Dwagi Yai Gesi Po Lukgo Asęani 12:42 - Godigo dwagi yai po buku

⁴² Tama Genuai Bidigo wei ponoyu, te po wali, “Te eno te kolesaga elama, dwagi yai sę ebo bidibolo obao. Aga genuai bidigo te bidi te sę tigidali tonaluabo genuai bidi me ma nigilaibao. Te bidi te gasa sę ebo we bidi dabe nai dobayabo sogo dobayabo genuai bidi me nigilaibao.

Dwagi Yai Gesi Po Lukgo Asęani 12:42 Referans Kwoze

Hibru 13:17

Te duga tobolu bidi dabe augwaligo dage tau sabo homu elama, tama augwaligo dage sesemane sogo tonalubo dao. Magi baso meni, nosali augwaligo digi yali sę po tigidali te Godibolo pusaibao. Tama dagego augwaligo ola mabo po wali pelama, tama augwali dologode bidao. Te dagego tama tibaso da, teda augwali wiegi yai homu pemene elama, tama augwa sę tulama sę eyu, tama augwali homu sęgę me egobeo. Tialima augwaligo dage tonaluabo te homu sęgę ebaso da, teda te tebogo te dage tau me sogobeo.

Hibru 13:7

Dagego duga tobolu bidi dabego yali kolesaga homugo bugagia koneao, polobadu augwaligo Godigo po dagebolo pusai. Dagego augwali bilali kolesaga dali, augwali isali kolesaga dali si homugo koneama, tama augwaligo konealubo po dąų weyu Godiba tią pali kolesaga te wali pao.

2 Timoti 5:17

Te Godigo po odobo we bidi hani tonalubo monu dabe, augwaligo te sę bugagia eyu da, teda te hanigo augwaligo nogi ugwaba siyu, tama augwalibolo te augwaligo sabo pe mone mayu, tama meba ugwadu manuma mao. Te tonalubo bidi dabe tomode te bidi dabe meba augwaligo te sę eyu, tama augwaligo me te Godigo po pusuyu tama te we bidi dabebolo ola mabo sę bugagia eyu te sę dene yali, te tobolu bidi dabe augwalibolo te manani masigi polasa mao.

1 Pita 4:10

Tama God agai te dage deli delibolo te haniani tau sabo homu kolesaga olo mena mena pai dao. Agai tama tialigo da, dage deli deligo te olo mani homu kolesaga ebogo gasa we bidi tau sao. Tama dagego tama tiyu da, teda dage te Godigo olo mani tau sabo homu kolesaga bugagia tonalubo we bidi mu bidaibao.

Taitus 1:7

Magi baso meni, te Godigo we bidi tonalubo bidi te bidi agai Godigo sę tonalubo dao. Tama tibaso, te bidi aga dolo bugagia bilao, sęgę meni yai bidi bidao. Agai hagoma ebo kolesaga ebo bidi bidilamuo, tama agai sębę polo me elamuo. Agai bomai ąį hauwa tubo bidi menio, tama agai bidi dabe me elebo menio. Tama agai masigi dabe hauwa sabo homu eyu pesą ebo bidi menio.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Matyu 20:8

Tama te be pio yai digi, tama te wain bono du gi page bidigo te aga sę ebo bidi dabe tonalubo bidibolo te tiwai po wai, ‘Nago te sę egi pali bidi dabe augwali i olama, mone mao. Nago te nosali badu mu sę yagasali bidi dabe gagalasa, tama nago augwali mone mena mena pelama usu nigibu, tama te polasa kigamu sę egi pali bidi dabe mone simaniyu augwali mone nosali mao,’ te po wai.

Esekiel 34:3

Dagego te sipsip ame pę tuyu, te augwaligo sipsip kibu nisigo nigai gudubo ugwa gudubo dao, tama dagego wiegi yai tumona pai sipsip kibu elama, te ili dali mi dali tubo dao. Tiali goli, dagego te sipsip kibu tonalubo menio.

Aisaia 50:4

God Genuai Bidigo enabolo te wiegi yai po wabo kolesaga ola mawai, tama eno te wiegi yai po te bomo meni yai we bidi dabego haliga dąų walu, waibao. Tigidali sogo kigamude agai enabolo te wiegi yai gesi sę po ola mawainu ebo po odabo homu godolo mu ebo dao.

Bugagia Bidibo Kolesagade Po Asęai Buku 15:23

Te bidi dabe po mibadi, tama nago te wiegi yai sogo ebo te tonaluama, tama nago te wiegi yai po me deli weyu da, teda nage pemene yaibao. Awe, nago pode te gasa bidi dabe me dwagi yai homu yaibao.

Hibru 3:5

Te bidi Moses aga te Godigo sę bidi, tama te Godigo we bidi tigidali tomode yali sęde agai Godide homu kęą pai bidi bidai. Tama agai te Godigo nosali wabo po pusubo sę te Mosesgo bugagia yai.

2 Timoti 3:15

Magi baso meni, ena polo sabalisiąbaso da, teda nago e pas selama tama nedama, tama nago nage Godigo hanide bugagia bidabo kolesaga po tede koneagameo. Te God aga da te bidibo ula elalubo God dao. Te agai po odobo we bidi hani augwali da te Godigo be tiwai we bidi dao. Tama augwali te Godigo mu po tolalubo te bomai ni pos dali kau ni me tiwai elalubo dao.

Dwagi Yai Gesi Po Lukgo Asęani 7:13

Tama Genuai Bidigo te wilawe we sulama, moni hobede mu eyu, “Gela wagio” wali.

Matyu 13:52

Agai augwalibolo te po wali, “Awe, te Juda dabego polobadu bomo yai po page koneani bidi aga te Godigo we bidi tonalubo kolesaga tede te po te skul wai tiwai pedalobaso da, teda agai te Godigo polobadu wali po me, te megi elalubo gesi wiegi yai po dali, te po si aga homude elaluaibao. Tama te dwagi yai po hauwago agai gasa we bidi ola mabo usu mu yaibao,” Jisasgo te po wai.

Jeremaia 23:4

Te ena Genuai Bidi, te eno gesi noma tonalubo bidi nigilama, tama augwaligo te sipsip dabe bugagia tonalueibao. Tama te sipsip dabego magi nai me delide wi me egobeo. Tama te sipsip deli me hagagobe dao,” wali.

Bugagia Bidibo Kolesagade Po Asęai Buku 27:18

Te bidigo aga bulali nedu du tuabo homu eyu da, aga te ni te bugagia tonaluao. Tama te bidigo aga tonalubo bosman bidi te bugagia tonalubaso da, teda te tonalubo bosman bidigo aga nogi ugwaba sabo dao.

Bugagia Bidibo Kolesagade Po Asęai Buku 31:15

Te wiegi yai wego da, te be posisąbadi digi hodaluama, tama aga wai me bidi te nai ulama, tama aga tau sę ebo we dabe sęba dobabo dao.

Dwagi Yai Gesi Po Lukgo Asęani 7:19

Tama Jon aga wali bilibo bidi si i wali. Tama te bidi sibolo “Genuai Bidibolo hanalugi pao,” wali, “‘Nage Jongo te nosali asaibao wali bidi dawe, ma gasa bidi me asobo dago tonaluaibawe?’” Jongo tama Jisasbolo wao po wali.

Dwagi Yai Gesi Po Lukgo Asęani 12:43

Te sę ebo bidigo aga genuai bidigo mani sę idubadi yaide, aga genuai bidigo ma suagasobaso, te sę ebo bidi dwagi yai homu mu yaibao.

Ma Dobola Sali 36:4

Tama tibaso, te ugwa be sę ebo bidi dabe augwaligo te nai dabe sela asobo sulama, tama augwa ebo sę tagalama,

Bugagia Bidibo Kolesagade Po Asęai Buku 12:8

Te wiegi yai homu elalubo bidi yai baso da, teda te we bidi dabego aga nogi ugwaba saibao. Tiali goli, te homu kolesaga gagea pai bidi da, augwaligo te aga nogi aiyaba elalubo dao.