Dwagi Yai Gesi Po Lukgo Asęani 23:20 - Godigo dwagi yai po buku

²⁰ Tama Pailatgo te we bidi dali po ma wai, agai Jisas tagala palainogo yai.

Dwagi Yai Gesi Po Lukgo Asęani 23:20 Referans Kwoze

Dwagi Yai Gesi Po Makgo Asęani 15:15

Tama Pailatgo homugo te we bidi augwaligo aga dali dwagi yai homu emainao homu yali. Tama tibaso agai te kalabus bidi Barabas te augwaliba tagala palali. Tama agai Jisas te ami bidi dabe augwali nogoba menama, te augwaligo aga dene mayu, dwai bigo eliyu elama, tama aga te ni pedaide elimainu yai.

Dwagi Yai Gesi Po Jongo Asęani 19:12

Te Pailat agai Jisasgo te po odolama, tama agai Jisas olo tagala palabo tų gegai yai. Tiali goli te Juda bage augwaligo bomo elama po dagą weyu, te po wai, “Niwai bidi aga digi ‘Ena tuni bidi da’ weyu da, te bidi agai te Rom gavman tuni bidi Sisar dali boi bidi dao. Tama e bidi Jisas agai te tobage po wai dao. Tama tibaso, nago te bidi Jisas olo tagala palu da, te nage te Rom gavman tuni bidi Sisargo abagi menio, boi bidi tiwai bidaibao,” Juda bagego Pailat dali te po wai.

Matyu 27:19

Tama me, te bidi Pailat aga te po tų odobo bidi jas dugabo siade aga dualalubadi, tama aga wego po agabolo toliyu te po wai, “Nago magi sę me deli te doloba pai bidi dali me elamuo. Te eno hulide nade aga sulama, tama eno genuai homu elalubao.” Te po wai.

Dwagi Yai Gesi Po Lukgo Asęani 23:19

Te bidi Barabas agai gavman dali te hanu Jerusalem tomode wąbi hwįai, tama agai bidi me ela muai, tama augwaligo te bidi kalabus tomoba muai dao.

Dwagi Yai Gesi Po Lukgo Asęani 23:21

Tialima, augwaligo i weyu, te po wai, “Te bidi ni nami agede elao, te bidi ni nami agade elao,” te po ma weyu, ma weyu yai, te Juda we bidigo.