Dwagi Yai Gesi Po Lukgo Asęani 2:32 - Godigo dwagi yai po buku

³² Sole ula deli dao, tego deli te Israel hani isąwai we bidibolo ula ola mawaibao. Tama agai moni nogi te Israel hani we bidi dabebolo mawaibao,” Simeongo Jisasde te po wali.

Dwagi Yai Gesi Po Lukgo Asęani 2:32 Referans Kwoze

Aisaia 49:6

“Hasiabolo eno nageba te boi bidi dabego ela musiąwai Jekopgo hani dabe ma hodolabo sę mawai. Eno te Israel bage meba hagea sai dao, tama eno nageba te augwali sisinama, enaba odasa asabo sę mawai dao. Tialima, te sę ebogo te nago bomogo dęą me sogobeo. Eno te gasa sę me mawaibao. Eno nage te Israel hani isąwai we bidi hani tigidaligo sole ula tiwai nigaibao. Awe, nago te eno te tigidali bulu tǫ habu we bidi ma dobola sabo sę yaibao,” te po wali.

Godigo Sęba Tagala Palai Bidigo Po 26:23

Tama Moses me, te Godigo pedauwalide po sali bidi me, augwaligo te po wali, ‘Te bidi Israel we bidi tau somai hagede Godigo sa muai bidi Krais da, agai moni dene selama, isaibao. Tama aga hasia mu gų pagede hodalobo polali bidi dao. Tama agai tigidali pogo te Juda hani me, te Juda hani isąwai bidi me, dwai kolesaga sela sąbo sę dwagi yai konelai bidi aga dao, tigidali bidigo agai po odama, hulide pabo dwai kolesaga tagalomainu yaibao,’” Pol agai te po wali.

Aisaia 9:2

Te we bidi augwali moni hulia sai madi bilai goli, megi augwali genuai ula suali. Augwali hulia sai madi bidai goli, megi da, augwaliba genuai ula pedalali.

Kraisgo Geme Dualali Sę Pedelabo Po Jonbolo Ola Mani 21:23

Tama te hanude te giliga dali polua si te sę esiąyu te ula ilibeo. Menio. Te God aga digi te genuai ulago te ula mabo dao. Tama te Kibu Sipsip Wai te aga te hanugo ula mabo lam sole dao.

Godigo Sęba Tagala Palai Bidigo Po 28:28

“Tama te po dage dolo mu te waliao. Tiali, dagego koneao. Tama Godigo da we bidi sela pabo tų po tama te Israel hani isąwai we bidibolo tolai yali. Tama te po augwaligo mu odaibao,” Pol agai te po wai.

Matyu 4:16

te tǫ tigidalide bidibo we bidi augwali hulide bidaluali, tama augwaligo te genuai ula nanobo suai dao. Te we bidi augwali te isabo be hulia sai digi bidaluali tama te wiegi yai ula augwaliba pedelai dao.”

Sekaraia 2:5

Tama Genuai Bidigo te po wai dao, aga te isi tiwai pedalama, tama aga te taun bagulai obo tiwai te Jerusalem bagualuaibao, tama agai te taun tonaluaibao. Tama aga Jerusalemde bidaibao, tama agai genuai ula me bomo pepeli diliba haninaibao,’ te po te usu sabo bono string tolalubo bidiba walao,” te enselgo te po walali.

Aisaia 60:19

“Te giligago nageba te bubugade ula mayu, elalubo tiwai munu me elalusiąyu, te poluago me nageba ula mayu, me egobeo. Menio. Genuai Bidi ena digi ena te giliga tiwai, me polua tiwai ula elalu, te eno sesemane nageba ula maduaibao. Te ena, nago God, ena te genuai ula elalu, te nago au ilibo nai elalubo dao.

Aisaia 45:25

Tialima, te Jekopgo bulai hani wąį dabe, te augwa ugwa ela holama, te genuai nogi elalumainu elalide, te augwa wiegi yai pemene Genuai Bidiba yaibao.

Aisaia 4:2

Te me sogo nosali pedalaibao, Genuai Bidigo te ni me deligo gesi nologo ma kolimainu yaibao. Tama tǫgo dwagi dwagi yai nai dabe holiyu yaibao. Tama te Israel we bidi dabe dolisąma me bidibo bage, augwaligo te nai dabe wiegi yai holobo sulama, augwali dwagi yai homu ela paibao.

Godigo Nogi Ugwaba Sabo Tęąbi Po Wabo Buku Dabe 85:9

Mu tama, agai te agaba lotu weyu, agai homu wali pabo we bidi dabe ma sainu te sisi yalio. Tama agai da ma selama, tama aga digi da dali dago tǫde bidaibao.

1 Korin 1:31

Tama tibaso, te dago te Godigo po bukude elalubo po me deli tiwai inao. Tede e tiwai po wai dao, “Bidi me deligo te nogi ugwaba sabo po wabo homu eyu da, teda agai dago Genuai Bidigo nogi naga ugwaba sao,” te po asęani.

Dwagi Yai Gesi Po Lukgo Asęani 2:10

Tiali goli “Wi egio,” enselgo te po wali. “Ena dage pageba dwagi yai po sela sobao, te we bidigo te po odama, bugai homu mu emainu ebao.

Jeremaia 2:11

Te hani bagego augwa god te god mu menio. Tiali goli, te hanigo augwa te god hasegelama, te gesi god wali me pabeo. Ena God, eno te genuai nogi dali bomo dali si elalubao, tiali goli dage we bidigo te ena hasegelama, te dage tau sisą yabo dwai god dabe wali pidubo dao.

Aisaia 11:10

Tama te sogo Genuai Bidigo gesi tuni bidi me sa muaibao, te Jesigo hani bidi me deli dao. Agai te tigidali we bidi deliba ma sisinabo dąį tiwai bidaibao. Augwali te tigidali tǫ pedai kantri tedu augwali agaba asaibao, te Israel hani isąwai bage. Tama agai hanu da, genuai nogi mu elaluaibao.

Aisaia 49:9

Te eno te kalabuside bidibo, me be hulia side bidibo bidi dabeba te tiwai po weyu, ‘Asao,’ po waibao. ‘Dage te kalabus tagalama, olo mu bidaibao,’” te po wali. “Tama augwa te kalabus tagalama, augwa tǫba ma asaibao. Te augwali sunumidu pebelayu, me bulu dudu pabode, te augwa tubo nai hauwa elalueibao.

Aisaia 51:4

“Dage eno we bidi dabe, eno po odao. Eno te wiegi yai bugagia bidabo kolesaga te tigidali hani we bidiba ola mayu, te eno te po tų dodolobo doloba pai kolesaga te tigidali bulu tǫ kantride ula tiwai elalueibao wai dao.

Dwagi Yai Gesi Po Lukgo Asęani 2:31

Nago te tigidali tǫde bidibo we bidi gesabidide sisi ela muai dao.