Dwagi Yai Gesi Po Lukgo Asęani 15:22 - Godigo dwagi yai po buku

²² Tiali goli, aga ayago aga wabo po togwali, te sę ebo bagebolo te po wali, ‘Polo pao, te dwagi yai bobobage ugwa sela asao, aga tigide bulao. Dwagi yai nogo mou sela asao, aga nogode holoyu yao, sągą nadoba me aga sągąde buluyu yao.

Dwagi Yai Gesi Po Lukgo Asęani 15:22 Referans Kwoze

Kraisgo Geme Dualali Sę Pedelabo Po Jonbolo Ola Mani 6:11

Tama agai bobobage tedela yai ugwa augwali deli delibolo mena mena pai, tama agai te po augwali dali wai, “Dage toma tuyu, olo dwasianu sogo nagamea pai bidi bidao. Tama nosali boi bidi dabe augwaligo dage dali deli sę yali bidi dabe me, duga ama dabe me ela muaibao, te augwaligo dage ela muani tiwai yaibao. Tama nosali augwaligo te ela muani bidi dabe nedebo usu ebaso da, te God agai dagego kanemede augwali wei ponaibao,” te po wai.

Esta 8:2

Tuni bidigo te Hamango nogode munaluali nogode holobo ring aga ma selama, tama aga nogode munaluali te ma dilama, te Mordekaibolo mani. Te ringde te tuni bidigo dąį nigilali elaluai. Tama Estago Mordekai sa munama, te Hamango tonaluali doado bage tigidali te Mordekaigo tonalu te tonalumainu nigilalio.

Tigidali Nai Gagalama Nigali Side 41:42

Ferogo te tuni bidigo mubo ring me deli elaluali. Tama agai te ring aga nogode munaluali pedelama, tama agai te Josepgo nogoba muani. Ferogo te gasagi yai sawi yai mu ugwa dabe te Josep tigiba gudulama, tama aga magede te golgo nigai sen me deli domonai.

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Esta 3:10

Te king bidigo te dodobolo pai ring elaluali, te agai ebo sę bomo mabo nai. Tialima, kingo te po oda selama, tama agai nogo danide te ring pedama, tama Hamanbolo mani, te Juda dabego boi bidi dao, te Hamedatago ogwa, te Agak hani bidi dao.

Kraisgo Geme Dualali Sę Pedelabo Po Jonbolo Ola Mani 19:8

Tama Godigo te webolo te tedela yai bobobage ugwa menama, te wiegi yai ugwa te ula mu yai, tama meda mu meni yai, tama agai te ugwa aga tigide muaibao,” augwaligo te po wai. (Te wiegi yai tedela mu yai ugwa te Godigo we bidigo ebo wiegi yai doloba pai kolesaga dao.)

Kraisgo Geme Dualali Sę Pedelabo Po Jonbolo Ola Mani 7:9

Tama te we bidi sa mubo sę tigidali ela silai digi, eno tonolo ma bilibadi, tama eno te we bidi hauwa augwali sisinama bidibo suali, tama umabo mu, te bidigo te we bidi augwali nedebo usu me egobeo. Te we bidi augwali te tigidali bidi hani dao, tama te tigidali bulu tǫde me, te tigidali haniani tigiwali yai me, tama te tigidali haniani po wabo bulu bidi dabe dao. Augwali te tuni bidi duabo nai te gesabidide dali te kibu sipsip wai gedude augwali dolaluali. Tama augwaligo te bobobage tedela yai ugwa munama, tama augwaligo nogode te kokonas yabe tolaluai.

Polgo Po Pas Rom Dabeba Asęani 8:15

Magi baso meni, te Godigo dagebolo mani Mobo Bidi da, te dage olo sę ebo bidi bidiyu God ma wi ilibo Mobo Bidi meni. Te menio. Te mani Mobo Bidigo dage Godigo wai dabe ilibo Mobo Bidi dao. Te Tedali Mobo Bidigo dago i olama tama Godibolo “Aya, Aya” wabo dao.

Kraisgo Geme Dualali Sę Pedelabo Po Jonbolo Ola Mani 2:17

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elalubo bidi, te bidibolo eno megi geme dulalubo tubo nai nogi mana meba mayu, tama eno te tedela yai dwasianu masigi me agabolo mawaibao. Tama te masigide gesi nogi asęai, tama niwai bidi mego te nogi konegobeo. Te masigi sali bidi, aga naga te nogi koneaibao.’”

Galesia 3:27

Tama dagego duga homu tigidali Kraisba munama tama baptais selama, tama dage aga dali wadolama tama bidibao. Tama bidiyu, bidi aga gudubo ugwa gudubo tiwai eyu, dagego Kraisgo digi homu kolesaga duga homude dąų walao, te dagego te homu kolesaga wali pomainogo tama yao.

Polgo Po Pas Rom Dabeba Asęani 13:14

Te tobage kolesaga menio. Dagego Genuai Bidi Jisas Krais selama, tama aga te bebo ugwa tiwai elama tama duga homude bea sao. Tama dagego te tigigo ebo dwai kolesaga wali pabo homu me egimio.

Solomon 7:1

Eno abagi we, nage te kwin we me deli tiwai mu polalubao. Nago sągą nadoba bulali, tama nago sągą meda meni yai mu elalubao. Nago sągą te sawia pai mu da, te piksa noma me deli te kolesaga konea pai bidigo te masigi togolama, nigali piksa noma tiwai mu yali.

Godigo Nogi Ugwaba Sabo Tęąbi Po Wabo Buku Dabe 132:9

Te nago naga pris dabe tau selama, tama augwaligo te doloba pai kolesaga naga tigidali sogo emainao. Tama naga we bidi dabe augwa wiegi yai pemene elama, i omainao.

Godigo Nogi Ugwaba Sabo Tęąbi Po Wabo Buku Dabe 45:13

Te kingo gesi we te aga be habude bidibao, tama aga te gasa sawi yai mu. Agai te ugwa augwaligo te nigilama, tama te golgo nigai hobigo au ilai ugwa muai.

Godigo Nogi Ugwaba Sabo Tęąbi Po Wabo Buku Dabe 18:33

Agai ena te bulu uni kibu hasa bugagia bilimainu ebo tiwai eyu, tama ena te bulu du dabede bidibo sogo agai ena tau sabo dao, tama ena tulalu me ebo meni.

Kraisgo Geme Dualali Sę Pedelabo Po Jonbolo Ola Mani 3:18

Tama tibaso, eno e po mobo mabo po nagebolo mobao. Eno te gasagi yai kapa nogi gol te elalubao, te kapa gol te siaba ulama te dwai nai sela sąnama, tama te wiegi yai yai. Tama eno homugo nago te kapa gol abelao, te nago doado bage hauwa elalumainogo yao. Tama nago te tedela yai ugwa te naga tigi haluabo abelao, te bidi dabe augwaligo te nago tigi bolu olo elalubo sulama, tama nage hale idali weyu te tama kolesaga yao. Tama nago te geduba muabo ili yabo marasin me abelao, te nago gedu ma tonono bilibo usu emainogo yao.

Efesus 6:15

Tama te enesigi bidi agai te hwįabo sisi elama, tama sągąde mubo nai nadoba mubo dao. Tama te tiwai dagego te Godigo dwagi yai gesi po mu konealubo kolesaga bugagia dolasa elaluao, God agai gasa bidi dali dwagi yai homu yabo po.

Polgo Po Pas Rom Dabeba Asęani 3:22

Te bidi doloba pai bidi ilibo kolesaga e dao: te bidigo konealubo po Jisas Kraisde dąų wali bidi, aga Godigo doloba pai nogi poaibao. Tama tigidali haniani we bidigo konealubo po dąų obaso da, Godigo augwali doloba pai we bidi nogi waibao. Magi baso meni, te Juda hani bidi doloba pai bidi ilibo kolesaga, te Juda hani isąwai bidi doloba pai bidi ilibo kolesaga tedali tedali meni.

Godigo Nogi Ugwaba Sabo Tęąbi Po Wabo Buku Dabe 132:16

Eno te Saion pris dabeba sę menama, eno te tǫde we bidi ma sabo po te pusumainu ebao. Tama te Saion we bidi dabe augwa tęąbi weyu, tama pemene elama, tama i omainu yaibao.

Bomai Po 33:25

Tama augwaligo taun obo sunumi dabe te boma pai ain sunumi dabe elaluaibao. Tama tibaso, tigidali sogo augwali bugagia mu bidiyu, augwali wi me egobeo,” wali.

Dwagi Yai Gesi Po Lukgo Asęani 15:21

Tama te gesi bidigo aga ayabolo te po wali, ‘Aya, eno Godigo gedude dwai sę yali, nago gabidide me eno dwai sę yalio. Ena gesuai bidi menio, dwai bidi dao. Tama tibaso, nago enabolo te ogwa da po olamu dao,’ te po wali.

Dwagi Yai Gesi Po Lukgo Asęani 15:23

Te sa muani kibu kau wai selama, elao. Da dwagi yai homu eyu, genuai nai tuinao,’ wali.