Dwagi Yai Gesi Po Lukgo Asęani 18:32 - Godigo dwagi yai po buku

³² Te Juda dabe augwaligo ena te Juda hani isąwai bagego nogoba mawaibao. Tama menama, te Juda hani isąwai bagego enabolo usu saibao, dwai po weyu, ena tigiba pesa sąwaibao.

Dwagi Yai Gesi Po Lukgo Asęani 18:32 Referans Kwoze

Dwagi Yai Gesi Po Lukgo Asęani 23:11

Tama Herot dali, aga enesigi bidi dabe dali, augwaligo Jisas dali dwai dwai haniani po olama, Jisas mu dolai. Augwaligo dwagi yai ugwa selama, Jisasbolo sabili mubo ąǫ yai. Tama te tiwai elama, augwaligo gisugu wai. Tama elama, Herot agai “Jisas te kiap tuni bidi Pailatba ma odasa pao,” te po wai, tama augwaligo aga odasa pai.

Aisaia 53:3

Te bidi dabego aga tudi ola menama, te aga begela dolama, te aga godolo mu me isąwai. Sesemane sogo agade te homu dene me haniani sęgę pągąnaluali. Augwaligo aga tudiba mu muanio. Te dago aga te olo bidi me tonobo tiwai yai dao.”

Aisaia 50:6

Ena te bidi dabego keloago tudide elama, eno penane nisi gudumainu yalio. Te augwaligo enaba dwai posobo po weyu, eno gesabidiba pesą sąyu yali, eno ena gesabidi te augwaliba dualubeo.

Godigo Sęba Tagala Palai Bidigo Po 3:13

Dena wąį mu Abraham dede, Aisak dede, Jekop dede polobadu augwaligo koneama, Godibolo lotu po wabo page wai. Tama te Godigo agai ogwa Jisasgo nogi da ola mawai dao, te aga bomo me. Aga da, te da tau sabo bidi dao. Tiali goli, dagego polobadu Jisas te gavman genuai bidi teba odasa pai. Dagego aga po tų elama, te kiap bidi nogi Pailat agai Jisas olo tagalai homu yai.

Dwagi Yai Gesi Po Makgo Asęani 14:65

Megi da augwali mebago gagalama, te aga pesa sąyu yai. Tama augwaligo te nami ugwa pedaigo te aga gedu paniama, tama augwaligo aga elama, tama augwaligo te po wai, “Nago te haniani sęde koneai profet bidi tiwai eyu tama po wao. Dego nage elaliwe?” Tama te ami bidi dabego aga selama, tama aga subigila dodolama elali.

Matyu 26:67

Tama megi da augwaligo pesa Jisas gesabiba sąwani, tama augwaligo nogo sugunama aga elali, tama mebago nogo kalago aga elama,

Matyu 16:21

Tama te sogo, te Pitago nage Krais dao po wali sogo, te sogo Jisasgo gagalama, aga wali pabo bidi dabebolo te po haninama ola mawai, “Te mu tama, ena te moni hanu Jerusalemba paibao. Tama pelama, tama tede nosali te Juda dabe genuai bidi dabego me, te pris tobolu bidi dabego me, te Juda dabego bomo yai po page ola mabo bidi dabego me, te augwaligo ena dene genuai mu mawaibao. Augwaligo ena isilama, tama nosali te sela sogo wabo side ena ma hodalueibao,” Jisasgo te po wai.

Maika 5:1

Dage Jerusalem dabe, hodaluao, te tigidali ami selama, sisinagasao. Te boi bidi dabego da bagua salio. Augwaligo te Israel tuni bidi nabogede te donogo eliyu, aga te genuai hale ebo ilaibao.

Aisaia 52:14

Polobadu te bidi dabego dwai sę mu agaba yali, te aga tigi me gesabidi te dwai mu tonani, te aga bidi tigi tonobo tiwai me ebeo. Te we bidigo aga subo, wi yai dao.

Godigo Sęba Tagala Palai Bidigo Po 2:23

Tama Godigo polobadu mu koneama tiaibao homu elama, agaduba homugo po polo dąų waluyu homude tiwai, te Jisas augwaligo dagego nogode muaibao. Tama dagego dwai bidi dabego Jisas elemainu ola mobaso, tama augwaligo aga ela muani.

Dwagi Yai Gesi Po Jongo Asęani 18:35

Pailatgo Jisasgo po wei ponoyu te wai, “Ena da Juda bidi dawe? Mu menio. Naga hani dali, te pris tuni bidi dabe dali, augwaligo nage ena bidibo digi sela asai dao. Tama nago magi sę yaliwe?” te Pailatgo Jisas dali te po wai.

Dwagi Yai Gesi Po Jongo Asęani 18:30

Tama augwaligo aga dali po wei ponoyu, te po wai, “Te bidi dwai kolesaga isąwai bidi tigi sogo da, te dago nage bidibo digi sela asigi menio,” augwali Juda bidigo te gavman tuni bidi dali te po wai.

Dwagi Yai Gesi Po Jongo Asęani 18:22

Tama Jisas agai te po tama obadi yaide, enesigi bidi me deli Jisas pąde dolaluali bidi, te enesigi bidi agai Jisas nogo sawaligo Jisas nabo gede eleyu, te po wai, “Nago te tobage po te pris tuni bidi dali wei ponoyu obawe? Te dwali,” te po wai.

Dwagi Yai Gesi Po Lukgo Asęani 23:35

Tama te Juda we bidi augwali dololaluyu, tigidali sę tonolaluyu bidai. Te tobolu bidi dabego Jisas dali dwai po haniani wai, “Jisasgo gasa bidi dabe naga tau salio. Aga Godigo mu sa muyu asaiba wali te bidi Krais mu da wida, te Jisas aga digi ma tau sao,” te tobolu bidi dabego te po Jisas dali wai.

Dwagi Yai Gesi Po Lukgo Asęani 23:1

Te genuai bidi dabe augwali tigidali hodalu, te po wai, “Jisas te kiap tuni bidi bidibo madi selasa pao,” wai. Te gavman tuni bidi nogi Pailat dao.

Matyu 27:2

Augwaligo aga te aligabo bonogo kęnama, tama augwaligo aga selama, te polalubo genuai gavman bidi Pontius Pailat bidibolo magi pai.

Dwagi Yai Gesi Po Jongo Asęani 18:28

Te be tama posobadi, tama augwaligo Jisas ma selama, te bidi Kaiafas agai be tagalama, tama augwaligo Jisas te gavman tuni bidigo beba sela pai. Tama te beba sabolama, tama te Juda bage augwali digi te gavman tuni bidigo be tomoba pabeo. Te gavman bidi te Juda hani isąwai bidi bidibaso, te Juda dabe aga be tomoba pabeo. Te habu selali bolidali weyu, tama augwali te be bulu badu bidali. Augwaligo te homu yai, te habu selali bolisiąbadi, dago te Pasova nai tueibao, te homu yai.

Dwagi Yai Gesi Po Makgo Asęani 15:1

Te kigamu mu te genuai pris dabe dali, te tobolu bidi dabe me, te bomai po page koneai bidi dabe me, te tigidali kaunsil dabe badi, te augwaligo po me deli miani. Tama augwaligo Jisas te bonogo nogo si dunama, tama augwaligo aga selama, tama aga te Rom gavman polalubo tuni bidi Pailat agabolo mawai dao.

Matyu 20:19

Tama augwaligo aga te Juda hani isąwai bidi dabe augwaliba mawaibao, te bagego agabolo te dwai usubo sę eyu, te posobo po weyu, tama aga bigo eliyu elama, tama aga ni pedaiba daganama, te neligo enama isaibao. Tama bidama, te sela wali sogode te aga ma hodaluaibao.” Jisasgo te po agade tiaibao olama te po wai.

Matyu 22:6

Te bidi dabe mebago te tuni bidigo tagala palali sę bidi pageabi elama, dene menama elama, tama augwali ela muai dao.

Dwagi Yai Gesi Po Lukgo Asęani 18:33

Augwaligo kibu wali bigo ena tudi badu elaibao. Tama augwaligo ena ela muaibao. Tiali goli, giliga sela sogo elama, ena ma hodaluaibao, bidaibao,” Jisasgo te po wali.

Dwagi Yai Gesi Po Jongo Asęani 18:32

Polobadu Jisasgo aga isabo sogode po me weyu, te po wai, “Juda hani isąwai bagego ena nide walama, tama ena isaibao.” Tama te po nai gilama walomainogo, megi te Juda bage augwaligo Jisas te Pailat pageba odasa aselama, tama te po wai.