Dwagi Yai Gesi Po Lukgo Asęani 12:52 - Godigo dwagi yai po buku

⁵² Tama we bidi bugulama, te tiwai me badu e badu bidaibao, me badu u badu bidaibao. Megi dąį elama, deli bede a naga bidai yabaso da, bugulama, selago te me si dali boi bidi eyu, te me sigo te me sela bage dali boi bidi eyu yaibao. Aya dabego augwa ogwa dali dwai homu eyu yaibao.

Dwagi Yai Gesi Po Lukgo Asęani 12:52 Referans Kwoze

Godigo Sęba Tagala Palai Bidigo Po 28:24

Tama we bidi me badu augwaligo Polgo wali po mu dao homu yali goli, meba we bidigo te mu da homu ebe.

Dwagi Yai Gesi Po Jongo Asęani 16:2

“Augwaligo dage te Juda dabego bomo yai po ola mabo bede mu sela sąwaibao, te dagede habu selebao. Tama te sę naga egobeo. Nosali sogo pedalobode, tama te dage ela mubo bage augwaligo homugo Godigo sę augwaligo bugagia ebao, te homu yaibao. Tama te homu eyu, tama dage dali tiwai sę yaibao.

Dwagi Yai Gesi Po Jongo Asęani 9:16

Tama te Farisi bidi hani tomode si bugulama, mebago Jisasde te po wai, “Godigo te bidi tagala palobeo. Agai Sabat sogode bomo yai po wali pabeo.” Tialima meba bidigo te po wai, “Dwai sę ebo bidi mego te tiwai bomai sę me ebo menio. Te bidi dwagi yai bidi dao,” wai.

Godigo Nogi Ugwaba Sabo Tęąbi Po Wabo Buku Dabe 41:9

Eno abagi me deli elaluai, aga te eno hai namu mu tama, tama aga te ena dali nai tuyu yai. Tiali goli, aga me te eno boi bidi pedelali.

Dwagi Yai Gesi Po Lukgo Asęani 12:51

Dagego homugo eno e tǫba te tigidali we bidi dwagi yai homu ilagasali waliwe? Dagebolo eno mu po obao, te menio. Eno da te we bidi bugulagasu ena asai dao.

Dwagi Yai Gesi Po Lukgo Asęani 12:53

Ogwa dabego me augwa aya dali dwai homu yaibao. Ida dabego me augwa wegi dali dwai homu yaibao. Wegi dabego me augwa ida dali dwai homu yaibao. Ida dabego me augwa ogwago we dali dwai homu yaibao. Tama ogwago we dabego me augwa auwa dali dwai homu yaibao,” Jisasgo te po wali.