Dwagi Yai Gesi Po Lukgo Asęani 13:19 - Godigo dwagi yai po buku

¹⁹ Godigo we bidi tonalubo sę te tubo nai nogi mastet ge tiwai dao. Te mastet ge da, te kemeni ge sabi si dao, dwasianunu mu dao. Tama bidi mego te mastet ge selama, agai gide tela yali. Tama te nai wai tedelama, te koliali. Koliama, te genuai holama, te ni tiwai pedelali. Tama te ba dabe augwa be te ni nologode sę yani,” Jisasgo te po wali.

Dwagi Yai Gesi Po Lukgo Asęani 13:19 Referans Kwoze

Daniel 4:12

Te nigo te wiegi yai yabe elalu, tama te nai hauwa walali, tama te tigidali bidigo, me hasa sibigo te tuabo usu elaluai. Te bulu uni hasa sibi dabe aselama, te ni dologoba toma tuagasu yagasai, tama te ba dabego aga nologode be nigali, tama te tobage tigidali nai sibigo te aga du tuagasalio.

Daniel 4:21

Te agai yabe te wiegi yai dabe naga elaluai, tama te nigo du wai te hauwa elaluali, te tigidali bidigo me hasa dabego te tuabo usu elaluai. Te bulu uni hasa dabe te ni dologoba toma nagasali, tama te ba dabego te aga te ni nologoba be sęnama bidai dao.

Godigo Sęba Tagala Palai Bidigo Po 4:4

Tiali goli, augwali sigo po ola mabo po te odali we bidi te augwali hauwa mugo te po mu konealuali. Tama te bidi dabe nedelama, te namba hauwa mu 5,000 yali.

Godigo Sęba Tagala Palai Bidigo Po 2:41

Tama we bidi hauwa augwaligo agai wali po homude dąų wai. Tama we bidi hauwa mu 3,000 augwali te sogo baptais selama, tama augwali te Jisasde polobadu homu dąų wai we bidiba wadolagasai.

Sekaraia 2:11

“Tama te sogo kantri hauwa we bidi augwali Genuai Bidiba aselama, tama augwali eno we bidi bidaibao. Tama ena dage tomode bidaibao, tama dagego koneaibao, ena aga digi dage tomoba taga palama, dage tomode bidibo koneaibao.

Esekiel 31:6

Tama te haniani ba dabe augwaligo augwa be te ni nologoba sę yagasai dao. Tama me te bulu hasa dabe augwali te ni nologo dologoba bidagaselama, tama augwaligo augwa gǫų te ni nologo dologode sai da. Tama tigidali kantri we bidi augwali te ni dologoba duayagasiyu yai dao.

Aisaia 9:7

Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.

Godigo Sęba Tagala Palai Bidigo Po 21:20

Tama Polgo te po ola silama, augwaligo Godigo nogi ugwaba sali. Bidi me deli hodaluama, Polbolo agai te po wai, “Dago ama, nage bugagia koneao. Umabo Juda hani we bidi augwaligo homu Jisasba mu muai elalubao. Tama augwaligo bomo elama, Mosesgo bomo yai po tigidali wali pabo da.

Matyu 17:20

Tama agai te po augwalibolo wai, “Dagego homu Godiba dwasianu naga begi pobaso, dagego te sę yainogo ebo te usu meni dao. Awe, eno mu po dagebolo obe dao, te dagego Godiba duga homu begi pabo kolesaga te dwasianunu, te kemeni ge tiwai usu elalubaso da, teda dagego e bulu dubolo te po weyu da, ‘Nage hodaluama tama u badu pao’ wabo si da, tama aga teba paibao. Tama dagego te tiwai bomai sę tigidali ebo te usu yaibao.

Aisaia 58:11

Te ena Genuai Bidi, te sesemane sogo eno dage bugagia tonalu, te dage bilibo dodolama, te dagego homugo wei homu ebo nai dabe usu nama mawaibao. Megi dage te ąį meni yai tǫde bidibo tiwai ebao, tiali goli eno dage wiegi yai bomai we bidi pedalumainu yaibao. Tama dage te gi tǫ ili ąį hauwa elalubo tiwai elama, te sula sisąbo ulu ąį tiwai elalueibao.

Aisaia 53:10

Tiali goli, Genuai Bidigo digi aga sę bidi aiyaba elaluama, tama agai te dene selama, tolomainu yali, magi baso meni, te sę bidigo digi aga bidibo ula mayu, te we bidi dabego sęgę sela sąbo ofa tiwai ebaso da, teda aga bidibo sogo te bobobage mu igi pelama, te aga bulai wąį nǫų wai dabe sueibao. Te aga yali sęde, te sę bidigo te Genuai Bidigo homugo yao homu ebo sę ebaso, te agai te sę bugagia pedalumainu ebo dao.

Solomon 6:2

Eno abagi wali bidi aga giba pali. Te gide te wiegi yai denami ebo nai dabe pągąnąlubao. Te aga meme dabego te nosai dabe tubo sę eyu, tama agai te au sawia pai plaua dabe sisinibo sę eyu ebao.

Kraisgo Geme Dualali Sę Pedelabo Po Jonbolo Ola Mani 11:15

Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.

Polgo Po Pas Rom Dabeba Asęani 15:19

Tama agai eno nogode te haniani bidigo me isąwai bomai sę yai. Tama Tedali Mobo Bidigo me enabolo sę bomo yali. Te tigidali sę agai yai, te gasa hani dabe hodolama, tama augwaligo te Godigo po wali pomainogo yalio. Tama tiyu, eno te sę Jerusalemde gagalama, tama eno Kraisde wiegi yai gesi po tigidali augwalibolo pusali, tama ena bilali te tigidali habuba te digibulu mu bulu nogi Ilirikum dąį egi pelama, tama te sę ela silai dao.

Jeremaia 31:12

Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Aisaia 61:11

Magi baso meni. God, Genuai Bidigo doloba pai kolesaga dali, te aga nogi ugwaba sabo kolesaga dali, te we bidi dabe tomode pedelaibao, te gide bulali nai wai kulubi pedelama, te genuai ebo tiwai yaibao. Tama te gasa Israel hani isąwai we bidi dabe tigidaligo sumainogo yaibao.

Aisaia 53:1

Te Israel hani we bidi dabego te tiwai po wai, “Dego te megi dago odali pode konealubo homu dąų waibawe? Tama dego Genuai Bidigo te megi yali bomai sę tiwai ebo suai dawe?

Solomon 8:13

Eno abagi, nage gide bidibaso, eno homugo nago po omainu homu ebao, tama eno hai namu dabego te nago dogonigo po wabo odomainao wali.

Solomon 4:16

Not badu wali, nage asao. Saut badu wali, nage aselama, eno gi waligo mesega sagasobaso, te tigidali pesage te gi habu te wiegi yai denamigo pągąną saibao. Tama eno te godolo mu ebo abagite aga giba aselama, tama te wiegi yai nedu du dabe tuagasomainao.

Solomon 4:12

Eno we, nage eno hobolu du mu da. Nage te obo baguai gi me deli tiwai elalubao, tama te tomoba niwai bidi me pisąwani. Nage te ulu wę me deli tiwai te gi tomode elalubao.

Dwagi Yai Gesi Po Lukgo Asęani 17:6

Tama te Genuai Bidi Jisas agai augwalibolo te po wali, “Edao. Dagego kolesaga enaba mu dąų wabo sę te dwasianunu kemeni ge tiwai dwasianu elalugi sogo da, teda e gasa nigo dagego wabo po odigi da. Dagego e gasa niba ‘Nage naga pedali dabe tǫdu gudama, tama te tamu ąįba pelama, naga digi teba buligi pao’ obaso da, teda te nigo te po odaibao, teba buligi paibao,” wali.

Dwagi Yai Gesi Po Makgo Asęani 4:30

Tama Jisasgo te po wali, “Dago te Godigo we bidi tonalubo sę te mena tama usu saibawe? Tama dago tede mena usu sabo po begelama waibawe?