Dwagi Yai Gesi Po Lukgo Asęani 23:48 - Godigo dwagi yai po buku

⁴⁸ Tama tigidali we bidi sisinama, te bidi sela elai hagede baso, tonaluai. Augwaligo te Jisas isibo suali. Tama homu dene eyu, augwa nogo pagasa, tama augwa beba pai.

Dwagi Yai Gesi Po Lukgo Asęani 23:48 Referans Kwoze

Dwagi Yai Gesi Po Lukgo Asęani 18:13

“Tiali goli, te gavman takis sabo bidi digibulu uba doligi pelama, tama aga gedugo dagaluba ogwaba tonalubeo. Ena dwai dwai sę yalio te homu eyu, homu dene eyu, aga hagawiaba nogogo eledu bidali. Agai te po wali, ‘God, enade homu dene eyu, tau mao. Ena dwai dwai sę ebo bidi dao,’ te po wali.

Godigo Sęba Tagala Palai Bidigo Po 2:37

Te we bidi augwaligo te po odobo si, augwali moni homu mu elama, Pitabolo me, tama me badu Jisasgo tagala palai bidi dabebolo me te po wai, “Hani bidi ama dede, da magi egowe?”

Jeremaia 31:19

Dago nage tagalali, tiali goli, megi da, dago haliga begelalio. Te dago dena yali dwai sę koneama, da hale mu elama, dago tobolu basi gulali. Polobadu dago hani dabe augwali te gesi we bidi tiwai bidalu, te dwai kolesaga hauwa yali. Tialima, megi da, da dena te dwai kolesaga yalide hale dwai mu ebo dao.’ Te Efraim hani bagego te po wabo eno odali.

Dwagi Yai Gesi Po Lukgo Asęani 8:52

Te isali wegi diliigi asai we bidi tigidali te wai hagede moni hobede elama, gela wali. Tama Jisasgo augwalibolo “Gela wagimio, e wegi isibe dao. Aga olo pila mubao,” te po wali.