Dwagi Yai Gesi Po Lukgo Asęani 2:10 - Godigo dwagi yai po buku

¹⁰ Tiali goli “Wi egio,” enselgo te po wali. “Ena dage pageba dwagi yai po sela sobao, te we bidigo te po odama, bugai homu mu emainu ebao.

Dwagi Yai Gesi Po Lukgo Asęani 2:10 Referans Kwoze

Aisaia 40:9

Jerusalem, nage te genuai bulu duba holama, te bulude po pusao. Saion, nago bomonama, i hai weyu, te bulude po pusao. Nago po hanilama pusao, nage wi me igio. Nago te tiwai po te Juda dabego taunba walao, “Suao, te duga God asobao,” po wao.

Aisaia 61:1

Tigidali Bomo Elalubo Godigo Mobo Noma Bidi enaba bidagasali, magi baso meni, Genuai Bidi aga digi eno toboluba wel gelali, te ena dąį sa muyu, te aga wiegi yai po te magi doado bage meni yai bidi dabe selasa pomainu yai. Te agai ena tagala palali, te haliga sęgę genuai elalubo bidi dabego sęgę silimainu yai, te kalabuside bidibo bidi dabeba po pusu, te augwa kalabus tagalama, olo pao po omainogo yai.

Aisaia 52:7

Te we bidi augwaligo bidi me deli te bulu du pesagedu udada asobo sulama, te wiegi yai pemene mu yaibao, te wiegi yai po Jerusalemba selasa asali. Agai te tiwai po waibao, “Saion, te wiegi yai sogo pedelalio. Godigo te boi bidi dabe aiyaba elaluama, te agai nage bugagia bidimainu ilalio. Megi da, nago Godigo te tigidali nai tonalubo dao,” agai te po waibao.

Matyu 28:18

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Tigidali Nai Gagalama Nigali Side 12:3

Te nage dali wiegi yai kolesaga ebo bidi dabe, augwalibolo te eno wiegi yai mobo augwaliba mayu yaibao. Te ena digi te nago nogi aiyaba muabo dwai po wabo bidi dabe te eno augwalide te dolabo po mu waibao. Tama tigidali tǫde bidalubo bidi hani dabe te nago hanide naga te wiegi yai mobo augwaligo saibao,” Yawego Abrambolo te po wai.

Matyu 14:27

Tialima polo Jisasgo te po augwalibolo wali, “Dagego homu kęna sao. Te ena dao. Dage wi egimio.”

Dwagi Yai Gesi Po Lukgo Asęani 1:30

Tama te ensel bidigo Mariabolo “Nage wi egio,” te po wali. “Godigo nage dali dwagi yai homu ebao.

Aisaia 41:27

Ena, Genuai Bidigo naga eno te bulu du Saionba weyu, te nai pedelaibao wai. Tama megi da, suiąo, te nai dabe pedelalio. Te megi me, eno te bidi me deli tagala palama, te Jerusalemba wiegi yai po sela pomainu yai dao.”

Kolosi 1:23

Tialima dage, dagego bomo elama, te Godigo gesi dwagi yai pode homu kęą pai we bidi bidiyu tama dolaluao. Te bugagia sę yai be aga tǫba tuluali ni tigi augwali te tǫde mu dąų obaso, te be peme egobeo. Te tiwai me dagego duga homu agai pode kęą pai we bidi bidao. Dagego polobadu te po odoyu, tama te Godigo dagebolo nosali maiabo naide dagego dwagi yai homu eyu tonalubo gagalali. Megi dage te tonalubo kolesaga tagaligio. Te gesi dwagi yai po augwaligo tigidali tǫde we bidibolo pusigi pai dao, tama ena Pol, ena te gesi dwagi yai po pusubo sę ebo bidi pedalai dao.

Godigo Sęba Tagala Palai Bidigo Po 13:32

“Tama dadi si me dage pageba sabolama, te Godigo dwagi yai gesi po dagebolo pusa mobao. Tama te bomo yai po Godigo polobadu dago wąįbolo walai po dao. Tama megi te po augwaligo wai puluba da pagede mu pedalalio, da tau somainu yai. God agai Jisas gų pagede ma hodolai dao. Polobadu bidi me deligo te Godide dwagi yai homu eyu wabo tęąbi buku yabe side te po asęani, ‘Godigo te po wai, “Nage eno ogwa mu dao. Tama megi nage eno ogwa mu nigilai dao.” ’

Dwagi Yai Gesi Po Lukgo Asęani 24:47

tama hodaluama, tama aga nogigo bomogo aga sę ebo bidi dabe augwaligo agai po tigidali bidi hanibolo ola mawaibao, te we bidi augwaligo homu begelemainogo yaibao. Augwaligo homu begelama, tama Godigo augwaligo yali dwai dwai sę sela sąwaibao. Te Godigo sa muani bidi agai sę ebo bidi dabego te tobage po tigidali bidi hanibolo wagi paibao, te sę augwaligo Jerusalem bulude gagalaibao.’

Dwagi Yai Gesi Po Lukgo Asęani 8:1

Te tiali magede, Jisasgo Godigo we bidi tonalubo dwagi yai po pupusu biligibu genuai be nani dabe dali, dwasianu be nani dabeba pali. Aga dali bilibo nogo si olama, sągą si peda sigisu tama bidi dabe aga dali pali.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

Dwagi Yai Gesi Po Lukgo Asęani 1:19

Tama ensel bidigo te po wei ponoyu te po wai, “Ena nogi Gebriel dao. Ena God gesabidide dolalubo dao. God aga digi ena tagala palama, nagebolo dwagi yai po pusigi pa tobo obaso, nagebolo te po pusagasiyu te obao.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Dwagi Yai Gesi Po Lukgo Asęani 1:13

Tiali goli, te enselgo agabolo te po wali, “Sekaraia, nage wi tagalao. Te Godigo nago agabolo hanalu wali po odalio. Naga we Elisabetgo nago ogwa me deli ame naibao.

Dwagi Yai Gesi Po Makgo Asęani 1:15

“Te megi da, te bodolu sogo mu pedalubao. Te Godigo te we bidi mu tonalubo sogo pąba yagasalio. Tama tibaso, dagego duga yali dwai sęde ge neyu, tama homu begelama, tama duga homu te gesi dwagi yai poba begi pao,” Jisasgo te we bidi dabebolo te po pususu bilai dao.

Aisaia 49:6

“Hasiabolo eno nageba te boi bidi dabego ela musiąwai Jekopgo hani dabe ma hodolabo sę mawai. Eno te Israel bage meba hagea sai dao, tama eno nageba te augwali sisinama, enaba odasa asabo sę mawai dao. Tialima, te sę ebogo te nago bomogo dęą me sogobeo. Eno te gasa sę me mawaibao. Eno nage te Israel hani isąwai we bidi hani tigidaligo sole ula tiwai nigaibao. Awe, nago te eno te tigidali bulu tǫ habu we bidi ma dobola sabo sę yaibao,” te po wali.

Polgo Po Pas Rom Dabeba Asęani 10:15

Tama Godigo te po pusabo bidi augwali me tagala palisiąwani da, magi ilama augwaligo te po pusigi pogowe?” Bidi mego enabolo te tobage po obaso da, teda eno te po wei ponoyu, e po waibao, “Woo, te Juda dabe augwaligo Kraisde te po odali dao, te Godigo po bukude elalubo po me deli tiwai, te po e dao, ‘Te wiegi yai gesi po sesebo bidi dabe augwali asobo te homu dwagi yai ilibo sę mu dao,’ te po asęani,” eno te po waibao.

Dwagi Yai Gesi Po Makgo Asęani 16:15

Tama agai po augwaliba weyu, te po wai, “Dage te tigidali tǫ habu pedaiba pelama, tama te enade gesi wiegi yai po te tigidali we bidiba pusa mao.

Matyu 28:5

Tiali goli te mobo bidi enselgo te we sibolo te po wai, “Dage si wi tagalao. Eno koneani, dage sigo Jisas gegagasu asali, te bidi augwaligo te ni pedaide walali bidi dao.

Daniel 10:19

Tama agai enabolo te tiwai po wai, “Godigo nage godolo mu ebaso, tama nago haliga nagame igulama bidao, tama nage wi me igio. Nage bomo elama, dolaluao,” wali. Agai po ola siminama, tama eno bomo genuaiba mu eyu, te agabolo te po wali, “Genuai bidi, megi nago enaba te nai dabede po wao, magi baso meni, nago ena bomo ilali dao.”

Aisaia 52:10

Genuai Bidigo agai bomo hania ola mayu, te tigidali tǫ kantrigo sumainu yaibao. Dago Godigo te aga we bidi dabe ma saibao, tama te tigidali tǫde we bidigo sueibao.

Dwagi Yai Gesi Po Lukgo Asęani 2:11

Megi pio hulide Devitgo hanude wai me tega pai dao, te agai dage ma dobola saibao, aga te we bidi tau somainu sa muani Genuai Bidi dao.