Dwagi Yai Gesi Po Lukgo Asęani 14:21 - Godigo dwagi yai po buku

²¹ Tama tibaso, te sę ebo bidi aga genuai bidi pageba ma pelama, augwaligo wali po pusigi pali. Tama te genuai bidi sębę elama, dwai homu yali, te i wali bidi augwalibolo. Aga sę ebo bidibolo te po wali, ‘Polo pao. E moni taun genuai pabo tųde me, dwasianu pabo tųde me, tede bidibo nai meni yai we bidi oda sigi pelama, asao. Te tigi dwai we bidi me, gedu widai we bidi me, sągą dwai we bidi me, tigidali oda sigi pelama, eba asao,’ te po wali.

Dwagi Yai Gesi Po Lukgo Asęani 14:21 Referans Kwoze

Dwagi Yai Gesi Po Lukgo Asęani 14:13

Tiali goli, naga nai hauwa nogeainu ebaso, te nai meni yai bidi me, te nogo dwai bidi me, sągą dwai bidi me, gedu widai bidi me, te tobage we bidi i wao.

Jems 2:5

Eno ama dedeo, eno dagebolo dwagi yai homu eyu, godolo mu ebaso, eno dagebolo te po obao. Bugagia odao. Te tǫde tigidali bidi gedude magi nai meni yai bage, te Godigo te tiwai bidi sa munama, tama augwaligo te Godigo po dąų waligo te augwaligo te homu kolesagade te masigi me walu hauwa munalubo bidi tiwai yaibao. Te polobadu Godigo tama po wai, “Niwai bidi agai homu enaba muyu godolo ebo bidi, te aga eno we bidi bugagia tonalubo madi tomoba asagameo,” te po wai. Tama tiyu, agai te magi nai meni yai bidi augwali sa muyu, augwaligo te Godigo po mu dąų waligo da, te augwali te dąį ilali madi te pesage saibao.

Matyu 11:5

Dagego e subao, te gedu widai bidi dabe augwali gedu usu ma iliyu, te sągą dwai bidi dabe augwali bugagia ma bilibo dao. Te oiyabe yai bidi dabe augwali tigi wiegi yai pedaliyu, tama olo degai bidigo po ma odobo dao. Te isai bidi dabe augwali ma hodoliyu, tama te magi nai meni yai bidi dabe augwaligo te Godigo wiegi yai gesi po odobo dao.

Dwagi Yai Gesi Po Jongo Asęani 9:39

Jisasgo te po wai, “Ena e tǫba asali, tǫde bidibo we bidi dagalai hagede asai. Te homu kolesaga tomode gedu halua sai bidi, gedugo ma sumainogo te ena asai. Me ma, we bidi meba augwaligo homu, ‘Ao, dago koneai dao, te da te gedugo subo bage dao,’ augwaligo te homu ebo dao. Tama tibaso, augwaligo Godigo homu koneidali weyu augwali gedu halua somainogo ena asai dao,” Jisasgo te po wai.

Dwagi Yai Gesi Po Lukgo Asęani 14:24

Eno nagebolo e po obao, eno hasia i wali bidi tigidali augwaligo eno sisi yali nai tugobeo,’ te po wali,” Jisasgo te po wai.

Aisaia 35:6

Te sągą dwai penelai bidi dabe gesa soyu, posoga palaibao, me te pedauwali pania sai bage te i weyu, pemene yaibao. Te wę dabe te masigi kemi tǫde pedaliyu, te tigidali habuba usu nama paibao.

Hibru 2:3

Tiali goli megi da, Godigo da ma sabo sę yali, tama agai te sę yali te genuai nai mu dao. Tama tibaso, dago Godigo te sę yali po oda tagalama tudiba muani da, teda da wi peyu, tama te dwai sę yalide te dene sabo sę te mena tama geda saibawe? Te usu munu egobeo. Hasia Genuai Bidigo digi po pusuyu, tama agai da ma saibao homu yai. Tama agai po odali bidi dabe augwaligo dabolo te po mu po naga dao hania ola mawai dao.

1 Samuel 2:8

Agai te magi doado bage meniama, te sǫą pabo we bidi dabe tau selama, tama augwali bugagia bidaibao. Tama agai augwali te augwa bulu tǫde te genuai pedelama, bidimainu ilama, tama te we bidigo augwaliba genuai nogi mawaibao. Agai te tama tebo, magi baso meni, te e tǫ tolalubo bomai nai dabe augwali te Genuai Bidigo digi nigilai nai dabe, tama aga digi te nai dabe daide ugwadu te tǫ sese nigilama elalubo dao,” wali.

Kraisgo Geme Dualali Sę Pedelabo Po Jonbolo Ola Mani 22:17

Te Godigo Mobo Bidi dali, te Kibu Sipsip Waigo we dali sigo te po obao, “Nage asao.” Tama e po odali we bidi tigidali augwaligo me te po wao, “Nage asao.” Tama te wę nogone ebo bidi, aga asomainao. Wę tuainogo ebo bidi, aga aselama, te bidabo ula mabo wę tuagasao, te Godigo agabolo olo mu mawaibao.

Kraisgo Geme Dualali Sę Pedelabo Po Jonbolo Ola Mani 19:15

Tama te bobage poabi hwą ge me deli te augwa polalubo bidigo pedauwalide munaluai, tama te hwą ge buluba teda soai. Tama te hwą gego agai te tigidali tǫde we bidi hani elaibao. Tama agai te ain wąbi nogogo tulama, tama te we bidi hani augwali te ain dono wąbigo tonalueibao. Tama agai augwali tonaluyu, tama te Tigidali Bomo Elalubo God agai te we bidi dali moni dwai sębę ebaso, te bidi agai augwalibolo dwai dene mu mawaibao, te bomo yai ąį wain nigibo bidigo te wain bono du dabe te masigi halobage tomoba munama, tama agai sągągo agalalubo tiwai yaibao.

Hibru 13:17

Te duga tobolu bidi dabe augwaligo dage tau sabo homu elama, tama augwaligo dage sesemane sogo tonalubo dao. Magi baso meni, nosali augwaligo digi yali sę po tigidali te Godibolo pusaibao. Tama dagego augwaligo ola mabo po wali pelama, tama augwali dologode bidao. Te dagego tama tibaso da, teda augwali wiegi yai homu pemene elama, tama augwa sę tulama sę eyu, tama augwali homu sęgę me egobeo. Tialima augwaligo dage tonaluabo te homu sęgę ebaso da, teda te tebogo te dage tau me sogobeo.

Dwagi Yai Gesi Po Lukgo Asęani 24:47

tama hodaluama, tama aga nogigo bomogo aga sę ebo bidi dabe augwaligo agai po tigidali bidi hanibolo ola mawaibao, te we bidi augwaligo homu begelemainogo yaibao. Augwaligo homu begelama, tama Godigo augwaligo yali dwai dwai sę sela sąwaibao. Te Godigo sa muani bidi agai sę ebo bidi dabego te tobage po tigidali bidi hanibolo wagi paibao, te sę augwaligo Jerusalem bulude gagalaibao.’

Matyu 11:28

“Dage we bidi dabe sę dene genuai eyu sęgę yai nai tolobo tiwai we bidi dabe, dage tigidali enaba asao, te eno dage tau siyu, tama dagego toma tueibao.

Aisaia 33:23

Ma, te boi bidi dabego te Jerusalem sabo homu yali da, teda augwali usu me egobeo. Augwali te sip boskru bage te sip pomainu, te pobigisąma ebo boskru dabe tiwai bidaibao. Magi baso meni. Te sip tobolu bugagia dolalusiąma eyu, me te bono dabe bugagia bomalusiąma eyu, me te sel dinigalusiąma eyu isąma ebaso. Tama tibaso, boi bidi dabe wi peyu, te nai dabe hauwa tagalama paibao. Tama te Jerusalem dabe udala, te nai dabe sigi paibao. Tagala, te sągą dwai bidi dabe me, augwali me te gasa bidi dabe nosali aselama, augwaligo me te nai dabe hauwa mu saibao.

Dwagi Yai Gesi Po Lukgo Asęani 9:10

Jisasgo tagala palali bidi dabe augwali Jisas pageba ma sabolama, te augwaligo yali sę po dabe ma pusagasali. Tama Jisasgo augwali oda selama, pali. Te gasa we bidi dabe bidibadi tagalama, te augwali naga te hanu me deliba pali. Te hanu nogi Betsaida dao.

Matyu 18:31

“Tama te tuni bidigo sę ebo bidi meba augwaligo te kolesaga ebo sulama, tama augwali dwai homu mu yai. Tama augwali pelama, augwa genuai bidibolo te po tigidali pusigi pai.

Matyu 15:12

Tama te sogo te aga wali pabo bidi dabe augwali aselama, agabolo te po wagasai, “Nago te Farisi dabe augwaligo nago megi tamadi wali po odoyu, tama augwaligo dwai homu ebo koneaniwe?” te po wai.

Sekaraia 11:11

Tialima te dąų walali po te sogode mu silalio. Tama te doado bage nai dabe sǫą pali bidi dabego, eno te tiwai sę ebo augwaligo sulama, te tiwai augwaligo koneyu, te Genuai Bidigo po augwaliba mani da homu yali, te eno yali sęde te tiwai sę eba homu yai dao.

Sekaraia 11:7

Tama tialima ena te sipsip dabe meba tonalubo bidi pedelali, te magi nai doado bage meni ebo bidi dabego te ela tuabo sipsip kibu dabe da. Tama eno te sipsip kibu dabe tonaluali bidi dabego te kibu ososalo biliyu tolasa bilali dono si eno sali. Te dono me nogi, eno te tiwai nogi polali, te Olo Mu Tau Sabo Homu Ebo dono da, tama dono me nogi te tiwai nogi yali te Deli Madi Sisinibo nogi polali. Tama eno te dono si tolalu, te sipsip kibu hani dabe tonalua bilalio.

Jeremaia 5:1

Genuai Bidigo te tiwai po wali, “Dage Jerusalem we bidi, dage udulama, te taun sunumi dabeba, me te sisinibo pesageba tedela pelama, te doloba pai bidi meba bidibowe, ma meniwe, suainu tama tiao. Te dagego bidi me deli te doloba pai kolesaga wali peyu, te dolo yali kolesaga sę mu bomo ebo bidi subaso da, teda eno dage Jerusalemgo ebo dwai sę tigidali tagalaibao,” wali.

1 Samuel 25:12

Te Devitgo tagala palali bidi dabego te po odama, tama augwa te Devitba ma geasa pelama, tama te Nabalgo wali po tigidali agaba walali.

Godigo Nogi Ugwaba Sabo Tęąbi Po Wabo Buku Dabe 38:7

Eno tigi te posolo mu eyu, te siago dabo tiwai ebao, tama ena genuai gasi mu elalubao.

Godigo Nogi Ugwaba Sabo Tęąbi Po Wabo Buku Dabe 2:12

Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

Dwagi Yai Gesi Po Lukgo Asęani 14:20

Tama bidi mego e po wali, ‘Eno we tamadi kęwae dao. Tibaso, ena asogobeo,’ wali.

Dwagi Yai Gesi Po Lukgo Asęani 14:22

Tama te sę ebo bidi pelama, aga genuai bidigo yao wali sę elama, genuai bidi pageba ma aselama, te po wali, ‘Genuai bidi, nago enabolo wali sę eno yalio. Tialima, be pągąbeo, habuge yali,’ wali.

Matyu 20:7

Tama augwaligo po wei ponoyu, te po wai, ‘Te dabolo sę maiabo bidi me menio.’ Tama agai augwalibolo te po wai, ‘Dage me te wain giba pelama, sę egi piąo.’