Dwagi Yai Gesi Po Lukgo Asęani 23:53 - Godigo dwagi yai po buku

⁵³ Tama Pailatgo “Sao,” wai. Tibaso, Josep pelama, Jisas tigi tǫba sela dulai. Tama Jisas wiegi yai tedela yai nami ugwago belai, tama Jisas gų page meba mugi pai. Te gų page augwaligo moni genuai masigi tomode nigai. Tama polobadu augwaligo bidi me musiąwai digi, gesi mu dao.

Dwagi Yai Gesi Po Lukgo Asęani 23:53 Referans Kwoze

Dwagi Yai Gesi Po Makgo Asęani 15:46

Tama Josepgo te tedela moni nami ugwa abelama, tama agai Jisas tigi te ni pedaide daganaluali te aiyaba sela dulai. Tama agai aga te tedela ugwago bebe pelama, tama aga te gų page me deli tomoba muai. Augwaligo te gų page te genuai ola be masigi tomode nigai. Tama Josepgo te moni masigi me deli hogogo bele pelama, tama te ola be gų page dedage elalubo te paniai.

Aisaia 53:9

Te augwaligo aga te haniani dwai kolesaga yali bidi dabe dali me, te mone doado bage hauwa elaluali bidi dabe dali, pubulali. Tiali goli, te aga digi dwai kolesaga deli me isąwai, te agai tibo po me deli me wabeo,” te po wali.

Dwagi Yai Gesi Po Lukgo Asęani 23:52

Te bidi Josep te gavman tuni bidi Pailat bidibo digi pelama, te po wai, “Eno Jisas tigi saio,” wai.

Dwagi Yai Gesi Po Lukgo Asęani 23:54

Te sogo Fraide dao, te Juda dabego Sabatde tuabo nai sisi ebo sogo dao. Tama te Sabat tamadi tama pedalainogo ebao.

Dwagi Yai Gesi Po Jongo Asęani 19:41

Te ami bidi dabe augwaligo Jisas te elali digi tede gi me deli elaluai. Tama te gide isai bidi musiąwai gų page ola be elalualio.

Godigo Sęba Tagala Palai Bidigo Po 13:29

Polobadu Godigo po pusa mani bidigo bukude asęani po tiwai augwaligo te sę Jisasgo tigide ela silama, bidi sigo aga ni pedaide daganama, agai tigi selasa pelama, moni masigi dudulawe tomoba mugi pali.