Dwagi Yai Gesi Po Lukgo Asęani 20:47 - Godigo dwagi yai po buku

⁴⁷ Augwaligo te wilawe we dabego doado bage gisigilibo dao. Tiali goli, augwaligo tibo gedu haluasa po bobobage wabo dao. Tama nosali Godigo tigidali we bidide po tų ebo si, te tobage bidi dabe, te bomo yai po koneai dabe, augwaligo moni sęgę mu saibao, te gasa we bidigo dwasianu sęgę saibao,” Jisasgo te po wai.

Dwagi Yai Gesi Po Lukgo Asęani 20:47 Referans Kwoze

Dwagi Yai Gesi Po Makgo Asęani 12:40

Augwaligo te augwa bidi isai we dabe tibo po weyu, tama augwaligo be dabe wi siyu ebo dao. Tama te ebo kolesaga mesegelainogo eyu, tama augwaligo tibo gedu haluasa po bobage weyu ebo dao. Te Godigo po tų ebo sogode te bidi dabe augwaligo genuai sęgę mu saibao,” Jisasgo te po wai.

Jems 3:1

Eno ama dedeo, dage tomode Godigo po ola mabo bidi hauwago te po ola magio, bidi si sela naga usu yaibao. Dago konebo dao, nosali Godigo agai we bidi dagalobo sogode, agai da te po ola mabo bidi dabe agai da bugagia dagalama, osola sueibao. Tama dago dena sę bugagia esiąyu da, teda agai dabolo sęgę mawaibao. Tiali goli te sogo agai po odali gasa we bidi te agai dua digi augwali bugagia dagalama osola sueibao.

Taitus 1:16

Augwaligo pedauwaligo naga te po wabo dao, “Eno God koneai dao,” te po wabo. Tiali goli augwaligo bilibo kolesaga ebogo te God hogwa sabo dao. Godigo augwali me godolo ebo menio, hagela mu ebo. Augwali agai po sela sąbo bidi dao, tama augwaligo dwagi yai kolesaga me deli ebo usu meni.

Dwagi Yai Gesi Po Lukgo Asęani 12:1

Te sę ebadi yaide, te umabo tausen we bidi Jisas pageba mu odogwa sagaselama, augwa hasi ma agaga bilalubo ąǫ yalio. Tama Jisasgo hasia bolo aga wali bilibo bidi dabebolo te po wali, “Dage te Farisi bage te ugwadu homugo tibo po wabo bidi dabego ebogia yabuo. Dage te tiwai gagaidali weyu, bugagia dilasa bidiąo. Bidi mego bret nigibo sogo, tomoba dwasianu bomonobo nai mubo dao. Tama nosali te bret boma pabo dao. Te Farisi dabego ugwadu homugo po wabo sę, te dwai sę dage tomoba asiyu da, dage tomode genia paibao, te bret bo dai tiwai yaibao.

Matyu 23:13

“Dage te bomai po page ola mabo bidi dabe me, dage Farisi dabe me, hobede ya. Dageba te dwai sogo mu pedelaibao, dage tibo po wabo bage. Te Godigo we bidi tonalubo kolesaga tomoba pabo tų te dagego te we bidi augwaligo gesabidiba te tų palibo dao. Duga digi te tomoba me pabo meni, tama te we bidi augwali te tomoba painogo ebadi, te dagego augwali pabo tų palibo dao.

Maika 3:2

tiali goli dagego te dwai kolesaga godolo mu elama, te doloba pai kolesaga godolo homu me ebeo. Dagego te kolesaga dabego te dagego eno we bidi dabe bidibadi digi, te tigi wali dagala sabo tiwai ebao. Te dagego augwaligo tigi mi togobo tiwai elama,

Maika 2:8

Tiali goli, odiąo. Duga digi ilama, tama eno hani te ena dali boi bidi pedalubao. Te bidi dabe augwa boi hwįani te ugwa ela holai, te ma aselama, beba bugagia dugulaluagasobo homu yai. Tiali goli, dagego augwaligo kedau side gudubo ugwa wi sabo dao.

Amos 2:7

Augwa te bomo kimi meni yai bidi, te augwa digi augwa tau sabo usu meni yai bidi dabe, te augwali aiyaba elaluama, tama augwa te magi nai meni yai bidi dabe ela gudulubo dao. Bidigo me, aga ayago me, te olo sę ebo we deliba naga penani igi pabo dao, te tama tiali kolesagade augwaligo eno genuai nogide hale mu ilibo dao.

Esekiel 33:31

Tama tialima, eno we bidi augwali nago po odainu sisinagasobo dao. Awe, augwali nago gesabidide dualama, nago po odobo dao. Tiali goli, augwaligo olodali tama odobo dao. Augwaligo te po wali pabo menio. Augwaligo te timainao po wabo dao. Tiali goli augwaligo te mone hauwa sabo homu naga ebo dao.

1 Tesalonaika 2:5

Dagego koneai, dago te wabo pode dage homu bega somainogo dago te po wabeo. Dago te Godigo po dage dali obadi, dagego nai sainogo dago tibo po dage dali weyu menio. Tama God agai me te sę ebo gedugo suai dao, te po mu po dao waibao.

Maika 2:2

Te dagego bidi me deligo gi sabo homu pesą eyu, dagego bomonama te siyu naga yaibao. Dagego te be sabo homu pesą ebaso da, dagego te siyu naga ebo dao. Dagego te tibo sę ebo kolesaga elama, te gasa bidi dabego be me, te augwa wąį nǫųde sali tǫ me, wi sabo dao.

Esekiel 22:7

Te Jerusalem taunde mena bidi me deligo te aga aya idago po dologoba me pabeo. Te dage dali bidibo gasa tǫ kantri bidi dabeba dagego dwai sę ebao. Te wilawe we dabeba te dagego dwai sę yali, te tiana wai dabeba me te tiwai dwai sę ebo dao.

Matyu 23:14

[Dage bomai po page ola mabo bidi me, dage Farisi dabe dali, hobede ya. Dageba te dwai sogo mu te pedelaibao, dage tibo po wabo bage. Dage te augwa bidi isai we dabe pageba pelama, tama dagego te ugwadu homugo naga po augwali dali olama, tama augwaligo be me doado bage wi sabo dao. Tama dagego gedu haluasa po bobobage weyu, duga te dwai sę yali po geme dualiyu tebo dao. Tama tibaso, te dwai sę wei ponabo sogode te dageba asabo sęgę te dwasianu menio.]” Jisasgo te po wai.

Dwagi Yai Gesi Po Lukgo Asęani 20:46

Tama Jisasgo aga po sabo bidibolo weyu, te po wai, “Dage dua dao, te bomo yai po koneai bidi dabede. Augwali godola pela bobobage ugwa gudama, bilama pabo dao, nogi yai bidi tiwai. Augwali godola pela te we bidigo bidi sisinibo pesagede augwalibolo siade dao omainogo, genuai bidi tiwai. Augwali mu godola pela lotu be tomode bidi gesabidide naga dualubo, genuai bidi tiwai. Augwali godola pela genuai nai tubo side augwali polalubo ni namide naga duawainogo ebo dao.

Dwagi Yai Gesi Po Lukgo Asęani 21:1

Te Jisas te Moni Lotu Be tempel tomode tonolo bilibadi, agai suali, te mone hauwa munalubo bidi dabego augwaligo Godibolo masigi te halobage tomoba mubo agai suali.