Dwagi Yai Gesi Po Lukgo Asęani 21:28 - Godigo dwagi yai po buku

²⁸ Hasia te sę gagalama pedalubo side, te ebo sogo dage tobolu ugwanu elama, dolaluao. Te side dage Godigo sabo silabo side pąba yagasabao,” Jisasgo te po wai.

Dwagi Yai Gesi Po Lukgo Asęani 21:28 Referans Kwoze

Polgo Po Pas Rom Dabeba Asęani 8:23

Tama te nai dabe augwali naga me tebeo. Menio. Dago te Tedali Mobo Bidi salio, te tiwai Godigo hasia mu dabolo te olo mu manio, te agai dabolo nosali gasa nai me mawaibao. Tama da me, dago homu tomode dene elama hę weyu, tama Godigo te da aga wai dabe pedalabo kolesaga te silimainogo ebo sogo tonalubao, te agai dago tigi ma dobola selama olo bidabo sogo dao.

Efesus 4:30

Tialima dagego tisiąwani da, dwai meda yai po weyu da, teda dagego te Godigo Mobo Bidi dwai homu dene mu ilaibao. Tama te dwali dao. Te Godigo Mobo Bidi aga wiegi yai tedali mu dao. Tama God agai dage ma dobola sai hagede te dage hagea siyu sa mumainogo eyu agai dagebolo aga Mobo Bidi mawai dao. Tama te Godigo Mobo Bidi dage dali bidibaso, dagego mu konebao, te God agai dage olo mu bidabo bidi nigilabo sogo te nosali mu pedalaibao. Tama tibaso, dwai po weyu aga dwai homu dene mu iligio.

Polgo Po Pas Rom Dabeba Asęani 8:19

Te nosali Godigo da ugwaba selama, tama da agai wai dabe te hania hanilaibao. Tama te sę yabo sogo asobo te Godigo nigali tigidali naigo tonaluyu bidibo dao, te bidi aga homu memenege eyu, tama aga wiegi yai nai asobo sogo tonalubo tiwai gilama.

Dwagi Yai Gesi Po Lukgo Asęani 18:7

Te God aga sa muani we bidi augwaligo ulade me, hulide me aga hanalu wabo si, te God agai augwali tau magowe, ma magobewe? Agai bobenu bidama, tau sogowe?

Efesus 1:14

Polobadu Godigo aga we bidi dali wiegi yai kolesaga yabo po wai dao. Tama megi agai dabolo aga Mobo Bidi manigo da, teda agai tebogo dago konebo dao, te agai da sa muani, te agai polobadu wali po tiwai nosali mu pedalaibao. Agai aga Mobo Bidi dabolo mobaso, te nosali te Godigo aga sa muani we bidi mu selama, tama augwali aga dali hodobo mu olo bidaibao, te me dago hania konebao, tede dago homu si ebo menio. Tama tibaso, dago Godigo ula yai bomo elalubo nogi ugwaba sao.

Dwagi Yai Gesi Po Lukgo Asęani 13:11

Tama agai wabo po odali we bidi bidali tomode te tudi basia sali we bidali. Te dwai kauwa bidi mego te we dąų olama, te dwai gasi te we tigide munama elalubadi, tama te kibu be hauwa 18 te tama kibu bede te we tudi basia selama elaluali, te aga bugagia dolo ma dolalugobeo.

Dwagi Yai Gesi Po Lukgo Asęani 21:29

Te Jisasgo po me begelama, augwali dąį wai. Agai te po wai, “Dagego kaiya dali gasa ni dabe me solobo subo dao.