Dwagi Yai Gesi Po Lukgo Asęani 13:31 - Godigo dwagi yai po buku

³¹ Te Jisasgo te we bidi dabebolo te po obadi yaide, te Farisi sibi bidi me badu aga pageba asai. Tama augwaligo agabolo te po wali, “Te genuai gavman bidi nogi Herot agai nage isilai hagede homu ebao. Tama tibaso, nage e bulu taga pelama, pao,” te Farisi bidi dabe augwaligo te po wali.

Dwagi Yai Gesi Po Lukgo Asęani 13:31 Referans Kwoze

Matyu 14:1

Te Jisas aga page bulude bidali sogo te Juda hani genuai gavman tuni bidi nogi Herot agai te Jisasgo sę ela bilibo po odai.

Dwagi Yai Gesi Po Lukgo Asęani 3:1

Te Sekaraiago ogwa Jon te bidi meni yai bulude bidibadi, Godigo agai po agabolo konelali. Tama te sogo tr gavman genuai tobolu bidi me nogi Taiberius, me sogo Sisar wabo da, agai sę gagalali kibu be nogo si olama, me sągą sese silali. Bidi me nogi Pontias, me sogo Pailat wabo, te Judia bulude aga gavman tobolu bidi bidai dao. Me Herot aga Galili tǫde gavman tobolu bidi bidali. Aga ama Filip te bulu me nogi Ituria dali Trakonitis dali si tonaluali. Bidi me nogi Lisanias agai te bulu me nogi Abilene tonaluali. Te sogo te pris bidigo tobolu bage nogi Anas dali Kaiafas dali si bidibadi dao.

Matyu 14:3

Te tiwai pedelali. Polobadu te gavman tuni bidi Herotgo bidi dabe tagala palama, tama augwaligo Jon pageba pelama, tama aga bonogo nogo dųnama, tama “Aga kalabusiba muao,” po obaso, te aga kalabusiba muani. Te tuni bidi Herot aga ama Filipgo we nogi Herodias, te wego “Aga kalabusiba muao” po obaso, teba muani.

Matyu 14:6

Tama me sogode bidi meba augwali te tuni bidi Herot dali aga beba sisinani, te aga idago aga ame nani sogo pedalobo koneama tiwai. Tama te sogo te we Herodiasgo wegi, te gesi we, te aga te augwali tomode tęąbi ela bilai. Tama Herotgo godolo mu ebaso,

Dwagi Yai Gesi Po Lukgo Asęani 9:7

Te Galili tǫ tonalubo tobolu bidi Herotgo te Jisasgo yali sę po dabe odali. Tama aga homu kone tųą pali. Magi baso menio. Bidi mebago te baptais mani bidi Jon ma hodaluama, bidibao, wali. Mebago “Te polobadu bidali profet bidi Elaija ma pedelama, bidibao,” te po wali. Mebago polobadu Godigo po ola mani bidi ma pedelalio wali. Te po hauwa obaso, Herot aga homu kone mu tųą pali.

Dwagi Yai Gesi Po Lukgo Asęani 23:7

Augwaligo “Aga te bidi Herotgo tonalubo tǫde bidibo bidi dao,” wali. Tama te po odama, Pailatgo “Aga Herotba sela pao, agai te po tų odomainogo,” wali. Tama te sogo Herot te Jerusalem be nanide osogo bidibadi dao.