Dwagi Yai Gesi Po Lukgo Asęani 22:33 - Godigo dwagi yai po buku

³³ Pitago Jisasbolo wai, “Genuai Bidi, ena nage dali kalabus paibao. Ena nage dali isabo me sisi yalio,” Pitago te wai, Jisas dali.

Dwagi Yai Gesi Po Lukgo Asęani 22:33 Referans Kwoze

Dwagi Yai Gesi Po Makgo Asęani 14:31

Tiali goli Pitago po bomo elama mu weyu, “Tagalao, te ena nage dali isibaso, te usu dao. Tiali goli eno te nage konebeo po munu me wagobeo. Mu menio!” Tama Jisas wali pabo bidi dabe tigidali augwaligo me te tiwai po naga ola pai.

Dwagi Yai Gesi Po Makgo Asęani 14:29

Pitago agabolo te po wai, “Te e bidi tigidali augwaligo nage taga peyu wi pobaso da, tagalao, magigo meni, te eno nage taga pogobeo,” te po wai.

Matyu 20:22

Agai te tiwai po obaso, tama Jisasgo te po wei ponoyu, te po wai, “Dage sigo te nai po page bugagia konesiąma dagego te hanalu obao. Dage sigo eno te ąį tuainogo ebo kapde te ąį dage sigo me tubo usubo gilama, te eno sabo dene tiwai gilama te dage sigo sabo usu egowe?” Tama augwali sigo agabolo te po wali, “Te da sigo tubo usu yaibao.”

Godigo Sęba Tagala Palai Bidigo Po 21:13

Tama tiali goli, Polgo te po wei ponoyu te po wali, “Magi baso dage gela obawe? Dagego gela wagio. Tama dagego te homu sęgę ena magio. Suao, ena Jerusalemba pobao. Tama augwaligo ena kalabuside mubaso da, eno wi menio. Eno Genuai Bidi Jisasgo po pusa mobadi, augwaligo homugo ena elabo homu ebaso me, elemainao,” te po wai.

Bugagia Bidibo Kolesagade Po Asęai Buku 28:26

Te bidigo te homu eyu, te aga koneani kolesagago digi te aga tau selama, te tigidali sę ebo usu yaiba homu yali da, teda agade te wiegi yai homu kolesaga me elalubeo. Tiali goli, te bidigo te wiegi yai homu ebo kolesaga wali pobaso da, teda aga bugagia mu bidaibao.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Jeremaia 10:23

Genuai Bidi, eno koneani, te bidi dago dena bilibo tonalubo usu isąyu, te dena godolo homu ebo sunumi dabe wali painu ebaso, usu egobe dao.

Dwagi Yai Gesi Po Lukgo Asęani 22:34

Jisasgo Pitabolo te po wai, “Pita, eno nagebolo obao, e sogo hulide te ba kakaruk po wasiąbadi, tama nago sela sogo waibao, ‘Eno Jisas nogi konebe.’ Te po nago waibao,” Jisasgo te po wali.

Dwagi Yai Gesi Po Jongo Asęani 13:38

Jisasgo po wei ponoyu, te po wai, “Mu dawe? Ena tobade nage ena tau siyu, isabo sisi ebawe? Menio. Eno mu po nagebolo obao, be posisiąbadi, te ba kakaruk po wasiąbadi, sela sogo nago eno nogi dualaibao,” Jisasgo te po wai.

Dwagi Yai Gesi Po Lukgo Asęani 22:57

Hogwa siyu, Pitago te po wai, “Ena menio. We, nago wabo po eno te Jisas konebeo,” Pitago te po wai.