Dwagi Yai Gesi Po Lukgo Asęani 15:18 - Godigo dwagi yai po buku

¹⁸ Ena edu taga pelama, eno aya pageba paibao. Teba pelama, eno agabolo te po waibao, “Aya, eno Godigo gedude dwai sę yali, nago gabidide me eno dwai sę yalio.

Dwagi Yai Gesi Po Lukgo Asęani 15:18 Referans Kwoze

Te We Bidi Dabego Jerusalem Hagede Gela Wali 3:40

Dago dena kolesaga, me dena bilibo kolesaga dagalama, bugagia suao. Tama dago dwai kolesaga tagalama, tama da Godiba ma aselainao.

Dwagi Yai Gesi Po Lukgo Asęani 15:21

Tama te gesi bidigo aga ayabolo te po wali, ‘Aya, eno Godigo gedude dwai sę yali, nago gabidide me eno dwai sę yalio. Ena gesuai bidi menio, dwai bidi dao. Tama tibaso, nago enabolo te ogwa da po olamu dao,’ te po wali.

Dwagi Yai Gesi Po Lukgo Asęani 18:13

“Tiali goli, te gavman takis sabo bidi digibulu uba doligi pelama, tama aga gedugo dagaluba ogwaba tonalubeo. Ena dwai dwai sę yalio te homu eyu, homu dene eyu, aga hagawiaba nogogo eledu bidali. Agai te po wali, ‘God, enade homu dene eyu, tau mao. Ena dwai dwai sę ebo bidi dao,’ te po wali.

Matyu 6:14

“Odiąo. Te dagego gasa we bidi augwaligo dage dali dwai sę ebo sela sabaso da, teda duga Aya dagalude bidibo bidi agai te dagego dwai sę ebo me te sela sąwaibao.

Jeremaia 3:19

Genuai Bidigo po ma weyu, te po walio, “Israel, polobadu eno homugo nage ena wai puluba mu bidiyu, eno dage dali te ayago ebo kolesaga elama, tama eno nage wiegi yai tǫ mu me deli mawaibao, te gasa tigidali hani we bidigo tǫ aiyaba mu elaluali. Eno te homu yali. Tama me eno te homu yali, nago enaba Aya nogi yaiba homu yali. Tama nago ena sesemane sogo wali asiyu, tama nago ena munu me tagalogobeo, te homu yali.

Godigo Nogi Ugwaba Sabo Tęąbi Po Wabo Buku Dabe 25:11

God, nago te naga dąų wali po wali peyu, tama eno yali dwai sę hauwa sela sąyao. Nago eno yali dwai sę tigidali sela sąbaso, tama eno nago nogi ugwaba saibao.

Matyu 6:9

Tama dagego gedu haluasa po e tama wao, ‘Dago Aya, nage dagalude bidibo bidi, dago homugo nago nogi wiegi yai tedali mu bideibao.

Matyu 3:6

Tama augwaligo augwa yali sęgę dabe pusuyu, tama Jongo augwali te Jordan ąįde baptais mani.

Jeremaia 31:20

Ena Genuai Bidi, eno te po obao, eno Efraim te godolo mu yali, aga eno ogwa dao. Tigidali sogo eno aga nogi wedu, eno agade homu kone yai. Eno haliga agaba mu mudubadi ebao. Tialima, eno olo tau sabo wiegi yai kolesaga agaba yai dao.”

Aisaia 63:16

Tiali, nage te dago aya dao. Te da bulai wąį monu aya, Abraham me Jekop augwali te da dali me bidibe, te augwaligo da konesiąwai. Tialima, nage Genuai Bidi, nage dago aya mu dao. Tama nago nogi te tiwai elalubao, “Te da tudibadu tonalu, polobadu digi tau sesa asali bidi dao.”

Bugagia Bidibo Kolesagade Po Asęai Buku 23:13

Nago te wai elibo wi homu me igio. Te nago keloago aga mobo mayu elibaso da, teda aga me isigobeo. Menio.

Matyu 7:11

Tama dage dwai bidi dabe bidibo digi, tama dagego te wiegi yai nai duga wai dabeba mabo koneyu da, teda dagego mu koneiąo, te duga Aya dagalude bidibo bidi agai wiegi yai nai te agabolo gedu haluasa po wabo bidi dabebolo mu mawaibao. Tama agai te dwagi yai nai mabo kolesagago dagego mabo kolesaga aiyaba mu elaluaibao,” wali.

Tuni Bidi Dabego Po Elalubo Buku Si 33:19

Tama king Manasego meba po dabe te gasa buku mede elalubao. Augwaligo te Profet Dabego Po Bukude elalubao. Te bukude agai dwai dwai sę dabe yali te po dabe me pusuyu, me agai Genuai Bidibolo tudi ola mani po dabe me pusa elalubao, tama te bukude te lotu wali pesage po, me te tibo godiba lotu wali pesage, me god we Asera piksa noma, me agai nogogo nigali tibo god piksa dabe po me tede elalubao. Te aga digi tibo god nigilama lotu weyu yali po me te Profet Dabego Po Bukude te elalubao. Tama te bukugo agai homu begelama, tama aga digi aga aiyaba elaluali po me tede te bukude pusai dao. Tama me agai Godibolo gedu haluasa po obaso tama Godigo agai gedu haluasa po odali po dabe pusali po me te elalubao.

Dwagi Yai Gesi Po Lukgo Asęani 11:2

Tama Jisasgo augwalibolo te po wali, “Godibolo po weyu, e tama waiyąo, ‘Dago Aya, dago homugo nago dwagi yai nogi ugwaba somainao. Dago homugo nago we bidi tonalubo sę asomainao.

Jona 3:9

Te dago tama tibaso da, te Godigo wado po wabo homu hasegelama, tama agai da tau sabo homu eyu da, teda da me isigobeo,” polalubo king bidigo te po wai.

Jona 2:4

Eno te po wali, ‘Nago ena sela sąwanio. Tiali goli, eno nago genuai tedali lotu be tempel te ma sueibao homu ebao,’ eno te po wai.”

Daniel 4:26

Nago odali, te enselgo te ni page te tǫde elalumainao wali. Te wali po page te tiwai. Te God deligo naga te tigidali tǫde nai tonalubo da, te tama tiwai bugagia konebo sogo da, teda nage te king ma pedalaibao.

Te We Bidi Dabego Jerusalem Hagede Gela Wali 3:29

Teda Godigo aga tau sabo homu yali bogo. Tama tiyu, agai aga digi aiyaba elaluama, tama tonaluao.

Dwagi Yai Gesi Po Lukgo Asęani 15:17

“Te aga homu kolesaga ma hasegelama, aga tedali homu ma yali. Aga te homu yali, ‘Eno aya aga sę ebo bage augwaligo tubo nai hauwa mu munalubadi goli, ede ena nasigo tama isaibao.

Dwagi Yai Gesi Po Lukgo Asęani 15:19

Hasia ena nago ogwa bidali goli, ma eno dwai kolesaga yali. Te megi nago enabolo ogwa olamuo. Enawe nago sę ebo bidi bidagawe?” ’ te gesi bidigo te homu yali.”