Dwagi Yai Gesi Po Lukgo Asęani 13:34 - Godigo dwagi yai po buku

³⁴ Aua, dage Jerusalem bage dao. God agai po ola mabo bidi dabe dageba tagala palali. Tialima, dagego augwali ela muani, te masigi dabe sąyu, eleyu yali. Tama hauwa sogo eno homugo eno dage deliba sisinai hagede, pagia somainu, te ba kakaruk kimi aga gou dabe bogo dologode munama, bogogo bea sabo ąǫ tiwai. Tiali goli dagego hagelabo wali.

Dwagi Yai Gesi Po Lukgo Asęani 13:34 Referans Kwoze

Godigo Sęba Tagala Palai Bidigo Po 7:52

Polobadu duga wąį dabe augwaligo Godigo dwagi yai po pusa mabo bidi dabe tigidali ela silali. Me deli bidibawe? Mu menio. Polobadu mu Godigo dwagi yai po odasa pabo bidi dabe augwaligo te po wai, ‘Nosali God agai dwagi yai dolo sę ebo bidi asaibao.’ Tialima, duga wąį dabe augwaligo te po odasa pabo bidi dabe ela muani. Megi tama dagego te Godigo dwagi yai dolo sę ebo bidi ela muai.

Aisaia 30:15

God, Israel dabego Genuai Bidi, aga te Wiegi Yai Boma Pai Kolesaga Naga Ebo God dao. Agai e tama po wali, “Dage bugagia bidabo sunumi da, e tama dao. Dage enaba ma aselama, tama dage bugagia homu nagame elama, bidiąo. Tama dagego ena deli naga wali asiąo. Tama eno deli naga dage tau saibao. Tama eno dage ma aselama, tama dage bugagia tigidali sogo bomo elama, bidaibao.” Godigo te tama po wali. Tiali goli, dagego agai te po wali pabo hagela mu yali.

Dwagi Yai Gesi Po Lukgo Asęani 23:28

Tialima, Jisas begelama, te we dabe dali te po wai, “Dage Jerusalem we dabe, dage ena hagede gela wagio. Tiali goli, duga hagede gela weyu, duga wai bǫų hagede gela weyu yao.

Dwagi Yai Gesi Po Lukgo Asęani 19:44

Augwaligo dage Jerusalem dabe ela silaibao, te be dabe tigidali augwaligo mu hųgiaibao. Be nigali masigi me deli ugwadu me munalugobeo, tigidali pepedelama, aba sąwaibao, meba me tedali, tedali, besala paibao. Magi baso te sę yaibawe? Woo, te Godigo dage suagasu tau sabo sogo asali side te dagego konebeo,” Jisasgo te po wai.

Sekaraia 1:4

Dagego duga wąį dabego yali sę tiwai igimio. Te eno poloba profet dabego augwalibolo te dwai kolesagaba tudi ola mao po obadi, augwaligo te dwai kolesagaba tudi ola mawai menio. Tiali goli augwaligo eno po odai menio.

Hosea 11:7

Sesemane sogo augwaligo bomonama, ena tudiba muani, tialima eno augwaliba te mawainu ebo dwai dene te augwali me geda mugobeo. Te genuai sęgę augwalide elalubaso, te augwali dwai gela waibao. Tama te mena bidi me deligo te sęgę me sela sąwainu ebaso, usu me egobeo,” wai dao.

Hosea 11:2

Eno te hauwa sogo augwali i weyu, te ena wali asao po wai. Tiali goli, sesemane sogo te augwaligo ena tudiba muani. Eno we bidi augwaligo te tibo god Balba ofa yalio. Augwaligo te wiegi yai denami ebo hano ilibo ofa te haniani tibo godiba yai dao.

Jeremaia 6:16

Genuai Bidigo aga we bidi dabeba e tama po wai, “Te dagego mena sunumi wali pabo homu ebaso da, te bugagia homu kone palao. Dagego te duga wąį nǫų dabego wali te wiegi yai sunumi gegao. Te dagego me te sunumi wali pobaso, tama te nai dabego dageba sęgę masiąyu, te duga haliga te toma nomainu ilao,” wali. Tialima, te Israel dabego te po wai, “Dago te sunumi wali me pogobeo,” wali.

Jeremaia 2:30

Eno dagego wai puluba dabeba dwai dene mabo sę yali, te dage dodoliyu yali, tiali digi ena odolali sę dene yai. Dagego duga kolesaga me hasegelebeo. Menio. Iya! Dagego te eno dageba tagala palali profet dabe deli deli ela muna muna pela silali, te nasi yai boma pai laiongo hasa elebo tiwai yai.

Godigo Nogi Ugwaba Sabo Tęąbi Po Wabo Buku Dabe 36:7

God, nago te da godolo ebo kolesaga te siligobeo, tama te wiegi yai mu yai, dago wei homu mu ebao. Tama te we bidi dabe te nageba pelama, duala sabo da, te kakaruk wai dabe te aga idago bogo dologoba duala sabo tiwai gilama ebo dao.

Rutgo Po Elalubo Buku 2:12

Nage te God, te da Israel hanigo Genuai Bidiba asalio, te agai nage bugagia tonalumainu yaibao. Agai te nago wiegi yai kolesaga tigidali ebo suali, tama eno homugo agai te wiegi yai kolesaga nagebolo wei ponemainu ebao, tama agai te kolesaga me mu nagebolo wei ponono pidubadi gemainu yaibao,” agai te po wai.

Matyu 22:6

Te bidi dabe mebago te tuni bidigo tagala palali sę bidi pageabi elama, dene menama elama, tama augwali ela muai dao.

Matyu 22:3

E me te tiwai yainogo tama hasia bolo agai te bidi meba te we sabode nai tuagasomainogo i wai. Tama te nai tubo sogode te aga sę ebo bidi dabe tagala palama, te nai tuagasiyu asomainogo i wagi pali. Tiali goli augwali asobo hagela elama me asobeo.

Te We Bidi Dabego Jerusalem Hagede Gela Wali 1:16

Te tialigo eno gela uga selama, aiyaba dulumainu ilali. Tama ena dali hobede elama, tama ena ma dili ilabo bidi menio. Te boi bidi dabego ena aiyaba polo elaluai madi. Tama tibaso, eno wai puluba augwali dodolama mu bidibao,” Jerusalemgo te po obao.

Aisaia 50:2

“Eno dage gegagasali sogo, magi baso eno te bidi me deli bidibo subewe? Te eno dage i wali sogo, magi baso dagego eno i wali wei ponobewe? Dagego homugo te eno dage ma sabo bomo meni da homu yali da, agawe? Odao. Eno te po obaso, te tamu ąį tigidali mu sula saibao. Eno te po obaso, te genuai soabo ąį te masigi sane olo elalueibao. Te sųgų dabe isilama, kugumini dwai yaibao.

Godigo Nogi Ugwaba Sabo Tęąbi Po Wabo Buku Dabe 91:4

Te agai nage bugagia mesegalu, te kakarukgo aga wai dabe te bogogo mesega sabo tiwai yaibao. Nage te bugagia Genuai Bidigo bogo dologode dualaluaibao, tama agai nage tonalubao. Agai nage tonaluabo po te tibo po me wagobeo. Tama tiyu, nage Genuai Bidi dali bidiyu, te bidi aga te hwįbo sabelede duala sabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 81:13

Eno wei mu ebaso, tama eno hani bage augwaligo te eno po odomainu homu yali. Tama eno homugo te Israel dabego te eno homu sesemane wali pomainu homu ebao.

Godigo Nogi Ugwaba Sabo Tęąbi Po Wabo Buku Dabe 57:1

God, nago te homu dene eyu, tau sabo kolesaga enaba yao. Magi baso meni, nago ena tonalumainu eyu, ena nageba asobao. Ena nage dali bidibaso, te ena bugagia bidibao, te ba kakaruk wai dabe te aga idago bogo dologode bugagia geme dualalubo tiwai gilama ebao. Ena te tiwai tama bididu, te ena dolainu yali nai tigidali silibo sogoba usu nigi paibao.

Nehemia 9:30

Te kibu be hauwa nago dua dua tau sabo sę augwaliba eyu, tama augwali homu begeliąo wai. Te nago Mobo Bidigo te po te profet dabeba mawai, tiali goli te wąį nǫų dabego te po odisąwai. Tama tibaso, nago augwali te gasa bulu tǫ pedai bidi dabego nogoba mawai dao.

Jeremaia 35:14

Polobadu Jonadap, te Rekapgo ogwago, aga hani dabeba te po weyu, augwaligo te wain tulamuo wali. Te megi tama me, te Rekap dabego te augwa wąį nǫųgo wali po bugagia wali pelama, tama augwa te wain me tubeo. Tiali goli, eno dageba hauwa sogo po madu geai, te dagego eno po me odobo menio.

Jeremaia 26:23

Augwaligo te Uria selama, aga te king Jehoiakimba odasa asai. Tama kingo po obaso, te bidi dabego Uria te bainat hwągo elama, tama augwaligo aga tigi te olo bidi dabego gų pageba sąwai dao.

Godigo Nogi Ugwaba Sabo Tęąbi Po Wabo Buku Dabe 149:2

Dage Israel dabe, te Godigo dage nigalide te dagego bugai haliga iyąo. Awe, te Saion we bidi dabe, te duga kingba wiegi yai pemene yao.

Nehemia 9:26

“Tiali goli, te we bidi augwali te hagoma mu elama, tama augwaligo nago po sela sąwai. Tama nago bomo yai poba augwaligo tudi ola mawai. Tama nago te profet bidi dabe augwaliba tagala palali, te augwaligo te nago bomo yai po augwaliba magasu asali, te augwali homu begelama, nageba ma asomainu yai. Tiali goli, augwaligo te profet dabe ela muani. Tama hauwa sogo augwaligo te tiwai kolesaga yali, tama augwaligo nago nogi mu dolai dao.

Bomai Po 32:29

Tialima, augwaligo homu kolesaga elaluyu da, teda augwaligo augwali te dolali te sę page konigi dao.

Bomai Po 5:29

Eno homugo augwaligo te tobage kolesaga tigidali sogo emainu homu ebao, tama augwali tigidali sogo ena dologode elaluyu, tama eno bomai po tigidali sogo wali pomainao. Te tama eyu da, augwaligo sę dabe, me augwa wąį nosali asobo bagego sę dabe bugagia pedalaibao.

Kraisgo Geme Dualali Sę Pedelabo Po Jonbolo Ola Mani 11:8

Tama ela munama, tama te bidi sigo tigi te genuai hanu tomode te genuai po mibo pesagede olo munalueibao, te hanude polobadu augwali sigo Genuai Bidi te we bidigo ni pedaide dagana selama isali. Te genuai hanu nogi po digi pogo begelama tama nogi Sodom wabo, me nogi Isip wabo dao, te po digi pode.

Godigo Sęba Tagala Palai Bidigo Po 8:1

Te sogo, Stiven isali sogode, augwaligo Jisas wali pabo we bidi elebo sę gagalali, te Jerusalemde. Te tebo sę genuagi mu yali. Tama Jisas wali pabo we bidi tigidali te Judia tǫ, Samaria tǫ te bulu siba wi tedela pali. Tiali goli, te Jisasgo tagala palai bidi dabe wi pabe.

Godigo Sęba Tagala Palai Bidigo Po 7:59

Augwaligo Stiven tigiba masigi sąbo sę ebadi, Stivengo te Godibolo te po wai, “Jisas, Genuai Bidi, nago eno mobo megi sao,” te po wai.

Dwagi Yai Gesi Po Lukgo Asęani 15:28

Tama te po odama, te gomunai bidi sębę yali. Be tomoba pabo aga hagela yali. Aga aya te be bulu badu asai, aga homu dene baso, ‘Nage be tomoba asao’ wedu gebadi.

Joel 2:23

“Te Saion we bidi dabe, dage wiegi yai pemene iyąo. Dagego te duga Genuai Bidi ena Godigo dage tau sali sęde wiegi yai pemene yao,” wai. “Eno dageba te tulubage te nai bulabo sogo usu nama mawai, tama dageba te polobadu yali tiwai te tulubage hauwa mawai.

Te We Bidi Dabego Jerusalem Hagede Gela Wali 4:13

Tiali goli, Godigo te boi bidi dabe tagala palama, te Jerusalem dolai dao. Magi baso meni. Te profet dabe, me pris dabe, augwaligo dwai sę elama, tama augwaligo te Jerusalemde dwai sę meni yai we bidi ela mubaso tiai dao.

Godigo Nogi Ugwaba Sabo Tęąbi Po Wabo Buku Dabe 17:8

Ena tonaluao, nago naga gedu tonalubo tiwai ena tonaluao. Ena nago bugagia mu dualao, te ba kakaruk aga wai dabe bogogo mesega sabo tiwai ilama yao.

Jeremaia 35:17

Tama tialima, ena Genuai Bidi, ena Tigidali Bomo Elalubo God, ena Israelgo God, eno te po obao. Dage Juda me Israel we bidigo, odao. Polobadu eno po dageba pusali, tiali goli dagego te poba olo me mubeo. Eno dage i wali, tiali goli dagego eno i wali wei me ponobeo. Tama tibaso, eno te dwai dene mabo sę tigidali dageba pedalumainogo ebao, eno te sę yaibao po wai dao,’ te po te Jerusalem bage dali te Juda bagebolo pusigi pao,” Genuai Bidigo Jeremaiabolo wali.