Dwagi Yai Gesi Po Lukgo Asęani 2:15 - Godigo dwagi yai po buku

¹⁵ Te ensel dabe dagaluba ma pebelawaide, te sipsip tonalubo bagego te po wali, “Da Betlehemba pelama, megi Genuai Bidigo dabolo wali po page sugi pebelawaibao,” wali.

Dwagi Yai Gesi Po Lukgo Asęani 2:15 Referans Kwoze

1 Pita 3:22

Tama te Jisas Krais aga te gų pagede ma hodolama, tama Godigo dagalude bidibo madiba sabolama tama genuai nogi sobaso, aga te Godigo dolo nogo badu megi bidibao. Tama aga tede bidiyu, tama ensel mobo bidi dabe tigidali dali, te noma bidi tuni bidi dabe dali, te bomo yai noma bidi dabe dali, augwali tigidali Krais aga dologode bidibo dao.

Godigo Nogi Ugwaba Sabo Tęąbi Po Wabo Buku Dabe 111:2

Genuai Bidigo te polalubo sę dabe mu ebo dao. Te we bidi dabego te Genuai Bidigo ebo sę te wei mu yali, augwaligo te sę dabe te bugagia koneainu homu yalio.

Dwagi Yai Gesi Po Lukgo Asęani 24:51

Tama agai te bidi dabebolo te po madubadi, tama Jisasgo augwali taga pai, tama Godigo Jisas dagaluba sela holai.

Te Israel me Juda Hani Sigo Tuni Bidigo Po Elalubo Buku Si 2:11

Tama augwali si te po mimi pabo sę ela peyu pali, tibadi yaide, polo tama te isi bogoli te bidi si tomo agebelede isi bogoli pedalali. Te isi tomode augwali sigo tonobadi yaide, te kibu hosgo te ni namego sai yai madigi bidi dugabo karis kegasa asobo suai. Awe, tama tialima, te pobege ebo waligo te bidi Elaija te dagaluba selasa holali.

Te Israel me Juda Hani Sigo Tuni Bidigo Po Elalubo Buku Si 2:1

Genuai Bidi Godigo homugo te Elaija deli sogo te pobege ebo waligo dagaluba selasa holaiba homu yali. Tama te sę pedalabo elalubadi yaide, te Elaija dali, te Elisa dali, augwali sabi name si te Gilgal bulu tagalama pai.

Ma Dobola Sali 3:3

Tama Moses aga homu hauwa eyu, te po wali, “Te gasagi yai nai mu dao. Tama magi baso mu siago te ni dolobewe? Te ena pąba pelama, te sia dabo nai sugi paibao,” wali.

Matyu 12:42

Tama polobadu bidali te genuai bidi nogi Solomongo wabo wiegi yai kolesaga ebo po odai hagede, digibulu bulude bidiyu genuai bulu tonalubo we asai dao. Tiali goli Solomon aiyaba elalubo bidi me deli pedelama, tama megi dage tomode bidibao. Tama dagego agai po odisąbaso, te Godigo te we bidi po tų ebo sogo te digibulu bulude asali genuai wego ‘Dagego te dwai sę yai dao’ po waibao,” Jisasgo te po wai.

Dwagi Yai Gesi Po Lukgo Asęani 2:14

“God agai nogi ugwanu mu kegenanao. Tǫde bidibo we bidi homu tegaluama, bidiąo. Augwalibolo Godigo dwagi yai homu ebao,” te ensel dabego te po wali.

Dwagi Yai Gesi Po Lukgo Asęani 2:16

Tama augwali polo pali. Gege pelama, Maria me Josep dali augwali si suali, te wai bǫų me bulmakaugo tubo nai halobage tomode pila mubo suali.