Dwagi Yai Gesi Po Lukgo Asęani 14:7 - Godigo dwagi yai po buku

⁷ Te be page bidigo gasa bidi dabebolo nai tuagasiąo wai dao. Tama te bidi dabe augwali te be tomoba aselama, augwaligo te nogi elalubo bidi duga yabo madigiba polo pelama, tede bidali. Tama Jisasgo augwaligo te kolesaga ebo sulama, augwalibolo e po digi po wali. Agai te po wali,

Dwagi Yai Gesi Po Lukgo Asęani 14:7 Referans Kwoze

Dwagi Yai Gesi Po Lukgo Asęani 11:43

“Dage Farisi dabe, dage dua dao. Te dage te Juda dabego bomo yai po ola mabo beba pelama, te nogi elalubo bidi duayabo pesageba dugawai homu ebo dao. Me ma, we bidigo maketde dage sulama, genuai bidi dao omaina homu ebo dao. Tama te ebogo dage dene genuai mu saibao.

Filipai 2:3

Gasa bidi tau sabo kolesaga tagalama, tama duga digide naga homugo kone paluyu, duga nogi naga olo ugwaba sabo kolesaga eyu, dage te tiwai bidilamuo. Te menio. Te imilai homu eyu, e homu yao, “Te gasa we bidi augwali dwagi yai bage dao. Ena augwali dologode bidaibao,” te homu yao.

Matyu 23:6

Augwaligo te genuai nai da tubo side te polalubo ni namide duabo godolo elama, te nai hasia sabo homu ebo dao, tama te bomai po ola mabo bede me te polalubo wiegi yai ni namide naga duabo dao.

Dwagi Yai Gesi Po Lukgo Asęani 20:46

Tama Jisasgo aga po sabo bidibolo weyu, te po wai, “Dage dua dao, te bomo yai po koneai bidi dabede. Augwali godola pela bobobage ugwa gudama, bilama pabo dao, nogi yai bidi tiwai. Augwali godola pela te we bidigo bidi sisinibo pesagede augwalibolo siade dao omainogo, genuai bidi tiwai. Augwali mu godola pela lotu be tomode bidi gesabidide naga dualubo, genuai bidi tiwai. Augwali godola pela genuai nai tubo side augwali polalubo ni namide naga duawainogo ebo dao.

Jongo Sela Sogo Wabo Asęani Pas - 3JN 1:9

Eno po meba te nago bidibo digi bidibo Godigo we bidibolo asęna tolai. Tiali goli te bidi Diotrefes aga augwaligo polalubo bidi bidainogo homu eyu tama agai eno wabo po odobo menio.

Esekiel 17:2

“Tǫde bidio, eno homugo te po me deli begelama, te nago te Israel dabeba po digi po pusumainu homu ebao,” wali.

Matyu 13:34

Te ola mabo po tigidali tama odubadi, Jisasgo te we bidi augwalibolo te po digi po begelama naga wai. Agai te po me deli haninama augwalibolo me pusubeo. Menio. Agai po digi po begelama naga augwalibolo te po wai dao,

Bugagia Bidibo Kolesagade Po Asęai Buku 8:1

Wiegi yai doloba pai homu kolesaga te we me deli dolugulama, te da i wabo tiwai ebao.

Te Israel Tobolu Bidi Dabe 14:12

Tama Samsongo augwalibolo te po walali, “Te eno po begelama wabo po me deli te dage dali waibao. Te dagego enabolo te po begelama wabo po te nai tuyu bidibo te a naga olama, me badu nogo si te sogo dagego te po begelali po page te enabolo obaso da, teda te eno dagebolo te pedai name ugwa te 30, me te holobo bobage ugwa te 30 te dage mawaibao,” wai.

Bugagia Bidibo Kolesagade Po Asęai Buku 25:7

Tiyu, nage te genuai bidi dabe dali bidibadi, tama nosali te genuai bidi me deli sabolama, tama augwaligo nage sela sąyabuo. Te tiwai pedalidali weyu, hasia bolo nage olo bidi dabe dali bidibaso, tama nosali te augwaligo nagebolo weyu, te genuai bidi dabe dali bidigi pao waibao. Te bidi me deligo te kolesaga me deli ebo subaso,