Dwagi Yai Gesi Po Lukgo Asęani 18:39 - Godigo dwagi yai po buku

³⁹ Te polalubo bidi dabe augwaligo agabolo “Te po tagalao, sagia sao,” wali. Tiali goli, agai bomonama ma i wali, “Devitgo Ogwa, enade homu dene eyu, tau mao.”

Dwagi Yai Gesi Po Lukgo Asęani 18:39 Referans Kwoze

Godigo Nogi Ugwaba Sabo Tęąbi Po Wabo Buku Dabe 141:1

Genuai Bidi, megi eno nageba gedu haluasa po obao. Eno homugo nago ena polo tama tau somainu homu ebao. Eno nageba i obao, tama eno homugo nago eno gedu haluasa po odomainu homu ebo dao.

Dwagi Yai Gesi Po Lukgo Asęani 18:15

Te we bidi augwa wai puluba Jisas pageba magasali. Augwaligo agabolo te po wai hagede, ‘Nago nogo e wai puluba tobolude munama, bugagia bidabo po wao.’ Tiali goli, te Jisas wali pabo bagego te wai puluba dabe sela asobo sulama, tama te we bidibolo “Te sę ebo tagalao” po wali.

2 Korin 12:8

Sela sogo eno dago Genuai Bidibolo hanaluyu po wali, te dene mabo nai agai enade sela sąmainogo yai.

Dwagi Yai Gesi Po Lukgo Asęani 19:39

Te we bidi tomode te Farisi bidi dabe me badu bidali. Tama augwaligo Jisasbolo te po wali, “Po ola mabo bidi, te nage wali asobo bidi dabebolo ‘Te po tagalama, sagia sao’ wao,” wali.

Dwagi Yai Gesi Po Lukgo Asęani 18:38

Te gedu widai bidigo i wali, “Jisas, te polobadu nogi yai bidi Devitgo Ogwa. Nage enade homu dene eyu, tau mao,” wali.

Dwagi Yai Gesi Po Lukgo Asęani 18:1

Te Jisasgo aga wali asobo we bidibolo po begelai po me pusali. “Dagego sesemane sogo Godibolo gedu haluasa po weyu, nono meniama, tagalidali weyu, eno e po begelai po dagebolo pusubao,” wali.

Dwagi Yai Gesi Po Lukgo Asęani 11:52

Dage bomo yai po ola mabo bidi dabego te mu po dualigi menigi sogo da, teda te we bidigo bugagia konegi da. Tiali goli, dagego te po dualali. Dagego te po bugagia odisąwai, gasa we bidigo odainu sinabadi yaide, dagego augwali togolaliao,” Jisasgo te po wali.

Dwagi Yai Gesi Po Lukgo Asęani 8:49

Jisasgo te po odubadi yaide, genuai bidi Jairusgo bedu tolai po wagasobo bidi asali. Te po sesali bidi agai Jairusbolo te po weyu,” Nago wegi isai dao,” wali. “Te po ola mabo bidi aga asao po ma wagio,” wali.

Matyu 7:7

“Te dagego gedu haluasa po Godiba hanalu da, teda agai dagego te hanalubo nai te dageba mawaibao. Dagego te nai gegebo sę idu da, teda te nai dagego sueibao. Tama dagego be tuba eliyu bebego wedu da, teda Godigo dagebolo te tų dalaibao.

Matyu 8:26

Tama agai augwalibolo te po wali, “Magi baso dage wi ebawe? Dagego homugo enade konealu po dąų wabo te dwasianu naga dao.” Tama aga hodaluama, te wali dali te moni wę dini te sia sao po wai. Tama te wali yali sia siyu, tama te wę memenege dwasianu me ebeo.

Matyu 9:27

Te Jisasgo te be tagalama pai. Tama aga pobadi te gedu widai bidi si aga wali asiyu, i olama po weyu, te po wai, “Nage Devitgo Ogwa dao, tama nago da si homu dene eyu tau sao.” Te po wai.

Dwagi Yai Gesi Po Lukgo Asęani 18:40

Tama tibaso, Jisas bilibo tagalali. “Te gedu widai bidi nogo tolasa asao,” wali. Tama te gedu widai bidi Jisas pąba asama, tama Jisasgo hanalu wali, “Nage eno magi sę emainuwe?”