Biblia Todo Logo
Bib sou entènèt

- Piblisite -




Dwagi Yai Gesi Po Lukgo Asęani 23:40 - Godigo dwagi yai po buku

40 Tialima, me bidigo te po odama, te bidi dali wado po wai, “Nago God dali wi ebewe? Nago sęgę Jisasgo sęgę tiwai sali.

Gade chapit la Kopi




Dwagi Yai Gesi Po Lukgo Asęani 23:40
12 Referans Kwoze  

Tama Genuai Bidi, nagaduba deli digi naga nage te magi dwai sę me esiąyu wiegi yai doloba pai mu bidibo dao. Tama tibaso, niwai bidigo nage dali wi egobewe? Tama niwai bidigo nage nogi ugwaba sogobewe? Te tobage bidi menio. Tigidali bidi hani augwali aselama, nage pagede lotu po nage dali wagasaibao. Magi baso menio, nago doloba pai kolesaga te hania bulu ulaba pedalai dao,” augwaligo te tęąbi po wabo eno odali.


Tama dagego te dwai kolesagade biliyu hulia side bidibo bidi dabe augwali dali hai namu olama augwaligo te ebo kolesaga egio. Te tiwai kolesaga ebogo te nai dwagi yai me walogobeo. Menio. Te kolesaga da te hulia sai kolesaga dao. Te egimio. Te kolesaga ebo page dagego hania bugagia ugwaba haninama pedalao, tigidali we bidi augwalibolo ola mao.


Te eno po hanilama, dage dali obe dao. Te dagego mena bidide wi yaibawe? Te dagego wi yabo bidi dagebolo eno ola mawaibao. Te God dali dagego wi iyąo. Te Godigo bidi elama, te noma bidi dali siaba sąbo bomo agai usu yaibao. Eno mu tama dagebolo obe dao. God dali naga wi iyąo,” wali.


Genuai Bidi, nago godolo ebo homugo te tigidali bidigo te dolo yai kolesaga mu wali pomai homu ebao. Nago te we bidi dabe elebadi goli, tialima augwali te dene ebo gę nabeo. Nago augwali elaluali, tiali goli te augwali nago dodolomainu me ebeo. Augwa tobolu te masigi dila pai mu tiwai elalu, te augwa haliga begelibo hagela mu yali.


Agai dwai sęde sali sęgę te dwai bidigo haligade elalubao, tama te po meba agabolo mabo dao. Te bidigo te Godide wi me egobeo. Mu menio. Agai aga tudiba muaibao.


Te king Ahasgo te sęgę hauwa mu sabo sogo agai Genuai Bidi munu me homu kone ebeo. Menio. Agai Genuai Bidi tudiba munama, me genina mu tudi ola manio, tama dwai dwai sę hauwa mu yali.


“Te nago abagi me deligo nageba dobo sę yai baso da, teda nago homude aga dali sesemane sogo wado po udugio. Nago aga dali po dodolobaso da, te po isaibao. Tiyu, nago me agai yali kolesagade homu kone paludu, te nago me dwai sęgę me deli sabuo.


Augwaligo homugo te dene me te keni augwali si dali homu eyu, augwaligo te dagalude bidibo God nogide posobo dwai po wai. Tiali goli augwaligo homu begelama te augwaligo dwai kolesaga ebo tagalama tudiba mubeo.


Tama agai augwalibolo te po wali, “Magi baso dage wi ebawe? Dagego homugo enade konealu po dąų wabo te dwasianu naga dao.” Tama aga hodaluama, te wali dali te moni wę dini te sia sao po wai. Tama te wali yali sia siyu, tama te wę memenege dwasianu me ebeo.


Te dwai sę yali bidi me si augwaligo ni namide walai me bidi deligo Jisas dali dwai po wai, “Jisas, nage da we bidi tau sai hagede sa muani bidi Krais da wida, naga digi tau siyu, dadi si me tau sao,” Jisas dali ni namide walai bidi mego te po wai.


Augwaligo da si elali da, te augwaligo doloba pai kolesaga yalio. Da sigo sęgę sali da, te usu tama da si yali sęde tialio. Tiali goli, e bidi Jisas da, agai magi dwai sę deli ebeo,” Jisas dali elali bidi mego te po wai.


Tama i olama, tama te giliga dega sigi pabode sę gagalama yali bidi dabe, augwali pedalama, tama augwali deli deligo te mone ge nogo si, nogo si mone ge sai.


Swiv nou:

Piblisite


Piblisite