Dwagi Yai Gesi Po Lukgo Asęani 2:40 - Godigo dwagi yai po buku

⁴⁰ Tama te ogwa gawabulu elama, bomo mu yali. Godigo aga olo mu tau sabo kolesagade olo dali mu tau selama, dwagi yai kolesaga elalualio.

Dwagi Yai Gesi Po Lukgo Asęani 2:40 Referans Kwoze

Dwagi Yai Gesi Po Lukgo Asęani 2:52

Tama Jisas genuai elama, agai homu kolesaga dwagi yai mu yali. Godigo me e tǫde bidigo me Jisas godolo mu elama, kua pali.

Dwagi Yai Gesi Po Lukgo Asęani 1:80

Nosali e wai Jon genuai elama, te aga noma bidi me bomo yai pedalumainu ilali. Tama aga te we bidi meni yai bulude bidali. Tama nosali aga te Israel we bidigo gesabidiba hanilagaselama, bidali.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

1 Samuel 2:26

Te sogo te Samuel te genuai bidi dwasianu pedalubo gana ebaso, tama God dali te bidi dabego me aga godolo homu yali, tama augwaligo homu me te bomai homu mu igulali.

1 Samuel 3:19

Tama bidu, nosali Samuel genuai bidi pedelama, tama God Genuai Bidi aga dali bidai. Tama teyu, Samuelgo te magi nai me deli pedelaibao po obaso da, teda Genuai Bidigo te Samuelgo wali po gilama te sę pedalu yai.

Dwagi Yai Gesi Po Lukgo Asęani 2:47

Agai po odali we bidi dabe tigidali noma sali, “Agai homu poa pelamubao, agai pusali po dwagi yai po dao,” wali.

Godigo Nogi Ugwaba Sabo Tęąbi Po Wabo Buku Dabe 22:9

Tiali goli, God, nago naga ena te idago haligade selama, tama ena bugagia pedelali. Tama ena te ame tubadi, nago ena tonaluai.

1 Samuel 2:18

Augwali sigo te tobage dwai sę tama yali, tiali goli, te sogo me te gesi ogwa wai Samuelgo te Genuai Bidigo sę eyu, tama agai te prisgo sę ebo ugwa gudama, te sę yai.

Te Israel Tobolu Bidi Dabe 13:24

Tialima nosali te wego te ogwa ame nenama, tama augwaligo aga nogi Samson poali. Te wai bomapi pedalubaso, te Genuai Bidigo aga dali wiegi yai sę yali.

Polgo Si Wali Pas Timotiba Asęani - 2TI 2:1

Timoti, eno ogwa, naga digi sesemane sogo nago te Krais Jisasgo olo mu tau sabo dwagi yai kolesagago te nage bomo momainao.

Efesus 6:10

Te eno po silagasu wabo po e dao: dage te Genuai Bidi Krais agade wadoloyu, tama dagego agai genuai bomo meba siyu, tama dage bomo eyu bidao.

Godigo Sęba Tagala Palai Bidigo Po 4:33

Jisasgo tagala palai bidi dabego te po tigidali we bidibolo pusai, ‘Genuai Bidi Jisas gų pagede ma hodaluali,’ te po bomai mu. Godigo te Jisas konealubo we bidi tigidalibolo moni dwagi yai sę yali.

Godigo Nogi Ugwaba Sabo Tęąbi Po Wabo Buku Dabe 45:2

King bidi, nage te gasa sawi yai bidi mu dao. Te gasa bidi nage tiwai me menio. Nago po te wiegi yai naga elalubo. Tama te sesemane sogo Godigo nageba te wiegi yai homu ebo yai.

1 Samuel 2:21

Tialima, Genuai Bidigo Hana bugagia wiegi yai ilama, tama nosali Hanago ogwa sela me wegi si tama ame nani. Tama Samuel te Godigo sę idubadi, tama genuai dwasianu yali.