Dwagi Yai Gesi Po Lukgo Asęani 19:41 - Godigo dwagi yai po buku

⁴¹ Te Jisas te Jerusalem moni be nani pąba asiyu, te be nani suyu, agai te be nanide bidibo we bidide homu dene eyu, gela wali.

Dwagi Yai Gesi Po Lukgo Asęani 19:41 Referans Kwoze

Dwagi Yai Gesi Po Jongo Asęani 11:35

Jisas gela wai.

Jeremaia 17:16

Genuai Bidi, nago enabolo naga te we bidi hani tonalubo sę mawai, tama eno te sę me tagalobeo. Te nago koneai, eno te dwai sę te we bidi dabeba tagala palao po olama, me wabeo. Eno pusubo po tigidali nago bugagia konebo dao.

Godigo Nogi Ugwaba Sabo Tęąbi Po Wabo Buku Dabe 119:158

Te bidi dabego konealubo homu dąų wali te eno suali sela sąbaso, te eno augwaliba wado po wabo dao, magi baso meni, augwaligo nago po wali pisąbaso tebo dao.

Godigo Nogi Ugwaba Sabo Tęąbi Po Wabo Buku Dabe 119:136

Eno gela hauwa weyu, tama eno gedu ąį gela gigua umagi mu yaibao, magi baso meni, te bidi dabe augwaligo nago bomo yai po wali pisąbaso, te ena gela wabo dao.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Jeremaia 9:1

Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.

Godigo Nogi Ugwaba Sabo Tęąbi Po Wabo Buku Dabe 119:53

Eno suali, dwai bidi dabego nago dwagi yai po bolai, tama eno augwali dali wado po wabo dao.

Hosea 11:8

“Dage Israel, te eno dage tagalu da me egobeo,” wali, “te ena dagede wi me pogobeo. Tama eno dage te bulu Atma me Seboim, te bulu si bidi hani mu silali tiwai gilama da me tegobeo,” wai. “Eno dage tigidali mu doloyu da me egobeo, magi baso meni, eno dage godolo homu mu ebo dao,” wali.

Te Israel me Juda Hani Sigo Tuni Bidigo Po Elalubo Buku Si 8:11

Elisago te po tama ola silama, tama agai te Hasael aga bomo mu elama, gedugo tonaluai, tama tibaso, te Hasael aga te moni homu sęgę mu eyu bididubaso, tama Elisa gela mu wali.

Aisaia 22:4

Tama tibaso, eno dagebolo te walobao. Dagego eno haliga nagame elama bidimainu igimio. Dagego enaduba deli naga bidimainu tagalao. Magi baso meni. Eno we bidi mu dolai baso, ena homu sęgę elama, ena gela weyu ebao.

Aisaia 28:21

Genuai Bidi aga bomo dali hogodasa asaibao, te agai polobadu te bulu du Perasimde, me te Gibeongo odogo malu bulude yali tiwai yaibao. Tama agai yainu yali sę agai yaibao. Tiali goli, dagego te sę ebo sulama, tama dagego te gasagi yai mu da, te homu yaibao.

Dwagi Yai Gesi Po Lukgo Asęani 19:42

Agai te po wali, “Ena wali asobo we bidi dabe augwaligo te boi pibo sunumi konebao. Megi eno homugo boi pibo te page Jerusalem bage dagego megi koneaibao. Tiali goli, te page God agai geme dualali, dagego sube.