Dwagi Yai Gesi Po Lukgo Asęani 17:8 - Godigo dwagi yai po buku

⁸ Me ma, nago agabolo te po waibao, ‘Eno tubo nai nogeao. Nai nogeama, tama tubo nai mabo ugwa gulama, tama eno nai ena magasu, tau siyu, tiao. Tama nosali naga nai tuagameo,’ te po waibao.

Gade chapit la Kopi

« Previous

tounen moute ⬆

Dwagi Yai Gesi Po Lukgo Asęani 12:37

Te genuai bidi asu suagasali, te sę ebo bidi dabe te godege pisąma, te gedu dila pai bomonama bididubadi yaide, augwa genuai bidigo suagasobaso da, teda te sę ebo bidi dabe da dwagi yai homu pemene mu yaibao. Eno dagebolo obe dao, te genuai bidi agai digi te sę ebo bidi dabego sę ebogia, aga ugwa haganama, te kukulu dąų walama, ‘Dage dua yao’ olama, tubo nai augwalibolo mawaibao.

Gade chapit la

Tigidali Nai Gagalama Nigali Side 43:16

Tama Josepgo te Benjamin augwali dali asobo suali, tama agai aga be tonalubo sę bidibolo wali, “Nago te bidi dabe beba odasa pao. Te bulmakau me deli elama, ulao. Te bidi dabe augwali te ena dali te giliga tomode belo wabode nai tueibao,” te po wai.

Gade chapit la

2 Samuel 12:20

Devitgo te po odolama, aga te be soiyame degedude pila muani hogodama, tama pelama, wę pagu pali. Tialima, aga tigi te denami ebo wel sandago au ilama, tama tobolu nisi yagago selama, tama gesi ugwa muani. Tama aga te Genuai Bidigo lotu beba pelama, tama Genuai Bidiba lotu po wali. Tama Devit te aga beba ma begasa asobo sogo, agai te aga nai ulubo bidi dabeba hanaluama, tama augwaligo te aga nai meba te pouba togolama, tama aga nai tuai dao.

Gade chapit la

Dwagi Yai Gesi Po Lukgo Asęani 17:7

Jisasgo te po me wali, “Dage tomode bidi me deli agai sę ebo bidi elaluyu, tama te sę ebo bidi agai te gi tǫ elebo sę ebo da, ma te kibu sipsip tonalubo dao. Tama te sę ebo bidi te sę silama, tama beba asobo si, nago agabolo ‘Naga nai polo tuao’ wabo dawe? Menio.

Gade chapit la