Dwagi Yai Gesi Po Lukgo Asęani 12:58 - Godigo dwagi yai po buku

⁵⁸ Bidi mego nago dwai sę yali olama, nage po tų ebo pesageba odasa pobadi yaide, te bidi dali dage si te sunumidu pobadi yaide te po tų bugagia dodolao. Meni baso da, nage po tų ebo bidi pageba kekasa pelama, te bidigo nage enesigi bidigo nogoba muaibao. Augwaligo nage kalabuside muaibao.

Dwagi Yai Gesi Po Lukgo Asęani 12:58 Referans Kwoze

Matyu 18:30

Tiali goli te bidi aga hagela yai. Tama agai aga abagi te bidi kalabusiba mugi pai, tama te bidi tede bidibadi agai negeli sali wei usu numainogo tiwaibao.”

Aisaia 55:6

Megi da, Genuai Bidi te dage pąde bidiyu, dage tonalubao, tama megi sogo te dagego agaba gedu haluasa po weyu, te aga pąba pabo sogo dao.

2 Korin 6:2

Magi baso meni. Polobadu Godigo aga we bidi hanibolo te po wai dao, “Te eno bodolu mani wiegi yai sogo, eno nago po odai dao. Tama te bidi dabe augwali ma dobola sabo sogode, eno nage tau sali.” Odao! Megi naga te bodolu mani wiegi yai sogo. Megi e sogo naga te Godigo da ma dobola sabo sogo dao. Tama tibaso, dagego agai olo mabo wiegi yai tau sabo kolesaga sula tagaligimio.

Godigo Nogi Ugwaba Sabo Tęąbi Po Wabo Buku Dabe 50:22

“Te ena tudiba mubo we bidi, dagego odao. Te dage te tiwai tama bididubaso da, teda eno dage dolaibao, tama te bidi me deligo dage ma sainu ebaso, te usu me egobeo.

Godigo Nogi Ugwaba Sabo Tęąbi Po Wabo Buku Dabe 32:6

Tama tibaso, nage wali asobo tigidali we bidi, te augwaliba sęgę pedalubo sogo, te augwaligo gedu haluasa po nageba omainao. Tama te sęgę genuai mu pedaliyu, tama te ąį genuai asiyu, tama te bidi sainu ebo tiwai gilama ebaso da, teda te sęgęgo augwali aiyaba me elalugobeo.

Jopgo Po Asęani Elalubo Buku 23:7

Ena doloba pai bidi. Tama ena agai gedude dolo po tųde doliyu da, eno aga dali po migi dao. Tama agai eno po odoyu da, teda agai e tama waibao, eno dwai sę me agai gedude me ebeo po wagi dao. Tama eno po tų da, mu siligi da,” wali.

Jopgo Po Asęani Elalubo Buku 22:21

“Megi da, Jop, odao. Megi nago God dali po dodolama, tama dedeli homu yao. Ma, naga tama tiyu da, teda agai nage usu ma ilama, tama nage bugagia ma bidaibao.

Kraisgo Geme Dualali Sę Pedelabo Po Jonbolo Ola Mani 20:7

Te nosali te kibu be 1,000 silibo side, teda te kalabus be tų palialuali te tų dabode, tama Satan aga te kalabus elaluali tagalaibao.

1 Pita 3:19

Tama te sogo Krais aga mobo bidigo te isali bagego noma bidi dabe kalabuside bidalubo madiba aga teba pelama, tama agai aga po augwalibolo pusali.

2 Pita 1:15

Tama eno bugagia dua dua eyu te tų nigaibao, tama ena isai digi nosali dagego te po tigidali sogo dagego homugo ma koneaibao.

Jutgo Asęani Pas 1:3

Eno abagi mu dede, hasia eno homugo te Godigo da tigidali ma dobola sabo sęde eno po dagebolo asęna tolabo homu bomo yai. Tiali goli, eno homu hasegelali, tama megi dagebolo gasagi yai po asęna tolobao. Magi baso meni, gasa bidi dabe augwali dage Godigo we bidi hani tomoba geme asai, te sa asobo bage tiwai asai. Te polobadu te deli sogo naga te God agai aga po te aga we bidibolo mu mawai dao. Tama te po e dao, te dago te God dali Jisas dali augwali side konealubo po dąų wao. Tiali goli, te geme asai bagego augwaligo ebo dwai dwai kolesaga bolainogo augwaligo te Godigo mani po hasegelali, tama tibo po dagebolo ola mayu, “Woo, te God agai da olo tau siyu, tama dago ebo dwai sęgę sela sąbaso, teda dago dwai dwai penani ebo kolesaga eyu da, te usu da,” augwaligo te tibo po ola mabo da. Tama tibaso, eno megi dagebolo e po asęna tolali, te dage bomo elama tama te Godigo mani po bugagia tonaluyu paliąo, augwaligo te po dolidali weyu yao. Tama augwaligo te tobage tibo po weyu, augwaligo te Jisas Kraisde hogwa sabo po wabo dao. Augwaligo dago Polalubo Bidi, te dago Genuai Bidi deli naga tudiba mubo dao. Tama polobadu mu Godigo po asęani bidi augwaligo te po asęani, te God agai te tobage dwai dwai sę ebo bage sa munama tama sęgę mawaibao, te po te bukude asęani.