

Te Jisas agai po obadi yaide, hasia asisąwai we bidi me pageba asali. Tama augwaligo Jisasbolo te po wali, “Te Galili tǫ we bidi me badu augwa sipsip kibu ela munama, Godibolo ofa olo mobadi yaide, tama te moni gavman tobolu bidi nogi Pailat agai po olama, gasa bidi dabego te we bidi ela muai. Tama ela munama, agai augwaligo kaneme me, te sipsip kibu kaneme me si taluali, tamadi,” augwaligo te po wali.

Matyu 26:69

Te augwaligo te sę Jisas dali ebadi, tama Pita te be mesalode dulaluai. Tama tede sę ebo we me deli aga pąba aselama, tama te po wai, “Nage me te Galili tǫ bulu bidi Jisas dali bidai dao,” wali.

Dwagi Yai Gesi Po Lukgo Asęani 23:5

Tiali goli, augwaligo po bomonama ma weyu, te po wai, “Agai po te Juda we bidibolo mobaso, tigidali we bidi dwai homu hogodolai. Agai te po Galili bulude gagalama, te sę megi eba me sela asalio,” augwaligo te po Jisasde wai, te bidi Pailatbolo.

Dwagi Yai Gesi Po Lukgo Asęani 23:7

Augwaligo “Aga te bidi Herotgo tonalubo tǫde bidibo bidi dao,” wali. Tama te po odama, Pailatgo “Aga Herotba sela pao, agai te po tų odomainogo,” wali. Tama te sogo Herot te Jerusalem be nanide osogo bidibadi dao.