Dwagi Yai Gesi Po Lukgo Asęani 15:13 - Godigo dwagi yai po buku

¹³ “Te dwasianu bidama, i badu bidigo aga sali doado bage munama, tama gasa bidigo abelama, te i badu bidibolo masigi dabe mani. Tama te i badu bidi aga doado bagede sai mone tigidali selama, gasa digibulu tǫba mu pelama, bidigi pai. Tede bidibadi, aga dwai dwai haniani sę eyu, hagoma homu ebo kolesaga elama, aga mone tigidali besela sąnama dolama tagalalio.

Dwagi Yai Gesi Po Lukgo Asęani 15:13 Referans Kwoze

Jeremaia 2:5

Genuai Bidigo te tiwai po wai, “Eno mena dwai sę ebaso, te dage bulai wąį dabego te ena tagalama, digibulu mu paliwe? Waa? Koneao. Augwa te olo naiba lotu obaso, tama tiyu, augwa digi te olo nai tiwai pedelai dao.

Bugagia Bidibo Kolesagade Po Asęai Buku 29:3

Te wiegi yai homu kolesaga sainu homu ebo bidi, agai te aga aya wiegi yai homu pemene ilibao. Tiali goli, te penani we wali pabo bidi da, agai te aga mone tigidali besela sąna silaibao.

Bugagia Bidibo Kolesagade Po Asęai Buku 21:17

Te bidigo te wiegi yai nai me wę tuabo homu wei ebo kolesagade pemene homu ebaso da, teda te aga mone silama, tama aga te doado bage sǫą paibao.

Bugagia Bidibo Kolesagade Po Asęai Buku 28:7

Te gesi ogwa bidigo te bomai po wali pabo, agai te wiegi yai homu kolesaga elalubao. Tiali goli, agai te sesemane sogo te nai umabo da tubo bidi dabe dali abagi weyu, kisasa bidiyu ebaso da, teda agai te aga aya te hale dwai mu ilibo sę ebao.

Dwagi Yai Gesi Po Lukgo Asęani 16:19

Te Jisasgo augwalibolo te po wali, “Polodi te aga masigi daide bidali bidi bidali. Aga ugwa dabede wiegi yai daide bidai. Aga be dwagi yai bede bidu, te pusu nai me dwagi yai tuyu bidali, tigidali sogo.

Dwagi Yai Gesi Po Lukgo Asęani 16:1

Te Jisasgo aga wali asobo we bidi dabebolo e po begelai po pusa mayu, te po wai, “Te sibage siyu, genuai bidi me deli bidali. Tama aga doado bage genuai mu elalubaso, aga doado bage tonalubo bidi nigilai dao. Tama nosali gasa bidigo te genuai bidibolo te po wali, ‘Nago doado bage tonalubo bidi agai sę bugagia esiąbadi, nago nai dabe olo sela sąbo dao,’ wali.

Dwagi Yai Gesi Po Lukgo Asęani 15:30

Tiwai goli, u bidi nago ogwanu, agai nago mani doado bage te penani sęde bilibo we dabede olo silama, bidali. Aga te dwai sę yali goli, aga eba ma asobo si, naga sa muani tuabo kibu kau wai ela mani, tumainu, nage dwagi yai homu ebaso,’ te gomunai bidigo te po wali.”

Maika 6:3

Tialima, Genuai Bidigo te tiwai po obao, “Eno we bidi dabeo, eno mena dwai sę dageba yaliwe? Eno mena sę elama, dageba sęgę maniwe? Ae, tegoba, dagego enaba po wei ponao,” te po obao.

Jeremaia 2:31

Dage megi bidibo Israel, te Genuai Bidi eno poba olo bugagia muao. Dagego homugo ena te masigi kemi olo pesagede te dwai nai da homu ebo dawe? Ma, ena te be hulia sai pesage me deli mu tiwai da obawe? Te tiwai isąyu da, teda magi baso eno we bidi dagego enabolo te tiwai po weyu, ‘Megi te dena homu wali peyu, tedela paibao. Da te nageba munu ma asogobeo,’ wali.

Jeremaia 2:13

magi baso meni, eno we bidi dabego te dwai sę si yali. Hasia augwaligo ena tudiba muai. Ena te ulu wę tiwai te augwali bidabo ula maiabo wę elaluali, tiali goli, augwaligo ena tagalali. Tama me, tǫ diganama, augwa digi te wę sabobo nai nigali. Tiali goli, te wę sabobo nai te alua pelama, te ąį augwalide elalubo usu ebeo.’”

Aisaia 56:12

Te augwali sisinibo sogo, augwali mebago te tiwai po wali, ‘Ae, tegobao, eno te wain ąį selama, te da tųdu pelama, te dena godolo yaliba usu nigi paibao. Te do da wabo sogo, da ma sisinama, te umabo mu ma tueibao,’ wabo dao.”

Aisaia 30:11

Dage digibulu mu bidiyu, tama dago sunumi paligimio. Dago te Israel dabego Godigo po odobo da hagela ebao. Aga te Wiegi Yai Doloba Pai Kolesaga Naga Ebo God dao,” wali.

Aisaia 22:13

Tiali goli, dagego te hobede yabo sę yai menio. Meni. Dage gisugu olama, gana pelama bidalio. Tama dagego bulmakau kibu me sipsip kibu elama, tama moni daa mu tuai dao. Tama dagego wain wę dabe tama tuali. Tama dagego e tama po wai dao, “Asao. Da wę dali nai dali tuinao,” wali. “Magi baso meni, do da isaibao,” tama po wali.

Aisaia 1:4

Tega, te we bidi dage dolama, dagego kolesaga me mu doali. Tigidali sogo dagego dwai sęgę sabo dao. Te duga dwai sęgęgo dage aiyaba kegebo dao. Dage Israel dabego duga Genuai Bidi tagalai dao, aga te Dwagi Yai Doloba Pai Kolesaga Naga Ebo God dao. Tama dagego aga tudi ola manio.

Bugagia Bidibo Kolesagade Po Asęai Buku 27:8

Bidigo te aga page bulu tagalama, te subigila bilibo, te ba me deli aga be tagalama, tama te subigila bola bilibo tiwai gilama ebao.

Bugagia Bidibo Kolesagade Po Asęai Buku 21:20

Te wiegi yai homu elalubo bidigo, agai te aga beba te tobage wiegi yai nai dabe saboyu, sisinaibao. Tiali goli, te wiegi yai homu elalusiąbo bidigo, augwaligo te augwa doado bage dabe silibo dao.

Bugagia Bidibo Kolesagade Po Asęai Buku 18:9

Hagela bidi da, te doado bage dabe dolobo bidi tiwai tobage bidi dao.

Bugagia Bidibo Kolesagade Po Asęai Buku 6:26

Te bidi te penani we dali bidibaso da, te dwasianu monego naga abelebo dao. Tiali goli, bidigo te gasa bidigo we dali pagela pibaso da, te genuai sęgę mu ebao. Te aga bidabo ula tede tagalainu te ebao.

Godigo Nogi Ugwaba Sabo Tęąbi Po Wabo Buku Dabe 73:27

Mu tama, te nage tudiba mubo we bidi dabe, teda augwali mu hagawaibao. Tama nage polobadu te wali pali bidi dabe, tama megi te augwaligo nage tagalubaso da, teda nago augwali dolaibao.

2 Pita 2:13

Tama augwaligo dwai kolesaga haniani ebo, tama augwalibolo te dwai kolesaga ebo wei ma ponobo sę pedalaibao. Augwaligo homugo te siade nai dali te wę dali hauwa tubo kolesaga, te wiegi yai homu ebo kolesaga dao. Tama tebo homugo augwaligo nai dabe dage dali tuyu, tama augwali te dwai meda yai tiwai dage tomode bidiyu, tama augwaligo tibo kolesaga ebode te wiegi yai homu pemene ebo dao.

Efesus 2:17

Tama Krais aga asama, tama agai te wiegi yai gesi po, te boi piabo po agai da tigidalibolo pusagasali. Te dage God digibulu bidali Juda hani isiąwai bage dali, te da God pąde bidali Juda bidi hani dali si, te da tigidalibolo agai te boi piabo po ola magasali.

Efesus 2:13

Polobadu dage te God digibulu bidai dao, pąde meni. Tiali goli te Godigo sa muani tagala palali bidi Krais aga ni pedaide isilama, tama aga kanemego dage te Krais Jisasde wadolama, tama megi agai dage God pąba bidagasomainogo yai dao, dage te Juda dabe tiwai bidimainogo yai.

Dwagi Yai Gesi Po Lukgo Asęani 15:12

Tama te i badu bidigo aga ayabolo te po wali, ‘Aya, nago doado bage dobayao. Eno nosali saibao homu yali doado bage enabolo megi tama mao,’ te nosali sabo hagela ebo homu elama, te po wali. Te i badu bidigo te po olama, aga ayago aga doado bage tigidali aga ogwa sibolo dobolama, mani.”

Dwagi Yai Gesi Po Lukgo Asęani 15:14

Tama aga mone tigidali sia sali. Masigi sia selama, tama te sogo te tǫde moni nasi yali. Tama te gesi bidi nai meni yai bidi bidali.