Dwagi Yai Gesi Po Lukgo Asęani 22:53 - Godigo dwagi yai po buku

⁵³ “Tigidali sogo dage dali ena te Moni Lotu Be tempel tomode bidai dao. Te sogo dagego ena me sai menio. Tialima, megi e sogo dagego Godigo bodolu muani side dao, dagego duga homu wali piąo. Megi Satango bomogo sę ebo side dao,” Jisasgo te po te boi bidi dabe dali wai.

Dwagi Yai Gesi Po Lukgo Asęani 22:53 Referans Kwoze

Efesus 6:12

Magi baso menio. Te da Krais wali pabo we bidi hani, dago te dwai sę ebo kolesaga dali hwįyu tama dago e tǫde bidibo bidi dali hwįbo meni. Dago te dwai sę ebo kolesaga dali hwįbadi, tama dago te dwai haubo noma bidi ugwadu te dagalude bidibo bage dali me hwįbo dao. Augwali da te megi hulia side dwai sę ebo tobolu bidi dabe me, te polalubo bidi dabe me, te we bidi tonalubo dwai noma bidi dabe dao.

Dwagi Yai Gesi Po Jongo Asęani 12:27

Agai po ma weyu, Jisasgo te po wai, “Megi eno homu sęgę mu eyu, midigi ebao. Tama eno magi po wagowe? Tiyu eno te po wagawe, ‘Aya, nago te enabolo tamadi pedalainogo ebo sę sela sąyao, enaba asidali.’ Eno te po wagawe? Woo, te po eno wagobeo. Tialima, te tiabo sogo ena pedalagasai dao, te ena dene somainogo yaibao.

Kolosi 1:13

Da te dwai haubo tobolu bidi Satango dologode te hulia sai bulude bidibadi, God agai da ma dobola selama, tama da bugagia sela pelama, tama aga godolo ebo Ogwago we bidi tonalubo kolesaga dologoba mugi pali.

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Dwagi Yai Gesi Po Jongo Asęani 7:45

Te geasa pelama, enesigi bidi dabe augwali te pris tobolu bidi dabe dali, te Farisi bidi dabe dali, augwali bidibo digi sabolai. Tama te tobolu bagego te enesigi bidi dabe hanalu wai, “Magi yaliwe? Dagego te bidi Jisas sela asai meniwe?”

Dwagi Yai Gesi Po Jongo Asęani 14:30

Eno dage dali po hauwa megi wagobeo. Magi basowe? E tǫde tobolu bidi megi tama asobao. Agai ena dali magi sę ebo usu egobeo.

Dwagi Yai Gesi Po Jongo Asęani 7:30

Tama tibaso, te Juda bage tobolu bidi dabe augwaligo Jisas aga kalabus ilainogo yai. Tiali digi, agai sogo meba elalubuo, aga bodolu mani sogo asobeo, tama tialima bidi me deligo aga nogo me tubeo. Menio.

Matyu 21:23

Te Jisas te Juda dabego Moni Lotu Be tempel tomoba pelama, te wiegi yai po te we bidibolo ola maduai. Tama te genuai pris bidi dabe dali, te Juda bagego tobolu bidi dabe augwali dali agaba aselama, tama te po wai, “Nago magi bomo elaluyu, nago naga ebo sę ebawe? Tama dego te bomo nagebolo mayu te sę yao weyu yaliwe?”

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

Dwagi Yai Gesi Po Lukgo Asęani 22:52

Te Jisasgo agai po wai, te pris tuni bidi dabe me, te Moni Lotu Be tempel tonalubo tuni enesigi bidi dabe me, te monu dabe me, augwalibolo agai po wai, augwaligo aga tuainogo asali baso. Agai te po wai, “Dagego moni kago hwą dabe, wąbi dabe sesali da. Te dagego nai wi sai bidi nogo tulama, sela painogo asobo ąǫ yaliwe?” Jisasgo te po boi bidi dali wai.

Dwagi Yai Gesi Po Lukgo Asęani 22:54

Te Jisasgo aga po ola silibo si da, augwaligo aga nogo pageabi elama, sela pai. Augwaligo Jisas odasa peyu, te Godibolo te polalubo tuni pris bidigo beba pai. Tama Pita me augwali wali pai. Tiali goli, aga digibulu gana bidai.

Dwagi Yai Gesi Po Jongo Asęani 13:30

Tialima, Judas Jisasgo mani nai agai sai, tama polo Judas aga te be buluba pai. Tama bulu hulia sai.