Dwagi Yai Gesi Po Lukgo Asęani 15:23 - Godigo dwagi yai po buku

²³ Te sa muani kibu kau wai selama, elao. Da dwagi yai homu eyu, genuai nai tuinao,’ wali.

Dwagi Yai Gesi Po Lukgo Asęani 15:23 Referans Kwoze

Aisaia 25:6

Te bulu du Saionde, Tigidali Bomo Elalubo Genuai Bidigo geninama nai mu sisi yaibao. Te wiegi wiegi yai hasa dabe me, tuabo wain ąį dabe me elaluaibao. Tama tigidali bulu we bidi dabe te nai tuboba sisinagasaibao.

Godigo Nogi Ugwaba Sabo Tęąbi Po Wabo Buku Dabe 63:5

Te eno homu ogwa wai mobo te wiegi yai mu elalubao, te bidigo wiegi yai nai dabe tulama, tama te usu yai tiwai gilama yai. Tama ena wiegi yai pemene elama, tama nage nogi ugwaba sabo dao.

Bugagia Bidibo Kolesagade Po Asęai Buku 9:2

Agai te kibu hasa dabe elama, tama ulama, tama te pusai wain wę pedalumainu ilali. Tama agai te nai tuabo tebol sisi ilama, dodolai.

Tigidali Nai Gagalama Nigali Side 18:7

Tialima, Abraham udulama, te bulmakau bidalubo oboba pelama, tama te ogwa bidi te nisali bulmakau me deli sali. Agai te bulmakau te sę bidi me delibolo menama, tama sę bidigo elama, sisi elama, tama ulali.

1 Samuel 28:24

Tama polo tama te wego te aga ogwa bidi nisai bulmakau elama, tama te bulmakau mi ulai. Tama aga te plaua meba selama, tama te yis meni yai bret meba polo nigilama, tama ulali.

Bugagia Bidibo Kolesagade Po Asęai Buku 15:17

Te bidi godolo homu ebo kolesaga, te polalubo homu kolesaga dao. Tama tiyu, nage te naga abagi dabe dali bidiyu, tama dagego te donai naga tubaso da, te dwagi yai dao. Ma, nage te godolo homu isiąbo bidi dabe dali bidiyu, tama dagego te bulmakau kibu mi tubao, te dwagi yai menio.

Dwagi Yai Gesi Po Lukgo Asęani 15:22

Tiali goli, aga ayago aga wabo po togwali, te sę ebo bagebolo te po wali, ‘Polo pao, te dwagi yai bobobage ugwa sela asao, aga tigide bulao. Dwagi yai nogo mou sela asao, aga nogode holoyu yao, sągą nadoba me aga sągąde buluyu yao.

Dwagi Yai Gesi Po Lukgo Asęani 15:24

‘Magi baso meni. E bidi eno ogwanu isigi pai tiwai yai goli, tama megi ma bidibao. Aga hagawai, tama megi eno ogwanu ma sualio,’ ayago te po wali. Tama olama, augwali genuai dwagi yai homu ebo gagalali.”