Dwagi Yai Gesi Po Lukgo Asęani 23:22 - Godigo dwagi yai po buku

²² Tama Pailatgo sela sogo te we bidibolo wai, “Magi basowe? Te e bidi Jisasgo mena dwai sę yaliwe? Eno agai dwai sę yali me subeo. Tama tibaso, dena Rom dabego bomo yai pode, e bidi dago elegobeo. Tama aga eno bįgo naga elama, olo tagala palaibao,” Pailatgo te po wai, te we bidi dali.

Dwagi Yai Gesi Po Lukgo Asęani 23:22 Referans Kwoze

Dwagi Yai Gesi Po Lukgo Asęani 23:14

Tama augwali sisinama, agai augwalibolo te po wai, “Dagego e bidi Jisas ena pageba sela asali dao. Dagego te po wai, ‘Jisasgo dago we bidigo ebo kolesaga dolai,’ te po wai. Eno aga te po hanalu wali, duga gesabide. Tama dagego odao. Eno Jisasgo yali magi sęgę agai me ebeo. Dagego aga tų ela mani te agai sęgę yali eno me subeo,” Pailatgo te po wai.

1 Pita 3:18

Magi baso meni. Te Krais aga digi agai dago yali dwai sę sęgę sela sąmainogo aga deli sogo naga isali. Tama aga te doloba pai bidi mu bidai goli, tama agai da doloba pisiąwai bage te God pageba sesimainogo agai da tobade dene sali. Bidi dabe augwaligo aga tigi isilali. Me ma Godigo Mobo Bidigo Krais bidimainogo ma hodolali.

1 Pita 1:19

Te meni. Te Kraisgo kanemego agai dage abelama, tama ma dobola selama, tama megi dage olo mu bidibao. Tama aga kaneme te dila pai nai mu dao. Krais aga te wiegi yai kibu sipsip wai tiwai bidali, te sipsip wai aga tigi dwai naigo doloyu husugu yai digi te menio, te Godibolo te ofa mabo sipsip usu dao.

Dwagi Yai Gesi Po Lukgo Asęani 23:20

Tama Pailatgo te we bidi dali po ma wai, agai Jisas tagala palainogo yai.

Dwagi Yai Gesi Po Lukgo Asęani 23:16

“Tama tibaso da, eno e bidi bįgo naga elama, olo tagala palaibao,” te po wai.

Dwagi Yai Gesi Po Lukgo Asęani 23:4

Tama te tuni bidi Pailat agai te pris tobolu bidi dabe me, te sisinai Juda we bidi me, augwalibolo weyu, te po wai, “E bidi agai dwai sę yali po page eno suali menio.”

Dwagi Yai Gesi Po Lukgo Asęani 23:21

Tialima, augwaligo i weyu, te po wai, “Te bidi ni nami agede elao, te bidi ni nami agade elao,” te po ma weyu, ma weyu yai, te Juda we bidigo.

Dwagi Yai Gesi Po Lukgo Asęani 23:23

Tiali goli, augwaligo bomo mu yai, augwaligo moni i bomonama mu wai. Te Pailatgo Jisas elamuo po augwalibolo omainogo, te augwaligo i wabo elabo pogo Pailatgo po aiyaba elaluai.