Dwagi Yai Gesi Po Lukgo Asęani 21:34 - Godigo dwagi yai po buku

³⁴ “Te dage dua dao, bugagia suao. Dagego tigidali sogo bomai wę tulama, aiyoge elamu dao. Tiyu dagego tigi tau sabo homu naga egio. Te tiwai kolesagago dage mesegelebaso da, teda te Bidi Mu asobo sogo dage polo asaibao, te enego hasa enebo tiwai yaibao.

Dwagi Yai Gesi Po Lukgo Asęani 21:34 Referans Kwoze

Dwagi Yai Gesi Po Makgo Asęani 4:19

tiali goli augwaligo homu hauwa te tǫde naide elama, tama augwaligo te mone hauwa sisinabo homu elama, tama haniani doado bagede godola pelama pesa yali. Te doado bage dabede homu ebogo te Godigo po mesegelama, tama tebo we bidi hani augwali te nai du me walisiąwai.

Dwagi Yai Gesi Po Lukgo Asęani 12:40

Ena da Godigo Bidi Mu dao. Dagego ena ma asabo bodolu konesąbaso da, dage me olo sisi tama elalu yao,” Jisasgo te po wali.

1 Korin 6:10

tama te nai wi sabo bidi dabe tama te gasa bidi dabego doado bagede pesa homu ebo bidi dabe me, tama te bomai wę tubo bidi me, tama te gasa bidi dali posobo po wabo bidi dabe me, tama te gasa bidi dabego doado bage anoma elama sabo bidi dabe me, te tobage kolesaga ebo bidi dabe tigidali te augwali Godigo we bidi bugagia tonalubo bomo tomoba pabo usu me egobeo.

Kraisgo Geme Dualali Sę Pedelabo Po Jonbolo Ola Mani 3:3

Tama tibaso, te dagego polobadu Godigo po mu sali, te po dagego odali, te pode homugo ma kone palao. Tama te pode homugo ma kone paliyu, ge neyu, homu begeleyu bidao. Te dage pila muani tagaliyu hodalusiąyu da, te ena dagego bidibo digi te geme nai wi sainu asobo bidi tiwai eyu, tama ena dage pageba asobo sogo te bodolu dagego konegobeo.

2 Pita 3:14

Abagi dede mu, dagego te gesi nai pedalobo tonalualigo da, teda dagego bomo eyu, te meda meniama tama magi dwai sę me isąma bidiyu, tama God dali dagego deli homu elama bidao. Tama nosali te sogo Godigo dage osola suyu, dage te tiwai bugagia bidibo agai sueibao.

Galesia 5:20

te Godigo nogi aba munama tama gasa naigo nogi ugwaba sabo kolesaga me, te animani sabo dwai pobi wabo kolesaga me, tama boi bidi ebo kolesaga me, te wado po wabo me, te dwai homu eyu, te konila po wabo kolesaga me, te mena nai gedugo sulama godolo eyu sabo kolesaga me, te sębę ebo kolesaga me, te nai yogo ebo homu me, te bidi hani si pedebo kolesaga me,

1 Korin 5:11

Tiali goli eno asęani po page te e tiwai dao: te bidi me deligo aga dage dali ama da wabo bidigo te we sabo kolesaga dolobo me, agai te gasa bidigo naide pesa eyu, me agai tibo godibolo lotu po weyu, me agai posobo po obaso me, ma agai bomai wę tubaso, ma agai te gasa bidigo nai anoma elama te tigidali kolesaga ebaso da, teda dagego aga dali kisasa biligio, aga dali abagi me wagio. Menio. Dagego te tiwai sę ebo bidi dali te nai me munu me tulamo dao.

Matyu 13:22

Tama meba te tedela palali nai wai ge te sesani yai bono elalubo madi tomoba tudulaluali, te bidigo po sabo tiwai yali, tiali goli agai homu hauwa te tǫde naiba pelama, tama agai mone dabe te doado bage hauwa sabobo homu hauwa yali, tama te homu ebogo te Godigo po mesegelama, tama agai nai ge walobeo.

Hosea 4:11

Genuai Bidigo te po wali, “Te haniani bomai wain ąįgo te eno we bidi dabego homu kolesaga ayana palama, dolobo dao.

Aisaia 28:7

Te profet dabe, me pris dabe, augwaligo te wain wę me bia wę hauwa tulama, polobo homu yabo homu elama, dodolama, wa bilabo homu eyu, dodola bilabo homu ebo dao. Augwaligo homu kolesaga menia pabo dao. Tama augwaligo augwa sę bugagia ebo menio. Tama me, te pris bidi dabe augwaligo te we bidi dabego sęgę bugagia dodolobo menio.

Dwagi Yai Gesi Po Lukgo Asęani 21:8

Tama Jisasgo po weyu, te po wali, “Bidi hauwa asiyu, Jisas ena nogi waibao, Jisas asaibao wali, ena te Jisas ena e asalise, te po waibao, dage dali. Dage dua dao. Augwaligo dage ili po ola mawaibao. Tama augwaligo te po me waibao, ‘Asobo si te pąba maga yagasobao.’ Tiali goli, dagego te po wabo bidi wali pigio.

Filipai 4:6

Dagego haniani naide moni homu egimio. Te menio. Te dageba pedalobo sę tigidalide dagego Godibolo tede po weyu, tama agabolo buba hwi olama, tama te dagego sǫą pabo naide aga hanalu wao.

Dwagi Yai Gesi Po Lukgo Asęani 17:3

“Te kisalubo bidi agai nagede dwai sę ebaso da, teda nago agabolo ‘Te dwai sę igio’ wao. Tama olama, te dwai sę yali bidi aga homu begelebaso, agai yali dwai sę nago sela sąyao.

Dwagi Yai Gesi Po Lukgo Asęani 10:41

Genuai Bidigo wei ponoyu, te po wali, “Marta, Marta, nage da te tigidali nai sulama, homu te tųą pobao.

Dwagi Yai Gesi Po Lukgo Asęani 8:14

Te tubo nai ge sesani yai bono sili elalubo tomoba tudulaluali po wabo da, te da te bidi dabe augwaligo te Godigo po odali tiwai yali goli, e tǫde ebo naide moni homu hauwa eyu, te nai doado bage hauwa elalu, te monede me, e tǫde ebo sęde bugai homu pemene eyu, tama te nai doado bagego augwali homu hogodabo mesegelama, te augwaligo Godigo po bugagia me odobeo. Augwali te nai du bugagia walama, te inawai nai tiwai elalube dao.

Dwagi Yai Gesi Po Makgo Asęani 13:9

“Duga digi te bugagia tonaluiąo. Te augwaligo dage te augwa kaunsilba po tų ela mawaibao. Tama augwaligo dage te Juda dabego bomai po odobo lotu be tomode elaibao. Te augwaligo ena nogi aiyaba elaluabo homu elama, tama augwaligo dage te gavmaniba me te tuni bidi gesabidiba dodolaibao. Tama tebode te dagego te Godigo gesi wiegi yai po te augwaliba pusa mao.

Bugagia Bidibo Kolesagade Po Asęai Buku 21:4

Te dwai kolesaga ebo bidi dabego te sę me edu, tama sesemane hagoma yaibao. Tama tiyu, te augwa bidibo ula doliyu, te dwai sęgo pągąnalubo dao.

Hibru 12:15

Te ama me deli tula muyu tama Godigo te olo tau siyu mabo kolesaga tagalidali weyu dagego bugagia tonaluao. Tama tiyu dage tomode pedalobo ama me deli aga te ha ebo nedu du tiwai walama, tama dagebolo sęgę menama, tama dage God gedude meda yai pedelabuo.

Godigo Nogi Ugwaba Sabo Tęąbi Po Wabo Buku Dabe 35:8

Tiali goli, te augwaligo konesiąwai sogo, te augwaligo ena dolomainu te muani bono gągągo, nago te augwa digi polo dolomainu ilao. Tama augwa digi augwa te nigali dedageba tolalumainu yao.

1 Samuel 25:36

Tialima, Abigel te Nabalba ma geasa pali. Tama aga te beba sabolama suali, Nabalgo te nai daa tuali, te kingo genuai wiegi yai nai daa tiwai tobage tualio. Tama Nabal te gęǫ page mu eyu, tama wiegi yai homu pemene eyu bidali, tama tibaso, te Abigelgo po me deli te agabolo me wasiąma te kigamuba usu nani.

Bomai Po 29:19

Dage tigidaligo bugagia mu tonaluiąo, te bidi me eno megi ede pusali te bomai po odali bidigo, te bidi me deligo te po sela sąnama, tama aga bugagia bidaibao homu yaibao. Tiali te bidi mego te po sela sąyani da, teda te tialigo dage sese tama dolomainu yaibao. Te wiegi yai bidi dabe me, te dwai bidi dabe dali si tama dolaibao.

Pris Sę Ebo Bomai Po 10:9

“Te nage me nago ogwa dabego te bomai ąį wain me bia tulama, dage eno sel Ugwa Be tomoba me pelamuo. Te habu mu dao. Te dagego sel Ugwa Be tomode sę yabo sogo ąį tulama, te Ugwa Be tomoba pobaso da, te dage isaibao. Te dagego bulai wąį nǫų dabe nosali pedalubo hani, augwaligo me te bomai po wali pomainao.

2 Pita 3:10

Tiali goli te Genuai Bidi asobo sogo mu asaibao, te nai wi sabo bidi geme asobo gilama. Tama te sogo dagalu kulukulu genuai olama tama hagawaibao. Tama te giliga dali, polua dali, te hǫ dabe tigidali, te siago dela silaibao. Tǫ me, te tigidali nigali nai elalubo me, te siago tigidali daibao.

Tigidali Nai Gagalama Nigali Side 19:32

Te dena ayago hani te silidali weyu, te tama tinao! Te da sigo dena si aya te bomai ąį wain tumainu menama, tama aga tobolu gęǫ ilaibao. Tialima, da si aga dali pagela pilama, tama agade wai ame naibao,” wali.

Bugagia Bidibo Kolesagade Po Asęai Buku 23:20

Nage te wę hauwa me nai hauwa tubo bidi dabe dali hai namu olama, me kisasa biligio.

Kolesaga Koneai Bidigo Pusali Po Elalubo Buku 9:12

Te magi genuai sęgę daba pedelabo dago konebeo. Te dwai sęgęgo da polo tama mu deli sogo gegaibao, te hagane mubo nai wago te sųgų ma ba tola sabo tiwai ebo dao.

Dwagi Yai Gesi Po Lukgo Asęani 21:35

Te ena asobo sogo te tigidali tǫde bidibo we bidibolo me te tiwai sę pedalaibao.

Tigidali Nai Gagalama Nigali Side 19:35

Tialima, te sogo hulide te augwa si aya te wain menama, gęǫ ma ilali, tama tomo wegi aga dali pialio. Augwa si aya te tobolu mu gęǫ page elama, te polobadu yali tiwai ma yali, tama te sę yali te agai me konebeo.

Tigidali Nai Gagalama Nigali Side 27:14

Tialima, Jekopgo te meme si sigi pelama, te aga idabolo magasali. Tama Rebekago te Jekop aga ayago godolo mu ebo nai te ulai.