Dwagi Yai Gesi Po Lukgo Asęani 14:3 - Godigo dwagi yai po buku

³ Jisasgo te bidi sulama, te Juda bagego bomo yai po mu koneai bidi dabe me, te Farisi sibi dabe me, te hanibolo te po hanalu wali, “Te Sabat sogode dago te gasi yai bidi dabe usu ma iliyu dodolobo sę ebaso da, usu yaibawe?”

Dwagi Yai Gesi Po Lukgo Asęani 14:3 Referans Kwoze

Matyu 12:10

Tama bidi me deli tede bididuai, te bidi aga nogo dili bomo isai elaluai. Tama bidi meba augwaligo Jisas po tų ilainogo homu elama, tama augwaligo aga hanalu wai, “Ma, dago te Sabat sogode te gasi yai bidi usu ilibaso, te bomo yai po bolaibawe ma meniwe?” te po wai.

Dwagi Yai Gesi Po Lukgo Asęani 6:9

Tama Jisasgo te tonaluali bagebolo te po wali, “Te eno dagebolo hanalu obao, dago Sabatde dwagi yai sę yaibawe? Dago bomo yai po dabego mena po wabo dawe? Dago bidi dolabo sę yaibawe, ma dago tau saibawe?” te po hanalu wali.

Dwagi Yai Gesi Po Makgo Asęani 3:4

Aga pąba asama, tama Jisasgo augwalibolo te po wai, “Te eno dagebolo hanalu obao, te dago te Sabat sogo te wiegi yai kolesaga yabo homu yaibawe, ma dago dwai kolesaga yaibawe? Dago te Sabat sogo te bidi dabe bugagia bidimainu tau sabo sę yaibawe, ma dago te bidi ela mumainogo eyu yaibawe? Dago bomo yai pogo tede magi po elalubawe?” Tiali goli augwali sagia siyu, po me wabeo.

Dwagi Yai Gesi Po Jongo Asęani 7:23

Dagego te tigiwali togobo bomai po wali peyu, te Sabat sogode me sogo te sę eyu da, teda dagego enade magi baso sębę ebawe, ena te gasi yai bidigo tigi eno dodolobo sę yalide.

Matyu 22:35

Tama augwali tomode te bomo yai po page koneai bidi me deli bidali. Agai Jisas usu siyu hanalu wainogo yali,

Matyu 12:2

Tama te Farisi bage augwaligo te kolesaga ebo sulama, tama augwaligo agabolo te po wai, “Suao, te kolesaga nage wali pabo bidi dabe augwaligo ebo, te Sabat sogode habu selai dao,’ wali.’

Dwagi Yai Gesi Po Lukgo Asęani 14:2

Tama te bede me, nogo sągą tigi bo dae bidi me te Jisas pagede bidali.

Dwagi Yai Gesi Po Lukgo Asęani 14:4

Tiali goli, augwaligo po wei ponebe. Tama Jisasgo te nogo sągą tigi bo dae bidi selama, dodolama, tagala palali.