Dwagi Yai Gesi Po Lukgo Asęani 23:45 - Godigo dwagi yai po buku

⁴⁵ Tama te genuai ugwa te Moni Lotu Be tempel tomode walaluali ugwa te tomode mu togwa pai, tama pedai si nigai.

Dwagi Yai Gesi Po Lukgo Asęani 23:45 Referans Kwoze

Matyu 27:51

Tama te sogo naga te Moni Lotu Be tempel tomode walaluali genuai bobage dąį ilali nami ugwa te ugwadu gagalasa aiyaba mu pedasa dulama, tama pedai si pedalali. Tama tǫ mali ebadi, tama genuai masigi dabe me pebeda palio.

Dwagi Yai Gesi Po Makgo Asęani 15:38

Te sogo naga tama te Moni Lotu Be tempel tomode dąį tiwai walalobo genuai nami ugwa, te ugwa te ugadu pedasa dulali te aiyaba sabolali, tama te moni nami ugwa pedai si pedelai.

Hibru 6:19

Tama agai wali pode dago dwagi yai homu eyu tonalubo kolesagago te dago homu bugagia dąų wabo dao, agai po te genuai sęgę yai ain nai bonogo gebelama, tama te moni geba sip tede dąų olama, tama te tamu ąį sesegede te sip bugagia dąų ola sali tiwai dao. Tama te tonalubo kolesagade dago homu si ebo meni, tede dago mu koneani, te Godigo wali po mu po pedalaibao. Tama te homu eyu, dago dena homu te Jisasba muai dao. Aga te dagalude elalubo Moni Lotu Be tempel tomoba pelama, tama tede walali genuai nami ugwa tudi badu pelama, tama te God bidibo be habuba mu sabolai dao.

Tuni Bidi Dabego Po Elalubo Buku Si 3:14

Tama te sę ebo bidi dabe augwaligo sisi ugwa name me bedeba ugwa name siyu, me wiegi yai tedela name ugwa siyu elama hobolama, augwaligo te Tedali Gasagi Yai Mu Be Habuba tula pabo sunumi paliali. Tama me augwaligo te ensel dabego piksa noma te name ugwa dabe daide hobolali. Tama augwaligo te moni name ugwa walama, te be sunumi tula pabo digi paliali.