Dwagi Yai Gesi Po Lukgo Asęani 14:33 - Godigo dwagi yai po buku

³³ Eno tamadi wali po deliba taluyu, tama te tiwai yaibao. Bidi mego aga doado bage tigidali tagalabo hagela baso, teda te bidi eno hani bidi menio,” Jisasgo te po wai.

Dwagi Yai Gesi Po Lukgo Asęani 14:33 Referans Kwoze

Dwagi Yai Gesi Po Lukgo Asęani 5:28

Livai hodaluama, agai ebo sę tagalama, Jisas wali pali.

Dwagi Yai Gesi Po Lukgo Asęani 14:26

“Niwai bidi ena wali pai hagede homu ebaso da, te ena godolo mu tama eyu, ena wali pai hageda, te usu da. Tama agai aga ida aya dali, aga we wai puluba dali, aga ama dede, abe dede godolo mu eyu, tama agai ena dwasianu godolo homu eyu da, tea te tobage bidi ena wali pogobeo. Tama te agai aga digi aiyaba munama, agai ena ugwaba muyu, aga ena wali pabo, te usu dao.

Dwagi Yai Gesi Po Lukgo Asęani 5:11

Tama te geba si ąį saniba ma nogelama, tigidali nai dabe tede tagalama, augwali tigidali Jisas wali pela sialio.

Polgo Si Wali Pas Timotiba Asęani - 2TI 4:10

Te bidi Demas agai ena taga palio. Agai te megi tǫde elalubo kolesaga godolo mu elama, tama agai ena tagalama te Tesalonaika hanuba pai. Te Kresens aga te Galesia tǫba pobadi yali, tama te bidi Taitus me te Dalmesia tǫba pai dao.

Dwagi Yai Gesi Po Lukgo Asęani 14:32

Tama agai homude ena usu egobe wabo si, teda aga boi bidi digibulu bidibadi, agai po digi bidi tolaibao, boi pimainu yaibao.

Hibru 11:26

Agai te homu yali, te aga te nosali asaibao wali bidi Kraisgo nogide hale siyu da, tego te tigidali mone me te Isipde elalubo te au dobage dabe te aiyaba mu elaluaibao. Tama te gasagi yai wiegi yai nai te Godigo agabolo mawaibao po, tede aga homugo kęą palio.