Dwagi Yai Gesi Po Lukgo Asęani 2:17 - Godigo dwagi yai po buku

¹⁷ Sulama da, te waide augwaligo odali po dabe te bidi Josep dali Maria dali augwali sibolo te po dabe pusa mani.

Dwagi Yai Gesi Po Lukgo Asęani 2:17 Referans Kwoze

Dwagi Yai Gesi Po Lukgo Asęani 8:39

Tiali goli, Jisasgo te bidi ma geliyu, te po wali, “Nage ma geasa pelama, Godigo nagebolo yali sę po naga pesageba pupusu biligi pao.” Tama te bidigo te be nanide bidibo we bidi tigidalibolo Jisasgo agade yali sę po pupusu bilama, siminani.

Godigo Nogi Ugwaba Sabo Tęąbi Po Wabo Buku Dabe 66:16

Dage te God dologode bidibo we bidi dabe, dage aselama, te eno po odagasiąo. Te eno dagebolo te tigidali sę po te Godigo ena tau selama, yali sę po waibao.

Dwagi Yai Gesi Po Lukgo Asęani 2:38

Te sogo me aga pąba aselama, Godibolo “Nage usu dao” wai dao, Godigo te wai mawai baso. Te Godigo Jerusalem bage ma sai hagede tonalubo we bidi dabebolo te ogwa wai bidibo po pusa mani, te mosi we Anago.

Malakai 3:16

Nosali te Genuai Bidi dologode bidama agai po odali we bidi dabe, augwa haside digi po miani, tama Genuai Bidigo augwaligo mibo po odalio. Tama Genuai Bidigo te po wai, tama te dagalude augwaligo te we bidigo nogi asęai elalubo buku me deli nigali, tede te Genuai Bidi dologode elalu, te agaba homu begi pai we bidi dabego nogi elaluali.

Dwagi Yai Gesi Po Lukgo Asęani 2:16

Tama augwali polo pali. Gege pelama, Maria me Josep dali augwali si suali, te wai bǫų me bulmakaugo tubo nai halobage tomode pila mubo suali.

Dwagi Yai Gesi Po Lukgo Asęani 2:18

Tigidali we bidigo te sipsip tonalubo bidi dabego wali pode noma mu salio.