Dwagi Yai Gesi Po Lukgo Asęani 15:30 - Godigo dwagi yai po buku

³⁰ Tiwai goli, u bidi nago ogwanu, agai nago mani doado bage te penani sęde bilibo we dabede olo silama, bidali. Aga te dwai sę yali goli, aga eba ma asobo si, naga sa muani tuabo kibu kau wai ela mani, tumainu, nage dwagi yai homu ebaso,’ te gomunai bidigo te po wali.”

Dwagi Yai Gesi Po Lukgo Asęani 15:30 Referans Kwoze

Bugagia Bidibo Kolesagade Po Asęai Buku 29:3

Te wiegi yai homu kolesaga sainu homu ebo bidi, agai te aga aya wiegi yai homu pemene ilibao. Tiali goli, te penani we wali pabo bidi da, agai te aga mone tigidali besela sąna silaibao.

Dwagi Yai Gesi Po Lukgo Asęani 18:11

Tama te Farisi hani bidi doligulama, aga homu tomode te po wali, ‘O God, ena da te gasa bidi dabe tiwai meni baso, eno nagebolo nage usu dao obao. Gasa bage augwaligo doado bage pesa ebo dao. Augwaligo te gavmanigo bomo yai po sela sąbo dao. Augwaligo penani ebo dao. Ena da u takis sabo bidi tiwai meni baso, eno nagebolo nage usu dao obao.

Dwagi Yai Gesi Po Lukgo Asęani 15:32

Megi da dwagi yai homu eyu, tęąbi yabo si dao. Magi baso menio. E bidi nago amanu aga isigi pai tiwai yai yali, tama megi ma bidibao. Aga hagawai, tama megi eno ma suali,’ te ayago te po wali,” Jisasgo te po wai.

Ma Dobola Sali 32:11

Tiali goli, Mosesgo te Genuai Bidigo homu bea sainu, agai bomonama gedu haluasa po aga Genuai Bidi Godibolo e tiwai po wai, “Genuai Bidio, tiyu nago sębęgo naga we bidi augwali dolomainogo sula tagalamuo. Nago te we bidi augwali te Isipde te nago naga genuai bomogo digi te augwali selama, odasa asai dao.

Ma Dobola Sali 32:7

Tama Genuai Bidigo Mosesbolo te po wai, “Nage polo e bulu dude bidali tagalama, aba dulao. Te naga Isipde odasa asali we bidi dabe augwaligo dwai kolesaga hauwa megi ebao.

Dwagi Yai Gesi Po Makgo Asęani 12:44

Magi baso meni, te tigidali we bidi augwaligo te mone ge hauwa elalu, tama augwaligo meba naga te halobageba muani. Tiali goli te we aga te mu menia sai digi, tama agai aga mone tigidali te halobageba muani, tama aga nai me badu abela tuabo te mu meni dao,” Jisasgo te po wai.

Dwagi Yai Gesi Po Lukgo Asęani 15:29

Aga ayago ‘Nage asao’ wali goli, te gomunai bidigo aga ayabolo te po wei ponani, ‘Nage eno wabo po homugo suao. Kibu be hauwade eno nago sę yalio. Nago enabolo wali po eno sela sąbe, odalio. Ena tama tiali goli, ena dali, eno abagi dede da moni nai tumainu, nago kibu meme wai naga ena munu me mabe.

Dwagi Yai Gesi Po Lukgo Asęani 15:31

“Tama aga ayago te gomunai bidibolo te po wei ponai, ‘Eno ogwa, tigidali sogo nage ena dali bidibo dao. Eno doado bage tigidali nago nogode mawai dao.