Dwagi Yai Gesi Po Lukgo Asęani 19:36 - Godigo dwagi yai po buku

³⁶ Tama Jisas te tiwai pobadi, te we bidi aga soabo sunumi au iliyu, augwa holobo ugwa dabe te pabo gesabi badu tųde dodolama, muani. Magi basowe? Genuai bidi asobaso tama muani.

Dwagi Yai Gesi Po Lukgo Asęani 19:36 Referans Kwoze

Te Israel me Juda Hani Sigo Tuni Bidigo Po Elalubo Buku Si 9:13

Te ofisa bagego te po odobo si, polo tama augwaligo te bobobage bulubo ugwa dia sasa pelama, tama augwaligo te be togobiliba hagalu pai, tama te Jehu te be togobili ugwa badu mu dolalugi ulali. Tama augwaligo te bu wabo nai biugel selama, te bu weyu, te i weyu, te po wai, “Te Jehu te king nigalio,” po wai.

Matyu 21:8

Tama aga pobadi we bidi hauwa augwaligo augwa gudubo bobobage ugwa dabe te tųde wawa sili pelama, muna muna pai. Tama bidi meba augwaligo yabe elalubo ni nologo togolama, tųde muna muna pai. Genuai bidi asobao homu eyu tama tiwai.

Dwagi Yai Gesi Po Lukgo Asęani 19:35

Tama augwali sigo te kibu donki wai Jisas magasali. Augwa holobo ugwa dabe dilama, donki wai tudide pasugulali. Tama munama, augwaligo Jisas tau selama, te tudide dualai.

Dwagi Yai Gesi Po Lukgo Asęani 19:37

Te Jisas te Jerusalem be nani pąba sabolali, te bulu du nogi Oliv a odogoba pabo gagalali. Tama teba pobadi, aga wali asobo we bidi hauwa mu tigidali augwali dwagi yai homu mu eyu, bomonama i weyu, Godigo nogi ugwaba siyu yali. Augwaligo Jisasgo polobadu yali bomai sę subaso, Godigo nogi ugwaba sali.