Dwagi Yai Gesi Po Lukgo Asęani 21:37 - Godigo dwagi yai po buku

³⁷ Te tigidali sogo Jisasgo po augwali we bidi dali Moni Lotu Be tempel tomode ola mawai. Tilama, te hulide Jisas aga bulu du me nogi Oliv teba pigi pabo dao.

Dwagi Yai Gesi Po Lukgo Asęani 21:37 Referans Kwoze

Dwagi Yai Gesi Po Lukgo Asęani 22:39

Te Jisas te be taga peyu, te bulu du nogi Oliv teba pali, aga polobadu hauwa sogo teba pai dao. Tama aga bidi dabe augwali aga wali pai.

Dwagi Yai Gesi Po Makgo Asęani 11:19

Tama te be pio ebode Jisas dali, te aga wali pabo bidi dabe badi, te augwaligo te Jerusalem tagalama palio.

Matyu 26:55

Tama te sogo naga Jisasgo te aga sagasai bidi hanibolo te po wai, “Dagego ena sagasiyu, tama dagego te bobobage hwą ge me wąbi dabe tolasa asali, te dage te nai wi sabo bidi sainogo asobo tiwai yali. Magi baso te tiwai yaliwe? Tigidali sogo ena te Moni Lotu Be tempel tomode bidiyu, tama eno po te we bidi augwalibolo ola madu geai goli, te dagego te sogo tama dagego ena me nogo dąų me wabeo.

Matyu 21:17

Tama agai augwali tagalama, tama aga te moni hanu buluba pelama, tama te dwasianu hanu Betani te badu hulide bidigi pai.

Matyu 21:1

Te augwali Jerusalem pąba sabolama, te dwasianu hanu nogi Betfage teba sabolali, te Oliv bulu du pąde elaluai. Tama Jisas aga wali pabo bidi si tagala paliyu, tama augwali sibolo te po wai,

Godigo Sęba Tagala Palai Bidigo Po 1:12

Te Jisasgo tagala palai bidi dabe augwali te Oliv Ni Sili bulu dudu geasa pelama, Jerusalem be naniba ma pali, te bulu digibulu meni, pąde bidai, te kilomita deli naga.

Dwagi Yai Gesi Po Jongo Asęani 12:1

Te Sarere deli elalubadi, te Juda bagego bo disąwai nai bret tubo si, te sogo pedalaibao. Te olo bidibo sogo nogi Pasova dao. Te Pasova sogo pedalisiąbadi, tama Jisas te Betani be naniba pai, te Lasarus aga bulu dao. Te bidi Jisasgo gų pagede hodolali bidi dao.

Dwagi Yai Gesi Po Lukgo Asęani 19:37

Te Jisas te Jerusalem be nani pąba sabolali, te bulu du nogi Oliv a odogoba pabo gagalali. Tama teba pobadi, aga wali asobo we bidi hauwa mu tigidali augwali dwagi yai homu mu eyu, bomonama i weyu, Godigo nogi ugwaba siyu yali. Augwaligo Jisasgo polobadu yali bomai sę subaso, Godigo nogi ugwaba sali.

Dwagi Yai Gesi Po Makgo Asęani 11:12

Te nosali sogode augwaligo te bulu Betani tagalama, tama Jerusalemba ma asobadi, tama Jisas aga nasi yali.

Matyu 26:30

Jisasgo te po silibo si, tama augwaligo Godigo nogi ugwaba sabo tęąbi po ola silama, tama augwali te bedu buluba solama, tama augwali te Oliv bulu duba pai.

Sekaraia 14:4

Te sęgę pedalubo sogo Genuai Bidi te bulu du Oliv pąde te Jerusalem giliga pedalubo badu dolaluaibao. Tama te bulu du Oliv si badu pedasa pelama, tama genuai bulu odogo te tomode elaluaibao. Te bulu du me badu pedai te bugasa te not badu peyu, te me badu pedai te saut badu pedasa paibao.

Dwagi Yai Gesi Po Makgo Asęani 14:49

Tigidali sogode te ena dage dali te Moni Lotu Be tempel tomode dulalu, tama eno te Godigo po dagebolo ola mawai, tama dagego ena nogo tulama pageabi me ebeo. Tiali goli dagego enade megi ebo sę ebogo te Godigo po bukude elalubo po meba te mu pedalumainu ebao,” Jisasgo te po wai.

Dwagi Yai Gesi Po Lukgo Asęani 19:29

Tama pelama, tama te dwasianu be nani si pąba sabolali. Be nani me nogi Betfage, te be nani me nogi Betani, te si pąba sabolali. Tama sabolama, augwali te bulu du nogi Oliv te bulu duba sabolali. Teba sabolama, tama Jisasgo bidi si i wali, augwali si tagala palama pomainu yali.

Dwagi Yai Gesi Po Lukgo Asęani 19:47

Te Jisas agai te sę yali. Te deli deli sogo agai te we bidi dabebolo ola mani po wali, te Moni Lotu Be tempel tomode. Tama te pris tuni bidi dabe me, te Godigo polobadu wali po koneani bage me, augwaligo Jisas elabo tų gegali. Te Juda dabe tuni bidi dabe me, augwaligo Jisas elabo tų gegebo gagalali.

Dwagi Yai Gesi Po Jongo Asęani 18:2

Hauwa sogo Jisas aga wali pabo bidi dabe dali augwali te oliv ni siliba sisinama bidiyu yai, polobadu. Tama tibaso, Judas, Jisas te boi bidi nogoba muabo bidi, agai me te ni sili koneai.