Dwagi Yai Gesi Po Lukgo Asęani 20:36 - Godigo dwagi yai po buku

³⁶ Augwali ma isigobeo. Augwali mobo bidi ensel tiwai bidaibao. Godigo augwali gų pagede hodolali. Tama tibaso, augwali Godigo wai bǫų bidibo,” Jisasgo te po wai.

Dwagi Yai Gesi Po Lukgo Asęani 20:36 Referans Kwoze

Kraisgo Geme Dualali Sę Pedelabo Po Jonbolo Ola Mani 21:4

Tama agai augwaligo gedude elalubo gedu ąį omainogo deli deli hola sąwaibao. Tama te we bidi dabe augwali ma isigobeo, tama augwali homu sęgę ma isiąma, tama augwali gela weyu dene eyu ma egobeo. Tama te polobadu elaluali kolesaga tigidali pela silai dao,” te po wai.

Filipai 3:21

Magi baso meni. Agai bomo te gasa tigidali bomo aiyaba elalubo dao. Tama agai bomogo agai tigidali nai deliba sisinama, tama aga dologoba muabo te bomo tede usu dao. Tama aga tǫba ma asama, tama dago bomo meni yai polo isibo tigi, te tigi agai bomogo hasegelaibao, tama dago tigi aga wiegi yai ula elalubo tigi tiwai si pedalaibao.

Matyu 22:30

Magi baso meni. Te isali bidi dabe augwali ma hodalobo sogo, te bidi dabego te we sabo sę me egobeo. Menio. Te augwali olo te dagalude bidibo mobo bidi ensel bidibo gilama tiwai bidaluaibao.

Kraisgo Geme Dualali Sę Pedelabo Po Jonbolo Ola Mani 20:6

Tama augwali te gų pagede hasia sogo hodalobo we bidi, augwali te wiegi yai homu pemene elama, te magi dwai sę isiąwai bidi tama tiyu, augwali bugagia bideibao. Tama te si wali isibo bomogo te bidi dabe augwali aiyaba me elalugobeo. Menio. Te augwali God de Krais sibolo lotu po weyu, sesemane sogo augwali sigo sę ebo pris bidi dabe bideibao. Tama augwali te Krais dali tuni bidi te hauwa kibu be mu te 1,000 bidaibao.

1 Korin 15:42

Te Godigo te isali we bidi dabe ma hodolobo kolesaga me, te tiwai naga yaibao. Te tigi dago te nai ge tiwai pubalobo, te dolaibao. Te ma hodalobo tigi te gasagi yai dao, te munu me dologobeo, te gamonabo tigi dao.

Kraisgo Geme Dualali Sę Pedelabo Po Jonbolo Ola Mani 22:9

Tiali goli agai enabolo te po wali, “Nago tama tigio! Ena nage dali me, e naga ama dede dali, da deli sę naga ebo dao, augwali te Godigo po ola mabo bidi dabe dao. Tama ena e bukude po wali pabo tigidali bidigo deli sę ebo bidi dao. Nago lotu po God deli dali naga wao,” te ensel bidigo te po wai.

1 Korin 15:26

Agai te gasa boi bidi dabe augwali tigidali dolobode da, teda agai te isibo kolesaga me sia saibao.

Dwagi Yai Gesi Po Makgo Asęani 12:25

Te isai bidi dabe te gų page tagalama ma hodalobo sogode, te isai we bidi augwali te bidigo we ma siyu me egobeo. Menio. Te augwali te dagalude bidalubo ensel mobo bidi dabe bidalubo tiwai gilama bidaluaibao.

1 Korin 15:49

Tama megi da te Godigo tǫgo nigali bidi Adam tiwai dao, dago elalubo tigi te agai elaluali tigi tiwai si naga dao. Tama te tiwai naga me dago te dagaludu asali bidi Krais aga tigi tiwai naga digi dago nosali saibao.

Sekaraia 3:7

“Te Tigidali Bomo Elalubo Genuai Bidigo te po wali, ‘Tialima ma nago eno bomai po tigidali wali pelama, tama nago eno nagebolo mani sę tigidali eyu da, teda eno nage sa muyu, nago eno be tonalubo sę me te tigidali lotu wabo nai dabe tonalubo sę me idumainu sula tagalaibao. Tama eno nage ena pageba asomainu sula tagalaibao, te ensel dabego ebo gilama yaibao.

Hosea 13:14

Tiali goli, nosali eno te Israel bage te isali bidi dabego pesagede ma saibao. Isibo, ena te dwai nai tiwai pedelama, tama nage ela mu silaibao. Te isai bidigo pesage, ena te moni dwai gasi tiwai pedelama, tama nage dwai mu dolaibao. Eno te Israel dabeba te olo tau sabo wiegi yai homu kolesagago tau me sogobeo,” wali.

Aisaia 25:8

Agai te isibo me silama, tama augwali me isibo sę me egobeo. God Genuai Bidigo augwaligo gela ųga sia sąnama, tama augwaligo gedu ąį wa sąwaibao. Te we bidigo gedu ąį menia saibao. Tama agai aga we bidi tigidali tǫde bidibo we bidigo hale me sia sąwaibao. Genuai Bidigo te sę yabo po polo wai dao.

Polgo Po Pas Rom Dabeba Asęani 8:16

Te Mobo Bidigo digi agai dago mobo noma bidi tau siyu tama dago homu tomode hania hanilama, da te Godigo wai puluba bidibo po wabo dao.