Dwagi Yai Gesi Po Lukgo Asęani 22:50 - Godigo dwagi yai po buku

⁵⁰ Tama te tamadi asai bage tomode te pris tuni bidigo sę ebo bidi me deli bidai. Tama Jisas wali pabo bidi mego te bidigo dolo nogo badu olo moni kago hwągo togwa sąwai, tama te olo tǫba tuloluai.

Dwagi Yai Gesi Po Lukgo Asęani 22:50 Referans Kwoze

Dwagi Yai Gesi Po Makgo Asęani 14:47

Tiali goli te Jisas wali pabo bidi dabe pąde te dolaluali bidi me deli, agai te aga elaluali bobage ge hwą kega selama, tama te tobolu pris bidigo sę ebo bidi elama, tama aga olo togolama, tama tǫba tulaluali.

2 Korin 10:4

Tigidali wąbi hwįbo nai dabe dago tolalubo, te tǫde nai tiwai me elalubeo. Menio. Te Godigo bomo elalubao, te boi bidigo bomai obo alubo usu yaibao.

Polgo Po Pas Rom Dabeba Asęani 12:19

Eno abagi dede muo, te augwaligo dwai sę dagebolo ebo te duga digi wei munu me ponamuo. Te menio. Dagego te Godigo sębę ebo sę augwalide emainogo sula tagaliąo. Magi baso meni, te Godigo po bukude agai te po wai, “Te dwai sę wei ponobo kolesaga da, te eno sę dao. Ena digi te eno dwai dene wei augwalibolo ponaibao, Genuai Bidigo te po wai.”

Dwagi Yai Gesi Po Lukgo Asęani 22:49

Jisasgo bidi dabe augwaligo te sę pedalabo maga ebaso, augwaligo te po wai, “Genuai Bidi, nago usu da wida, dago te boi bidi dabe hwą gego elaibao,” te po Jisas dali wai.

Dwagi Yai Gesi Po Lukgo Asęani 22:51

Tiali goli, Jisasgo te sulama, te po wai, “Tagalao. Me menio.” Tama agai nogo te boi bidi oloba muai, tama te olo dwagi yai ma yai.