Dwagi Yai Gesi Po Lukgo Asęani 12:31 - Godigo dwagi yai po buku

³¹ Te nai dabe gegegebo tagalama, Godigo we bidi tonalubo sę wali bugagia pobaso da, ta nago homugo tubo nai me, ugwa me God agai mawaibao,” Jisasgo te po wali.

Dwagi Yai Gesi Po Lukgo Asęani 12:31 Referans Kwoze

Matyu 6:33

Tama tibaso, te naide moni homu isiąma, tama dagego hasia bolo te Godigo we bidi tonalubo sę dali, me te wiegi yai doloba pai kolesaga sabo sę bolo wali piduama sao. Dagego te tama kolesaga ebaso da, te nosali agai gasa nai dabe tigidali me dagebolo mawaibao.

Hibru 13:5

Dagego te monede pesą eyu godolo ebo kolesaga wali me pigio. Te dagego tolalubo naide te dagego e tiwai homu yao, “Te wiegi yai dao. Te ena usu yaibao.” Magi baso meni, Godigo digi te po walio, “Te ena nage munu me tagalogobeo. Te eno nage tudiba munu me mugobeo.”

Godigo Nogi Ugwaba Sabo Tęąbi Po Wabo Buku Dabe 34:9

Te Genuai Bidigo we bidi dabe, dage te aga dologode bidao. Magi baso meni, te aga dologode bidibo bidi dabe da, te augwali magi nai deli me sǫą pogobeo.

2 Timoti 4:8

Nago koneani, te dago tigigo sę ebogo te tigibolo bomo mobaso, tebogo da tau sabo dwasianu usu ebo dao. Tiali goli Godigo kolesaga wali pabogo te da tau sabo te hauwa mu ebo dao. Te sę ebogo da megi te bugagia bidibo ula mabo dao, te nosali bidabo ula tau sabo me te usu yaibao.

Dwagi Yai Gesi Po Jongo Asęani 6:27

“Dagego te mobia pabo nai naga sabo sę tiwai dagego egimio. Te menio. Dagego te bidada peyu bidabo bomo mabo nai sabo sę yao. Te tiwai nai Godigo Bidi Mu agai dagebolo mawaibao. Magi basowe? Aga Aya Godigo te bidide dwagi yai homu eyu, sa muai,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 84:11

Genuai Bidi, te da seselalubo bidi, te dago genuai nogi elalubo king dao. Agai te olo tau sabo wiegi yai kolesaga dabolo eyu, tama daba genuai nogi mayu yali. Agai te bugagia dolasa bilibo we bidi dabede te mena nai me deli me dąų me ela sogobeo.

Polgo Po Pas Rom Dabeba Asęani 8:31

Te Godigo te da tau sabo sę hauwa po odobaso, tama dago magi po Godigo te ebo sę dabede waibawe? E tama naga dao, te Godigo da tau sobaso, teda dego da dali boi bidi elama tama da aiyaba elalugowe? Woo, bidi mu menio.

Godigo Nogi Ugwaba Sabo Tęąbi Po Wabo Buku Dabe 37:3

Nago konealubo homu Godiba munama, tama wiegi yai kolesaga yao. Nago tama tiali da, tama nage te naga tǫde sesabi elama bidaibao, tama magi nai me deligo nage me dologobeo.

Godigo Nogi Ugwaba Sabo Tęąbi Po Wabo Buku Dabe 37:25

Polobadu ena gesi ogwa bidi bidali, tama megi da ena monu dabe yalio, tiali goli te Godigo doloba pai bidi me deli tudiba mubo te eno me subeo. Tama te doloba pai bidi dabego wai dabe te nai sǫą pabo te eno me susiąyu, tama te gasa bidigo augwali tau somainu i me wabeo. Mu menio.

Aisaia 33:16

Augwali te tobage bidi dabe augwali bugagia bidaibao. Augwali te bidi me te bugagia wiegi yai boma pai bulu dude geme dualalubo ąǫ yaibao. Tama nai dabe mego augwali aiyaba me elalugobeo. Tama tigidali sogo augwaligo tuabo nai elaluyu, wę elaluyu yaibao.

Godigo Nogi Ugwaba Sabo Tęąbi Po Wabo Buku Dabe 37:19

Te dwai sogode te sęgęgo augwali me gegegobeo. Tama te nasi ebo sogo, te augwa nai hauwa elalu, te augwali nai me sǫą pogobeo.

Dwagi Yai Gesi Po Lukgo Asęani 10:42

Tiali goli, sęgę yai nai deli mu te elalubao. Tama Mariago homugo te saiba homu yali te segąį nai te saleao. Mego me dobagobeo,” Jisasgo te po wai

Dwagi Yai Gesi Po Lukgo Asęani 12:30

Te God wali pisąbo te tǫde we bidi hani dabe tigidaligo te tama tebo moni homu elama, tigidali sogo gegebo dao. Dagego homugo tuabo homu ebo nai da, te duga Ayago agai dage maiabo homu konealubao.