Dwagi Yai Gesi Po Lukgo Asęani 22:57 - Godigo dwagi yai po buku

⁵⁷ Hogwa siyu, Pitago te po wai, “Ena menio. We, nago wabo po eno te Jisas konebeo,” Pitago te po wai.

Dwagi Yai Gesi Po Lukgo Asęani 22:57 Referans Kwoze

1 Jon 1:9

Tiali goli dago yali dwai sę dabe po dago te Godibolo pusuyu da, teda agai aga polobadu dąų wali po wali peyu, tama agai da dali te doloba pai kolesaga naga eyu yaibao. Agai dago dwai sę yali sela sąwaibao, tama dago yali dwai kolesaga tigidali agai sela sąnama tama da te meda isąwai we bidi ilaibao.

Godigo Sęba Tagala Palai Bidigo Po 3:19

Tama tibaso, dagego kolesaga begelama, Godigo kolesagadu wali piąo, tama Godigo dagego dwai sęgę sela sąmainu tama yao.

Dwagi Yai Gesi Po Jongo Asęani 18:27

Tama Pitago po ma weyu, hogwa siyu, te po wai, “Ena menio.” Tama Pitago te po obadi yaide, megi tama ba kakaruk po wai.

Dwagi Yai Gesi Po Jongo Asęani 18:25

Te Saimon Pita dolaluyu, sia kedau tudai. Tama augwaligo aga dali te po wai, “Nage me te bidi wali pabo bidi dawe?” Tama Pita agai hogwa siyu, “Ena menio,” te po wai.

Dwagi Yai Gesi Po Lukgo Asęani 12:9

Tialima, bidi sabode ‘Woo, ena Jisas wali pabo bidi menio’ wabo bidi, te Godigo tagala palai bidi eno me dagalude Godigo ensel dabe sabode eno te bidide ‘Woo, te ena wali asobo bidi menio,’ waibao.

Matyu 26:70

Tiali goli Pitago po weyu, menio po te tigidali bidigo gedude bomonama, te po wai, “Eno nago te wabo po page konebeo.”

Matyu 10:33

Tiali goli mena bidi agai te we bidi augwali gedude ena nogi tudiba mubo bidi, te eno me eno Aya dagalude bidibo bidi gedude aga nogi tudiba muaibao.” Jisasgo te po wai.

Dwagi Yai Gesi Po Lukgo Asęani 22:56

Te be tomode sę ebo wego Pita suai, te sia ulade. Te wego aga gedu diliasa tonaluyu, te po wai, “Te bidi me Jisas dali bidibo eno suai dao,” te po wai.

Dwagi Yai Gesi Po Lukgo Asęani 22:58

Nosali gana gasa bidi mego Pita sulama, te po wai, “Nage me te Jisasgo hani dao.” Tiali goli, Pitago te po wai, “Abagi, ena mu menio.”