Dwagi Yai Gesi Po Lukgo Asęani 2:36 - Godigo dwagi yai po buku

^36-37 Te Simeon agai wali po silibo si, te mosi dabe we me deli te Godigo po pusa mani profet we tiwai we bididuali, te we aga nogi Ana dao. Aga te Fanuelgo wegi dao, te Aser hani we dao. Te we mosi dabe mu dao. Te mosi we te Moni Lotu Be tempel tomoba asali. Te mosi we gesi tigi elalubadi bidigo selama bidali, te kibu be nogo a naga me badu nogogo si te 7 yia dao. Tama nosali aga bidi isaide, te agaduba naga bidali kibu be 77 bidali. Te aga bidi dali bidali kibu be dali deliba taluyu, te bidi sese me si me si tama me si me si, te 84 yia dao. Te we agai te Moni Lotu Be tempel taga pabo menio. Aga nai habu selama, Godibolo gedu haluasa po hanaludu bidama, Godigo sę me ulade eyu, hulide eyu yai dao.

Dwagi Yai Gesi Po Lukgo Asęani 2:36 Referans Kwoze

Godigo Sęba Tagala Palai Bidigo Po 21:9

Tama Filip agai wegi me si me si nama wegi bidali. Tama augwali genuai yai wegi goli, bidigo sabe. Tama te wegi dabebolo Godigo dwagi yai bomo menama, tama augwaligo Godigo po pusa mabo sę yai.

Ma Dobola Sali 15:20

Tama nosali, Genuai Bidigo po pusubo we Miriam, te Aron aga abe, agai te dwasianu kilikili wabo habili tiwai nai musik sali, te tigidali we dabego me te tobage habili tiwai nai musik selama, te Miriam pabo wali pai. Tama augwaligo te musik dabe eliyu, tęąbi eyu, tigi bebege eyu, danis me yai.

1 Korin 12:1

Eno ama dedeo, te Godigo Tedali Mobo Bidigo te haniani sę yabo homu kolesaga dabolo mabode, te dagego tede gisiga konesiąma bididali weyu eno tede dage homu dodolabo po me megi pusaibao.

Godigo Sęba Tagala Palai Bidigo Po 2:18

Mu tama, te side eno sę ebo bidi dabe me, eno sę ebo we dabe me, te siba eno ena Dwagi Yai Mobo Bidi olo mu mawaibao. Tama menama, augwaligo eno po pusa mawaibao.

Godigo Nogi Ugwaba Sabo Tęąbi Po Wabo Buku Dabe 92:14

Te augwali monu dabe pedalubo sogo, te augwa nai du me waludaibao. Augwali te bomo elalu, tama augwali me sasia pabeo. Te augwa yabe te ni yabe gesi sogo elalubo tiwai sesemane elaluaibao.

Jopgo Po Asęani Elalubo Buku 5:26

Tama tibo si, nage monu dabe mu elama, tama nage isaibao. Nage te gide wit nai inabo tiwai elama, tama te bidi dabego sabo sogo saibao.

Te Israel me Juda Hani Sigo Tuni Bidigo Po Elalubo Buku Si 22:14

Te bidi dabe augwaligo te kingo po oda silibo si, tama augwali te Jerusalemde te gesi noma taun pedai baduba pelama, tama augwaligo te profet we me deli te gesi noma taunde bidibadi yaide, augwaligo te profet we dali po miani, te wego nogi e dao, Hulda. Hulda aga te Salumgo we da, Salum agai te pris bidi dabego te au dodobage gudubo ugwa mubo habu pesage tonalubo sę ebo bidi da. Salum aga aya te Tikvago ogwa da, tama aga wąį nǫų ogwa te Harhas. Tama te Huldago agai te bidi dabe augwaligo wali po oda silali.

Te Israel Tobolu Bidi Dabe 4:4

Te sogo te nosali pedelabo sę po pusali profet we me deli bidai, te we nogi Debora. Te bidi me deligo we, te bidi aga nogi Lapidot. Te sogo te we Deborago te Godigo homude mabo kolesaga te po te Israel dabebolo ola mawai.

Tigidali Nai Gagalama Nigali Side 30:13

Tama Leago te po wai, “Megi ena wiegi yai homu pemene mu yali, tama tigidali we dabe sibigo enabolo te po weyu, te eno homu pemene wiegi yai mu ebo da po wai dao,” wali. Tama agai te ogwa nogi Aser poai.

Kraisgo Geme Dualali Sę Pedelabo Po Jonbolo Ola Mani 7:6

Tama te bidi Asergo hani augwali me te bidi sese hauwa mu 12,000 sobadi, te bidi Naptali hani augwali me te bidi sese hauwa mu 12,000 siyu, te bidi Manase hani augwali me te bidi sese hauwa mu te 12,000 sali,

Josua 19:24

Te tǫ pedai a naga wali te augwaligo Asergo hanigo somainogo sa muani.

1 Samuel 1:2

Elkanago we si sai, te we si nogi Hana me Penina. Peninago wai meba ame nani, tiali goli Hanago wai me ame nabeo.

Esekiel 13:17

Genuai Bidigo te tama po wali, “Tǫde bidio, nago te Israel we dabeba wado ilao, augwaligo te nosali pedelabo nai dabede po obao. Magi baso meni, te po da, augwa homude digi koliasa wabo dao.

Dwagi Yai Gesi Po Lukgo Asęani 2:35

Tama tibaso, we bidi hauwago geme dualaluali homu te pebeli diliba pedelaibao. Tiali goli nage da, te bainat hwą ge tiwai me deli elalu, te nago hoboludu togwalubo tiwai ebaso, te homu dene tiwai yaibao,” Simeongo te po wali.

Dwagi Yai Gesi Po Lukgo Asęani 2:38

Te sogo me aga pąba aselama, Godibolo “Nage usu dao” wai dao, Godigo te wai mawai baso. Te Godigo Jerusalem bage ma sai hagede tonalubo we bidi dabebolo te ogwa wai bidibo po pusa mani, te mosi we Anago.

1 Korin 11:5

Tama we me deligo te aga tobolu halusiąma tama Godibolo po obaso, ma Godigo po pusubaso da, te agai aga bidigo tobolu bidi tama tiwai bidiyu, aga aiyaba elalubo dao. Te dwali. Tama tiyu da, te aga te hale isąbo moni tųdu bilibo we tiwai dao.

2 Timoti 3:2

Tama nago te Godigo we bidi tonalubo bidi nigiyu tama aga e tama bidao. Aga dolo mu bidao, tama te bidi dabe augwaligo agade te dwai sę ebo me gegegobeo. Aga te we deligo bidi naga bidao. Aga homu bugagia dodolama tama dulaluao. Agai aga digi kolesaga bugagia tonaluao. Aga subigila bidibo bidi bidamuo. Te aga te Godigo po odobo gasa buludu asali we bidi agai aga beba sabo bidi bidao. Tama aga te Godigo po ola mabo sęde aga usu yao.

2 Timoti 5:9

Te augwali tau sabo hani bage meni yai wilawe we elalubaso da, te Godigo po odobo we bidi hani augwaligo augwa mone gego te tobage wilawe we tau somainogo eyu, augwaligo nogi te bukude dago asębo dao. Te bukude nogi elalubo wilawe we dabe naga augwaligo te tau sabo mone sabo dao. Tama nago te bidi isai we dabe nogi te bukude olo asęgio. Menio. Te bidi isai we aga kibu be bidi sese sela wali, te tobage bidi isali we aga bidi deli naga dali bidali mosi we elalubaso da, teda aga nogi naga nago asęąo.