Dwagi Yai Gesi Po Lukgo Asęani 23:27 - Godigo dwagi yai po buku

²⁷ Te hauwa we bidi augwali Jisas wali pai. Tama te wali pabo we dabe hauwago Jisas hagede augwaligo gela weyu, te hobede ebo didigi weyu yai.

Dwagi Yai Gesi Po Lukgo Asęani 23:27 Referans Kwoze

Dwagi Yai Gesi Po Lukgo Asęani 8:52

Te isali wegi diliigi asai we bidi tigidali te wai hagede moni hobede elama, gela wali. Tama Jisasgo augwalibolo “Gela wagimio, e wegi isibe dao. Aga olo pila mubao,” te po wali.

Dwagi Yai Gesi Po Lukgo Asęani 8:2

Te we dabe, me badu dwai haubogo tuaide Jisasgo sela sąyani we dabe me, me badu gasi ebaso, te gasi sela sąyani we dabe me, augwali Jisas wali bilali. Te we me nogi Maria, aga bulu nogi Makdala. Polobadu dwai haubo nogo a naga olama, me badu nogo si peda selama, te tama haubo noma bidigo te we tolalubaso, Jisasgo sela sąyani.

Dwagi Yai Gesi Po Makgo Asęani 15:40

Te we dabe meba me te digibulu gana dwasianu dodolalu, tama augwaligo me tononaluali. Te augwali tomode bidali we me deli te Makdala moni tǫ we Maria dao. Tama we me deli te Maria, te nogi sabi si wali, te bidi Jems me Joses tega sigo ida. Te bidi Jems aga nogi me Gesi Bidi dao. Tama we me deli aga te Salome dao.

Dwagi Yai Gesi Po Lukgo Asęani 23:55

Te we dabe augwali Galili buludu Jisas dali asai, augwali Josep wali pai. Tama augwaligo te gų page suai. Tama Josepgo Jisas tigi mena tama mubo, te me te we dabe augwaligo suai.

Matyu 27:55

Tama we hauwa bidali, augwali te Galili tǫdu Jisas tau sainogo aga wali asai. Te we dabe augwali te dwasianu digibulu gana dolalu tononaluai.

Godigo Nogi Ugwaba Sabo Tęąbi Po Wabo Buku Dabe 22:17

Eno tigi dili tigidali te hania pedelali. Tama te bidi dabego ena sulama, tama ena dolali sęde te augwa wiegi yai homu pemene yai.

Matyu 11:17

‘Dago dage ona sulubadi, tiali goli dagego tęąbi ebo hagela ebao. Dago homu dene ebo tęąbi obadi, tiali goli dagego gela wabo hagela ebo dao.’

Dwagi Yai Gesi Po Lukgo Asęani 23:28

Tialima, Jisas begelama, te we dabe dali te po wai, “Dage Jerusalem we dabe, dage ena hagede gela wagio. Tiali goli, duga hagede gela weyu, duga wai bǫų hagede gela weyu yao.

Dwagi Yai Gesi Po Jongo Asęani 16:20

Eno mu po dage dali obao, dage genuai gela weyu, tama homu dene eyu, gela mu waibao. Tiali goli, enade konesiąwai we bidi augwali da dwagi yai homu yaibao. Tama dagego homu sęgę yaibao. Tiali goli dagego homu sęgę yali ma begelama, dwagi yai homu mu yaibao.