Dwagi Yai Gesi Po Lukgo Asęani 19:8 - Godigo dwagi yai po buku

⁸ Tama Sakius doligulama, agai te Genuai Bidi Jisasbolo te po wai, “Genuai Bidi, suao. Eno masigi dabe, doado bage tigidali si bugwaibao. Si bugulama, nai meni yai we bidi dobawaibao. Tama bidi mebolo eno ili po olama, agai nai wi sali da, tama megi te nai eno me si me si elama, wei ponaibao,” wali.

Dwagi Yai Gesi Po Lukgo Asęani 19:8 Referans Kwoze

2 Samuel 12:6

Tama agai te magi nai doado bage meni yai bidibolo te sipsip me si me si te wei ponao wagi dao, magi baso meni, agai dwai kolesaga mu elama, tama te bidide homu dene dwasianu me ebeo,” wali.

Israel Hanigo Namba 5:7

teda agai aga yali dwai kolesaga wei ponoyu abelemainao, te sęgę sela sąmainu yao. E tama tiwai yao. Agai te aga abagigo te 5 kina wi sobaso da, teda agai te 5 kina ma wei ponoyu, tama me wan kina me manao.

Bugagia Bidibo Kolesagade Po Asęai Buku 6:31

Tiali digi, augwaligo agai te yali sę augwaligo te pepeli deliba hanilani da, teda augwaligo aga te po tų ilama, tama agai te nai hauwa mu wei ponomainu yaibao, te aga bede elaluali doado bage te tigidali te mu siliboba usu naibao.

Dwagi Yai Gesi Po Lukgo Asęani 12:33

Duga munalubo nai dabe tigidali gasa bidibolo menama, mone ge selama, nai meni yai we bidibolo maiąo. Dagego tama tiyu da, ta duga wiegi yai nai dabe dagalude muiąo. Tama tede te nai me dologobeo, bidi mego wi sogobeo, mano dabego me tugobeo.

Dwagi Yai Gesi Po Lukgo Asęani 16:9

Te po olama, Jisasgo po me maneyu, te po wali, “Te eno dagebolo e po obao, te sibage me doado bage me, me sogo te naigo we bidi te dwai kolesaga tomoba kekebo dao. Tiali goli, duga doado bagego we bidi bugagia tau siyu, abagi hauwa nigiliyu, bidao. Tama te tiwai elama, tama nosali te doado bage sia sobaso da, Godigo dage pageyu, ‘Eno bidibo madi tomoba asia,’ waibao.

1 Samuel 12:3

Dagego eno kolesaga bugagia koneani. Tiali goli, eno dwai sę me deli dageba yaibaso da, teda dagego megi ena te Genuai Bidigo gedude, me te agai sa muani king bidi gedude, te ena po tų iliąo. Te eno bidi me deligo bulmakau me donki te sai dawe? Ma, eno te bidi me deli tibo po ola mayu, tama agai doado bage me wi sai dawe? Ma, eno bidi me delide dwai sę ilaliwe? Te bidi me deligo enabolo te po tų ebo te homu bega sabo po weyu, mone mawai dawe? Eno te tiwai sę me deli yaibaso da, teda megi dagego enabolo te po obaso, tama eno te sę wei ponoyu, tama dodolaibao,” te po wai.

Dwagi Yai Gesi Po Lukgo Asęani 11:41

Tiali goli, te duga munalubo pou dabe, kap dabe tomode munalubo nai dabe te nai meni yai bidi dabebolo menama, dagego te tiwai kolesaga eyu da, te dage magi dwai meda meni yai wiegi yai mu ma yaibao.

Dwagi Yai Gesi Po Lukgo Asęani 7:13

Tama Genuai Bidigo te wilawe we sulama, moni hobede mu eyu, “Gela wagio” wali.

Godigo Nogi Ugwaba Sabo Tęąbi Po Wabo Buku Dabe 41:1

Bidigo te magi doado bage meni yai bidiba homu kone palama, tama augwali tau sabo bidi da, te bidigo homu wiegi yai pemene yao. Te sęgę agaba pedalubo sogode, te Genuai Bidigo aga tau saibao.

Ma Dobola Sali 20:16

“Nago tibo po olama, tama gasa we bidi olo po tų ela magio.”

Esekiel 33:15

teda aga munu me isigobeo. Tialima, te bidi agai te bidi me delibolo agai te negeli yali te tonalubo nai ma wei mobaso, o agai wi sali nai ma wei ponobaso, me agai eno tigidali bomai po wali pelama, tama agai dwai kolesaga isąma eyu da, teda te bidi munu me isigobeo. Menio. Aga bugagia mu bidaibao.

Dwagi Yai Gesi Po Lukgo Asęani 7:19

Tama Jon aga wali bilibo bidi si i wali. Tama te bidi sibolo “Genuai Bidibolo hanalugi pao,” wali, “‘Nage Jongo te nosali asaibao wali bidi dawe, ma gasa bidi me asobo dago tonaluaibawe?’” Jongo tama Jisasbolo wao po wali.

Dwagi Yai Gesi Po Lukgo Asęani 19:7

Te we bidi augwaligo te sulama, tama hagelabo po weyu, te po wali, “Jisas te dwai sę ebo bidigo beba nai tugi pali.”